Esaburi 39
39
Elieyama Liomunju Onyakhana
Khu omwembesi: khu Jeduthuni. Esaburi ya Daudi.
1Nawola, “Njia okhulinda engira chiange,
mbo ndekhe khukhola owoni nolulimi lwange;
Njia khwikala omunwa kwange, evise viosi evi mba aambi navoni.”
2Nali nga masiru nawulera wusa,
newolerera wusa ne sinanyolakho owusosi ta,
eminyakhano kiange kiavichirira.
3Omwoyo kwange kwavala musirifu.
Nga nachianakana okhupara, ndwolu nameta okhuya;
mana nalomaloma nolulimi lwange.
4OMWAMI, njekese esiakamo siange,
nende owuleyi wenyinga chiange;
njekese manye ngowulamu wange wuchia embiro!
5Wone, khane wanombera enyinga engutu muno,
ne enyinga chiowulamu wange sisinju emberi wuwo ta.
Ng'ali yene wulimunju ali wusa ngomuya! Selah
6Ng'ali yene wulimunju alikho avicha wusa ngesisiko!
Ng'ali yene viosi eviakhola via wusa.
Omunju awungeresanga emiandu, ne siamanyire olikiwukula ta!
7“Ne khanu, Omwami, nindanga sina?
Owunayi wange wuli mwiwe.
8Nanule okhuchula muwononi wange wosi.
Ochalekha avasiru vanjekherera ta!
9Ndi masiru, sinikulanga omunwa kwange ta;
sikira ewe niwe owakhola akenako.
10Njusekho esinyasio sino;
naweye khulwesikhupo sino.
11Ewe nukololosa omunju nesinyasio khulwowoni,
wasasia evikasima ngamasiriyi,
Ng'ali wulimunju aliwusa ngomuya!” Selah
12“Wulira esala liange, Ewe OMWAMI,
mana ochekerese amaliro kange;
ochawulera nindira ta!
Sikira ese ndiwusa mukeni wuwo owokhuvicha,
mukeni wusa nga ava papa vange vosi.
13Lengerakho aleyi nange, mbombe ni sangalakho atiti,
nisiri okhuchekukha ndekhe khuwonekhakho nundi ta!”
Àwon tá yàn lọ́wọ́lọ́wọ́ báyìí:
Esaburi 39: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024