Luka 22
22
Etolondo Yokhwicha Yesu
(Mat. 22.1-5; Mrk. 14.1-2; Yoh. 11.45-53)
1Esao Liemikati kiwumamo Emera, eyilangwa Pasaka, yali aambi. 2Avakuhani vakhongo nende avekesi vamalako vali vanatakhanga engira yokhwicha Yesu, nausa varia avanju.
Yudasi Afukirira Okhukhova Yesu
(Mat. 26.14-16; Mrk. 14.10-11)
3Khanu, Setani kengira mu Yudasi olangwa Iskarioti, mulala khwavo ekhumi navaviri. 4Kachia, kakhova nende avakuhani vakhongo nende avalindi vetemberi ngachia okhuchama Yesu khunivo. 5Vasangala ne vafukirisania okhumuwa esende. 6Kho kafukirira, ne katakha owiyango owulayi owokhumuchama esituma siavanju nisichaliwo.
Okhuchekekha Khwesao ya Pasaka
(Mat. 26.17-25; Mrk. 14.12-21; Yoh. 13.21-30)
7Kho yola endalo ya Emikati kiwumamo Emera. Eyi vatisanga ememe ya Pasaka. 8Kho Yesu kachuma Petero nende Yohana, nawola, “Chie muchucheresere esao khuve nikhulia Pasaka.” 9Navo vamucheva, “Wenya khuyicheresere ena?” 10Kavawolera, “Wone! Olu muchia okhuva nimwingira mwitookho muchia okhuwukanana nomusacha nakingire esongo yamachi. Mulondekho okhwola munju eyi achia okhwingiramo. 11Ne wolere mwenenju: ‘Omwekesi acheva achi yiri ena enju yavakeni eyinjia okhuliramo Pasaka navalondi vange?’ 12Achia okhuvekesa esikoro esikali esiachekekhwa khukorofa, muwenomwo cheresemo.” 13Vachia ne vanyola viali nga kali navawoleye, vacheresa esao lia Pasaka.
Esao lia Omwami
(Mat. 26.26-30; Mrk. 14.22-26; 1 Avk. 11.23-25)
14Olu esa yola, Yesu kekhala khumesa, navachumwa vave vali naye. 15Kavawolera, “Nekombire olukali okhulia Pasaka yino nanywe nisiri okhunyaswa. 16Esikira vawolera, sindalie nundi ta, okhwola nga yichia okhwosereswa muwami wa Nyasaye.” 17Kawukula esikombe, ne nikakhakhupa ochio, kawola, “Wukule sino ne mukavane. 18Esikira vawolera mbo okhuchula luno sinjia khunywakho nundi khutunda liomusabibu ta okhwola owami wa Nyasaye nga wicha.”
19Kawukula omukati, olu kamala okhukhupa ochio, kakumekula, kavaweresa nawola, “Kuno njomuviri kwange okuanwa khulwokhuvera enywe. Khole muchi khulwa okhukhewulira.” 20Kakhola achio nesikombe sia edivai nikakhamala esiokhulia, nawola, “Esikombe sino esichukhiywe enywe njendakaano embiakha eyamalasire kange.
21“Nausa, lengere! Oyo ochia okhunjama ali ninange ano khumesa. 22Sikira Omwana womunju achiakhuva nga viachekekhwa, nausa akhoo khumunju omuchama.”
23Aenao vanja okhuchevana avene mbo njanu khunivo ochia okhukhola ekhuwa lino.
Amayingano Okhulondana Nowukhongo
24Amayingano kanja akachi wawe, njanu omukhongo okhuvicha avandi. 25Yesu kavawolera, “Avachuki va Avachali Avayahudi vachukanga avanju vawe nesiami, navo valangwa avami. 26Nausa khwinywe kachava kachio ta, nichali oli omukali mwinywe ave omutiti wa vosi, naye omwimirisi ave ngomukhalavani. 2757 Omukhongo njanu, owikhalanga aamesa, namwe otendanga? Sinje owikhalanga aamesa? Nendi mwinywe ngomutendi.
28“Enywe ninywe avatong'a nange mumatemo kange. 29Vaweresa enywe, nga Papa wange kamberesa, owami. 30Mulie nokhunywa khumesa yange muwami wange nokhwikhala khuvisala viowukhumi nokhukhalakira embia ekhumi nachiviri echia Israeli.
