Yakobo 3 的热门经文

分享

Ëgweeso ihaa nërëdwëëre gunto girunde mwandyo uunë ija rëanjëte majëghana, ufoo nanë uvakeera antu, rijue goonea uvavi na rëufafaa nkhari ya ntendo në njija, rëtina ubaghui mbesa lakuno.

Anyu në wina ihaa nanë umanyi mukhatë anyuhe? Uvii araghëëre ihanyo rasëë gwa mweendendo wakwe në uja nanë gwa ntendo yakwe në njija nëyigutendekaa gwa winyumpyi nanë ihaa.

Uduvi nëuja uunë mbeyu gwa vasaa nëvëyanjëte majëghana vëufandëaa mu majëghana.

Gusoko soong'e fana gwina wiru nanë giona muntu mughonjo, faafo gwina faghafagha nanë mu intu në ivë.

Gwa urëmë sese, guumurumbaa Müküü na Tata witu. Gwa urëmë uruuro uruuro guuvajumaa antu, antu nëvëtundiwe gwa nyinkhori a Muungu. Nkhani ya ujumi nanë ya ükürya yiuduaa mu moomo rumwe. Vaunaanë, mantu ayaa ëtinoneye utendeka uvii.

Vii uvii urëmë wëë mwino moto. Wijue ino në mavë, wina iyoma rakwe mu mëërë itu na ugukündanëyaa uvë mu nkhoo yitu yoong'e. Uguruungwerëëryaa uduvi witu woong'e gwa moto nëuguduaa gwa arungu va makhaa.

Ëgweeso gutie muntu nëwadahie uwutughaa urëmë. Urëmë unë intu në ivë utigibalwaa, na wijue ülülü në uguuraghaa.

Vaunaanë, në vingë mukhatë anyu vitatendeke asëyi. Mwino chuu mumanyie, sese asëyi guuhanga iramuëywa në iküü nanguu ukëra vangëja.