Yohana 1
1
Ekhuwa Liowulamu
1Mukhwanja khwali nende ekhuwa, ne ekhuwa liali ni Nyasaye, ne ekhuwa liali Nyasaye. 2Kaliwo mukhwanja ni Nyasaye; 3wulisinju sialongwa okhuvichira muniye, ne nichasi niye siwumao siosisiosi esialongwa. 4Muniye walimo owulamu, ne owulamu wali owulafu wavanju. 5Owulafu wukhosa musirima, ne esirima sisianyala okhuwuminya tawe.
6Kaliwo omunju owachumwa ni Nyasaye, elicha lilie mbo Yohana. 7Kacha khuwuloli, okhuana owuloli khuwulafu, kho vosi vasuvire okhuvichira muniye. 8Niye sinje owali owulafu tawe, nausa kacha okhuana owuloli khuwulafu.
9Owulafu wang'ali owukhosera wulimunju wali wunachanga musialo. 10Kali musialo, nesialo sialongwa okhuvichira muniye, nausa esialo sisiamumanya tawe. 11Kacha khuvenju yiye, navanju vave vene sivamufukirira tawe. 12Nausa khuvosi avamufukirira, avasuvira mulicha lilie, kavaweresa owunyali okhuva avana va Nyasaye, 13avewulwa, evichali nende amalasire namwe eva liomuviri, namwe eliomunju ta, nausa elia Nyasaye.
14Ne ekhuwa liekhola omunju ne kamenya mwifwe, kechula embavasi nowung'ali. Khuwene oluyali lulwe, oluyali ngolwa Omwana yeng'ene owa Papa wuwe. 15Yohana kachusa owuloli wuwe, ne kayula nawola, “Ono njeyinawola mbo, ‘Oyo owicha enyuma wange kambichire sikira kaliwo nisiri.’ ” 16Okhulondana nowichuli wowunyasaye wuwe khwakhanyola fwesi embavasi khumbavasi. 17Sikira amalako kaanwa okhuvichira khu Musa, embavasi nowung'ali wachira khu Yesu Kristo. 18Awumao yesiyesi owawonakho Nyasaye, Omwana omuterwa, oli musirifu sia simwana, njokhola amanyikhe.
Okhwiracha khwa Yohana Omuvatisi
(Mat. 3.1-12; Mrk. 1.1-8; Lk. 3.1-18)
19Wuno njowuloli wa Yohana, olu Avayahudi vachuma avakuhani nende Avalawi okhuchula Yerusalemu okhumucheva, “Ewe niwe anu?” 20Naye keyama, sikekana tawe, keyama achi, “Sinise Kristo ta.” 21Ne vamucheva, “Niwe anu khanu? Niwe Elia?” Naye kachipa “Sinise tawe.” “Oli nabii?” Naye kachipa achi “Tawe.” 22Nundi vamucheva, “Niwe anu? Chuwerese echipu khuyirire avachuchumire. Owola sina khu wamwene?” 23Yohana kawola,
“Nise omwoyo kwa mulala olangirisa musichimi oyu nabii Isaya kawola,
‘Kololose engira ya Omwami.’ ”
24Mana vali vachumirwe nende Avafarisayo. 25Vamucheva, “Kho esikira sina nunavatisanga, nuchali Kristo, namwe Elia namwe omunabii?” 26Yohana kavachipa, “Ese vavatisa namachi; nausa mwinywe kemire mulala oyu muchamanyire, 27ata oyo owicha enyuma wange, oyu enjolanire okhukangulula olusiya lwesiracho sisie ta.” 28Kano kekholekha Bethania engerekha wa Yordani, eyi Yohana kali navatisa.
Ekondi lia Nyasaye
29Enyinga yalondakho Yohana kawona Yesu nikacha aakali, ne kawola, “Wona ekondi lia Nyasaye, ochusawo owoni wesialo! 30Ono njoyu nawola nji, ‘Enyuma wange kacha omunju kambichire sikira kaliwo nisiri.’ 31Nese samwene sinali namumanya ta, nausa khulwa kano nacha nimbatisa namachi, kolane okhuwulirikha khu Israeli.” 32Ne Yohana kaana owuloli, “Embwene Roho nikekha ngamburuku okhuchula mwikulu, ne katong'a khuniye. 33Ese samwene sinali namumanya ta, nichasi oyo owanjuma okhuvatisa namachi kambolera, ‘Oyuwona Roho nikekhera ne katong'a, oyo njovatisa nende Roho Muchwenufu.’ 34Ne nakhamuwona mana enjusa owuloli mbo ono nje Omwana wa Nyasaye.”