Yesu Achumbula mbo Petero Achia Okhumwekana
(Mat. 26.31-35; Mrk. 14.27-31; Yoh. 13.36-38)
31“Simoni, Simoni! Chekeresa! Setani kenyire okhukhukhonja ngomunju akhonjanga engaano. 32Nausa ese khusaliye mbo esuvira lilio lichatitiya ta. Newe oluchia okhungoolera otinyirise avasio.” 33Petero kamuchipa, “Omwami, ese nechekekhire okhuchia nawe musiwoo, nende ata okhufwa.” 34Yesu kamuchipa, “Khuwolera ewe Petero, etaywa niyichakholiokha nyingayino ochiakhuva wunjekanire okhwola khatachu.”
Evise Viowutinyu
35Yesu kacheva avalondi vave, “Olu navachuma nimuchali nesiveti siesende namwe esikapu namwe eviracho, mwakhaywakho esinju?” Vamuchipa, “Tawe.” 36Kavawolera, “Oyo oli nesiveti sisie nawukule, naye oli nesikapu yesi. Yesiyesi owuma olung'esi, akusie oluvaala lulwe akule lulala. 37Esikira vawolera, amakhuwa kamaandiko, okhwola kosereswe mwise. ‘Ne vamucha alala nende avoni,’ kho ako akaandikwa akalondana nange kolane muwichuli wako.” 38Navo vawola, “Omwami, lengera, ano khuli neng'esi chiviri.” Naye kawola, “Violire!”
Yesu Asala Mumukunda kwa Getsemani
(Mat. 26.36-46; Mrk. 14.32-42)
39Yesu kachekukha kachia, ne nga kwali omwima kukwe, kachia khusikulu sia Miseituni, avalondi vave vamulondakho. 40Olu kolao kavawolera, “Sale, muchakwa mumatemo ta.” 41Kavalekha kachiakho esinao, kasikama aasi, kasala, 42“Papa, niliri elienya lilio, wunjusekho esikombe sino, atakachio elienya lilio liekholekhe, lichava eliange ta.” [43Awenao, Engelosi okhuchula mwikulu yamwichira okhumutinyirisa. 44Kali muwusiva owukali, kasala namaani, ne oluuya lwamuchula olwamalasire, lwekha okhwola aasi.]
45Olu kamala okhusala, kakoola khuvalondi vave, kavanyola nivakona, okhuvera vali nesivera. 46Kavawolera, “Esikira sina nimukona? Yinyokhe musale, muchakwa mumatemo ta.”
Yesu Atirwa
(Mat. 26.47-56; Mrk. 14.43-50; Yoh. 18.3-11)
47Olukali nasilomaloma, esituma siavanju siacha nivemiriywe nende Yudasi, mulala khuvachumwa ekhumi navaviri. Yudasi kachia kakhesa Yesu nokhumususuna. 48Nausa Yesu kamuwolera, “Yudasi! Khanu, ochama Omwana womunju nokhumususuna?” 49Avalondi vave olu vawona akenako vawola, “Omwami khwekhonyere eng'esi chiefwe?” 50Mulala khunivo kachema okhuchwi khulungi nolupanga omuambe womukuhani mukhongo. 51Nausa Yesu kawola, “Lekha Kano!” Katira okhuchwi kamuwonia.
52Yesu kawolera avakuhani vakhongo, avakali vavalindi vetemberi nende avasakhulu avacha okhumutira, “Mwichire ngavenya okhutira omunuli neng'esi, nesimbo? 53Olu nakhavanga nanywe wulinyinga mu Etemperi simwandirakho ta. Nausa chino njesa chienywe, nende echiowunyali wesirima.”
Petero Amwekana Yesu
(Mat. 26.57-58; Mrk. 14.53-54,66-72; Yoh. 18.12-18,25-27)
54Vamutira, vamuwukula vachia ninaye okhwola munju yomukuhani mukhongo. Petero kava nalondakho enyuma esinao. 55Olu vali nivakhawana omuliro akachi wolwanyi, ne vava nivekhaye alala, Petero kali kekhaye munivo. 56Omukhalavani wesikhasi mulala olu kawona Petero nikekhaye aambi nomuliro, kamulengera mumoni, kawola, “Omunju ono yesi avaye ninaye.” 57Nausa Petero kekana kawola, “Mukhasi ewe! Simumanyire ese ta.” 58Nundi olunyuma atiti, omunju wundi kacha kawona Petero, kawola, “Ewe wesi oli mulala khunivo.” Ne Petero kawola “Owase ewe, sinise tawe!” 59Oluwono lwesa ndala, omunju wundi kakhaya wusa nawola, “Ng'ali yene ono avaye alala ninaye, achula Galilaya.” 60Nausa Petero kawola, “Owase ewe, ngochwa ata esunawolanga ta!” Ne awenao olu kali nasiwola, etaywa yakholiokha.
