Esaburi 38
38
Esala lia Omunju Onyakhana
Esaburi ya Daudi khulwokhuana.
1Ewe OMWAMI, ochambalavira mwichima lilio ta,
namwe ochamberesa esinyasio mukhusinyikha khukhwo ta!
2Sikira amaolofu kako kambunire owusiva,
nundi omukhono kukwo kwakhupire nakwa.
3Sindikho nende aambulira owulayi mumuviri kwange ta,
sikira wusinyikhiye;
sindikho nowulamu mumakumba kange ta,
sikira owoni wange.
4Sikira owoni wange wafunikhire omuchwe kwange;
wusitoyire wusa ngomusiko oku njanyala okhukinga ta.
5Amakonjo kange kachianakana okhuwola,
sikira owusiru wange.
6Nafutumbwamo nokhuminakirirwa;
olutalo lwoosi ngendanga wusa nindira.
7Omuviri kwange kunayanga wusa,
nundi sindikho nowulamu mumuviri kwange ta.
8Mbweye mana funikhachakiremo;
Nekanyirisa sikira nyakhana mumwoyo.
9Omwami, ewe omanyire eliekomba liange liosi,
okhuwuchulukha khwange sikhwekisakho khwiwe ta.
10Omwoyo kutukatuka, amaani kambweyemo;
owulafu wemoni chiange wosi wanjuliremo.
11Avasale vange navasiange vemire aleyi neminyakhano kiange,
ne avekho vange vemire aleyi nange.
12Avo venya Okhunjicha vachekekha emicheko kiawe,
avatakha mbo mbumiye vachikhirisia okhumalao,
nokhunganakanira amavi wuli lwosi.
13Nausa ndi nga masiru, simbuliranga ta,
ngomunju achalomaloma ochanyala okhwasama omunwa kukwe ta.
14Yee, ndi ngomunju ochawulira,
nundi mumunwa kukwe amatukho sikalimo ta.
15Nausa Ewe, OMWAMI, niwe oyu nindanga;
Niwe, Ewe OMWAMI, Nyasaye wange, onakhachipe.
16Sikira salanga, “Ochalekha vanjekhoyerakho ta,
avanjelayirangakho ni nakhamiukha!”
17Sikira nechekekhire okhukwa,
nundi ndi nowusiva wuli lwosi.
18Neyama embi chiange,
mberera khulwowoni wange.
19Avelomba okhuva avasiku vange nivawuma esifune vali namaani,
nundi avangi nje vala avambiyira wusa.
20Avo avakholera amavi khulwowulayi wange
vambiyira wusa mbo sikira ese nondanga amalayi.
21Ochandekha ta, Ewe OMWAMI!
Ewe Nyasaye wange, ochava aleyi nange ta.
22Yicha lwangulwangu wunjete,
Ewe Omwami oli owuwonia wange!
Àwon tá yàn lọ́wọ́lọ́wọ́ báyìí:
Esaburi 38: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024