61Omwami kakalukhana kalengera Petero, ne Petero kechulira amakhuwa ka Omwami, nga kali namuwoleye, “Nyingayino etaywa niyichakholiokha, ochia okhunjekana khatachu.” 62Awenao kachula erwanyi kalira olukali.
Yesu Achaalaswa Nende Okhukhupwa
(Mat. 26.67-68; Mrk. 14.65)
63Avanju vali nivatiye Yesu, vamuchalasa mana vamukhupa. 64Vamuwoa esitambaya mumoni, vamucheva, “Njanu okhukhupire? Chusa owunabii khuwone!” 65Vawola amakhuwa kandi amangi khuniye nivamukholera enjekheresi.
Yesu Emberi Wesiina
(Mat. 26.59-66; Mrk. 14.55-64; Yoh. 18.19-24)
66Olu wanukha, avasakhulu va Avayahudi vakhung'ana alala, ne vavamo nende avakuhani vakhongo nende avekesi vamalako. Ne vamuyira emberi wesikhaso, ne vawola, 67“Niva niwe Kristo, chuwolere!” Ne Yesu kavawolera, “Ata nivawolera simuchia okhusuvira ta. 68Ata nivacheva echeva simulikhunjipa ta. 69Nausa okhwanjira akhanu ano, Omwana womunju achiakhuva kekhaye khumukhono mulungi okwa Nyasaye wamaani.”
70Awenao vosi vawola, “Oli Omwana wa Nyasaye khanu?” Ne niye kawola, “Ninywe avawola mbo Nise.” 71Navo vawola, “Khwenya nundi owuloli wundi? Efwe khuwuliye nawola nomunwa kukwe omwene.”
Àwon tá yàn lọ́wọ́lọ́wọ́ báyìí:
Luka 22: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 22
22
Etolondo Yokhwicha Yesu
(Mat. 22.1-5; Mrk. 14.1-2; Yoh. 11.45-53)
1Esao Liemikati kiwumamo Emera, eyilangwa Pasaka, yali aambi. 2Avakuhani vakhongo nende avekesi vamalako vali vanatakhanga engira yokhwicha Yesu, nausa varia avanju.
Yudasi Afukirira Okhukhova Yesu
(Mat. 26.14-16; Mrk. 14.10-11)
3Khanu, Setani kengira mu Yudasi olangwa Iskarioti, mulala khwavo ekhumi navaviri. 4Kachia, kakhova nende avakuhani vakhongo nende avalindi vetemberi ngachia okhuchama Yesu khunivo. 5Vasangala ne vafukirisania okhumuwa esende. 6Kho kafukirira, ne katakha owiyango owulayi owokhumuchama esituma siavanju nisichaliwo.
Okhuchekekha Khwesao ya Pasaka
(Mat. 26.17-25; Mrk. 14.12-21; Yoh. 13.21-30)
7Kho yola endalo ya Emikati kiwumamo Emera. Eyi vatisanga ememe ya Pasaka. 8Kho Yesu kachuma Petero nende Yohana, nawola, “Chie muchucheresere esao khuve nikhulia Pasaka.” 9Navo vamucheva, “Wenya khuyicheresere ena?” 10Kavawolera, “Wone! Olu muchia okhuva nimwingira mwitookho muchia okhuwukanana nomusacha nakingire esongo yamachi. Mulondekho okhwola munju eyi achia okhwingiramo. 11Ne wolere mwenenju: ‘Omwekesi acheva achi yiri ena enju yavakeni eyinjia okhuliramo Pasaka navalondi vange?’ 12Achia okhuvekesa esikoro esikali esiachekekhwa khukorofa, muwenomwo cheresemo.” 13Vachia ne vanyola viali nga kali navawoleye, vacheresa esao lia Pasaka.
Esao lia Omwami
(Mat. 26.26-30; Mrk. 14.22-26; 1 Avk. 11.23-25)
14Olu esa yola, Yesu kekhala khumesa, navachumwa vave vali naye. 15Kavawolera, “Nekombire olukali okhulia Pasaka yino nanywe nisiri okhunyaswa. 16Esikira vawolera, sindalie nundi ta, okhwola nga yichia okhwosereswa muwami wa Nyasaye.” 17Kawukula esikombe, ne nikakhakhupa ochio, kawola, “Wukule sino ne mukavane. 18Esikira vawolera mbo okhuchula luno sinjia khunywakho nundi khutunda liomusabibu ta okhwola owami wa Nyasaye nga wicha.”
19Kawukula omukati, olu kamala okhukhupa ochio, kakumekula, kavaweresa nawola, “Kuno njomuviri kwange okuanwa khulwokhuvera enywe. Khole muchi khulwa okhukhewulira.” 20Kakhola achio nesikombe sia edivai nikakhamala esiokhulia, nawola, “Esikombe sino esichukhiywe enywe njendakaano embiakha eyamalasire kange.
21“Nausa, lengere! Oyo ochia okhunjama ali ninange ano khumesa. 22Sikira Omwana womunju achiakhuva nga viachekekhwa, nausa akhoo khumunju omuchama.”
23Aenao vanja okhuchevana avene mbo njanu khunivo ochia okhukhola ekhuwa lino.
Amayingano Okhulondana Nowukhongo
24Amayingano kanja akachi wawe, njanu omukhongo okhuvicha avandi. 25Yesu kavawolera, “Avachuki va Avachali Avayahudi vachukanga avanju vawe nesiami, navo valangwa avami. 26Nausa khwinywe kachava kachio ta, nichali oli omukali mwinywe ave omutiti wa vosi, naye omwimirisi ave ngomukhalavani. 2757 Omukhongo njanu, owikhalanga aamesa, namwe otendanga? Sinje owikhalanga aamesa? Nendi mwinywe ngomutendi.
28“Enywe ninywe avatong'a nange mumatemo kange. 29Vaweresa enywe, nga Papa wange kamberesa, owami. 30Mulie nokhunywa khumesa yange muwami wange nokhwikhala khuvisala viowukhumi nokhukhalakira embia ekhumi nachiviri echia Israeli.
Yesu Achumbula mbo Petero Achia Okhumwekana
(Mat. 26.31-35; Mrk. 14.27-31; Yoh. 13.36-38)
31“Simoni, Simoni! Chekeresa! Setani kenyire okhukhukhonja ngomunju akhonjanga engaano. 32Nausa ese khusaliye mbo esuvira lilio lichatitiya ta. Newe oluchia okhungoolera otinyirise avasio.” 33Petero kamuchipa, “Omwami, ese nechekekhire okhuchia nawe musiwoo, nende ata okhufwa.” 34Yesu kamuchipa, “Khuwolera ewe Petero, etaywa niyichakholiokha nyingayino ochiakhuva wunjekanire okhwola khatachu.”
Evise Viowutinyu
35Yesu kacheva avalondi vave, “Olu navachuma nimuchali nesiveti siesende namwe esikapu namwe eviracho, mwakhaywakho esinju?” Vamuchipa, “Tawe.” 36Kavawolera, “Oyo oli nesiveti sisie nawukule, naye oli nesikapu yesi. Yesiyesi owuma olung'esi, akusie oluvaala lulwe akule lulala. 37Esikira vawolera, amakhuwa kamaandiko, okhwola kosereswe mwise. ‘Ne vamucha alala nende avoni,’ kho ako akaandikwa akalondana nange kolane muwichuli wako.” 38Navo vawola, “Omwami, lengera, ano khuli neng'esi chiviri.” Naye kawola, “Violire!”
Yesu Asala Mumukunda kwa Getsemani
(Mat. 26.36-46; Mrk. 14.32-42)
39Yesu kachekukha kachia, ne nga kwali omwima kukwe, kachia khusikulu sia Miseituni, avalondi vave vamulondakho. 40Olu kolao kavawolera, “Sale, muchakwa mumatemo ta.” 41Kavalekha kachiakho esinao, kasikama aasi, kasala, 42“Papa, niliri elienya lilio, wunjusekho esikombe sino, atakachio elienya lilio liekholekhe, lichava eliange ta.” [43Awenao, Engelosi okhuchula mwikulu yamwichira okhumutinyirisa. 44Kali muwusiva owukali, kasala namaani, ne oluuya lwamuchula olwamalasire, lwekha okhwola aasi.]
45Olu kamala okhusala, kakoola khuvalondi vave, kavanyola nivakona, okhuvera vali nesivera. 46Kavawolera, “Esikira sina nimukona? Yinyokhe musale, muchakwa mumatemo ta.”
Yesu Atirwa
(Mat. 26.47-56; Mrk. 14.43-50; Yoh. 18.3-11)
47Olukali nasilomaloma, esituma siavanju siacha nivemiriywe nende Yudasi, mulala khuvachumwa ekhumi navaviri. Yudasi kachia kakhesa Yesu nokhumususuna. 48Nausa Yesu kamuwolera, “Yudasi! Khanu, ochama Omwana womunju nokhumususuna?” 49Avalondi vave olu vawona akenako vawola, “Omwami khwekhonyere eng'esi chiefwe?” 50Mulala khunivo kachema okhuchwi khulungi nolupanga omuambe womukuhani mukhongo. 51Nausa Yesu kawola, “Lekha Kano!” Katira okhuchwi kamuwonia.
52Yesu kawolera avakuhani vakhongo, avakali vavalindi vetemberi nende avasakhulu avacha okhumutira, “Mwichire ngavenya okhutira omunuli neng'esi, nesimbo? 53Olu nakhavanga nanywe wulinyinga mu Etemperi simwandirakho ta. Nausa chino njesa chienywe, nende echiowunyali wesirima.”
Petero Amwekana Yesu
(Mat. 26.57-58; Mrk. 14.53-54,66-72; Yoh. 18.12-18,25-27)
54Vamutira, vamuwukula vachia ninaye okhwola munju yomukuhani mukhongo. Petero kava nalondakho enyuma esinao. 55Olu vali nivakhawana omuliro akachi wolwanyi, ne vava nivekhaye alala, Petero kali kekhaye munivo. 56Omukhalavani wesikhasi mulala olu kawona Petero nikekhaye aambi nomuliro, kamulengera mumoni, kawola, “Omunju ono yesi avaye ninaye.” 57Nausa Petero kekana kawola, “Mukhasi ewe! Simumanyire ese ta.” 58Nundi olunyuma atiti, omunju wundi kacha kawona Petero, kawola, “Ewe wesi oli mulala khunivo.” Ne Petero kawola “Owase ewe, sinise tawe!” 59Oluwono lwesa ndala, omunju wundi kakhaya wusa nawola, “Ng'ali yene ono avaye alala ninaye, achula Galilaya.” 60Nausa Petero kawola, “Owase ewe, ngochwa ata esunawolanga ta!” Ne awenao olu kali nasiwola, etaywa yakholiokha.
61Omwami kakalukhana kalengera Petero, ne Petero kechulira amakhuwa ka Omwami, nga kali namuwoleye, “Nyingayino etaywa niyichakholiokha, ochia okhunjekana khatachu.” 62Awenao kachula erwanyi kalira olukali.
Yesu Achaalaswa Nende Okhukhupwa
(Mat. 26.67-68; Mrk. 14.65)
63Avanju vali nivatiye Yesu, vamuchalasa mana vamukhupa. 64Vamuwoa esitambaya mumoni, vamucheva, “Njanu okhukhupire? Chusa owunabii khuwone!” 65Vawola amakhuwa kandi amangi khuniye nivamukholera enjekheresi.
Yesu Emberi Wesiina
(Mat. 26.59-66; Mrk. 14.55-64; Yoh. 18.19-24)
66Olu wanukha, avasakhulu va Avayahudi vakhung'ana alala, ne vavamo nende avakuhani vakhongo nende avekesi vamalako. Ne vamuyira emberi wesikhaso, ne vawola, 67“Niva niwe Kristo, chuwolere!” Ne Yesu kavawolera, “Ata nivawolera simuchia okhusuvira ta. 68Ata nivacheva echeva simulikhunjipa ta. 69Nausa okhwanjira akhanu ano, Omwana womunju achiakhuva kekhaye khumukhono mulungi okwa Nyasaye wamaani.”
70Awenao vosi vawola, “Oli Omwana wa Nyasaye khanu?” Ne niye kawola, “Ninywe avawola mbo Nise.” 71Navo vawola, “Khwenya nundi owuloli wundi? Efwe khuwuliye nawola nomunwa kukwe omwene.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024