Avalondi Vamberi ava Yesu
35Olutalo lwalondakho nundi Yohana kali kemire nende avalondi vave vaviri; 36kawona Yesu nakenda, ne kawola, “Wona, ekondi lia Nyasaye!” 37Avalondi vave vaviri vawulira nawola kano, mana valonda khu Yesu. 38Yesu kakalukhana kavawona nivamulondakho, ne kavacheva, “Mwenya sina?” Vamuchipa “Rabi (njesifune mbo omwekesi) omenyire ena?” 39Naye kavawolera, “Yiche muwone.” Vachia vawona aakali namenyire, ne vavao naye olutalo olwo, sikira chiali esa ekhumi angolove. 40Mulala khu vaviri owawulira Yohana nalomaloma ne kamulodakho kali Anderea, wandaye wa Simoni Petero. 41Olwamberi kanyola wandaye Simoni, ne kamuwolera, “Khunyoye Masiya” (eliwola Kristo). 42Kamulecha khu Yesu. Yesu kamulengera, ne kawola, “Niwe Simoni omwana wa Yohana? Olikhulangwa Kefa” (esifune Petero; okhuwola mbo olwanda).
Yesu Alanga Filipo nende Nathanieli
43Olutalo lwalondakho Yesu kapara okhuchia Galilaya. Kanyola Filipo ne kamuwolera, “Nondekho.” 44Khanu Filipo kali achula Bethsaida, etookho lia Anderea ni Petero. 45Filipo kanyola Nathanieli ne kamuwolera, “Khunyoye oyo oyu Musa mumalako nende avanabii vaandika, Yesu wa Nazareti omwana wa Yosefu.” 46Nathanieli kamucheva, “Esinju siosisiosi esilayi sinyala okhuchula Nazareti?” Filipo naye kawola, “Ewe yicha owone.” 47Yesu kawona Nathenieli nikacha eyikali, kawola, “Lengera, Omuisraeli wang'ali owuma owuveyi mumwoyo!” 48Nathanieli kamucheva, “Wumanyire ochie?” Yesu kamuchipa, “Filipo nasiri okhukhulanga, ngalu ovaye aasi womukhuyu, khuwene.” 49Nathanieli kamuchipa, “Omwekesi, niwe Omwana wa Nyasaye! Niwe Omwami wa Israeli!” 50Yesu kamuchipa, “Esikira ekhuwoleye nji khuwene aasi womukhuyu, khanu osuvira? Olikhuwona evikali okhuvicha ano.” 51Nundi kamuwolera, “Ng'aling'ali ekhuwolere, oli khuwona ekulu nilikukha, nengelosi chia Nyasaye nivanina nivekha khu Omwana womunju.”
Àwon tá yàn lọ́wọ́lọ́wọ́ báyìí:
Yohana 1: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Yohana 1
1
Ekhuwa Liowulamu
1Mukhwanja khwali nende ekhuwa, ne ekhuwa liali ni Nyasaye, ne ekhuwa liali Nyasaye. 2Kaliwo mukhwanja ni Nyasaye; 3wulisinju sialongwa okhuvichira muniye, ne nichasi niye siwumao siosisiosi esialongwa. 4Muniye walimo owulamu, ne owulamu wali owulafu wavanju. 5Owulafu wukhosa musirima, ne esirima sisianyala okhuwuminya tawe.
6Kaliwo omunju owachumwa ni Nyasaye, elicha lilie mbo Yohana. 7Kacha khuwuloli, okhuana owuloli khuwulafu, kho vosi vasuvire okhuvichira muniye. 8Niye sinje owali owulafu tawe, nausa kacha okhuana owuloli khuwulafu.
9Owulafu wang'ali owukhosera wulimunju wali wunachanga musialo. 10Kali musialo, nesialo sialongwa okhuvichira muniye, nausa esialo sisiamumanya tawe. 11Kacha khuvenju yiye, navanju vave vene sivamufukirira tawe. 12Nausa khuvosi avamufukirira, avasuvira mulicha lilie, kavaweresa owunyali okhuva avana va Nyasaye, 13avewulwa, evichali nende amalasire namwe eva liomuviri, namwe eliomunju ta, nausa elia Nyasaye.
14Ne ekhuwa liekhola omunju ne kamenya mwifwe, kechula embavasi nowung'ali. Khuwene oluyali lulwe, oluyali ngolwa Omwana yeng'ene owa Papa wuwe. 15Yohana kachusa owuloli wuwe, ne kayula nawola, “Ono njeyinawola mbo, ‘Oyo owicha enyuma wange kambichire sikira kaliwo nisiri.’ ” 16Okhulondana nowichuli wowunyasaye wuwe khwakhanyola fwesi embavasi khumbavasi. 17Sikira amalako kaanwa okhuvichira khu Musa, embavasi nowung'ali wachira khu Yesu Kristo. 18Awumao yesiyesi owawonakho Nyasaye, Omwana omuterwa, oli musirifu sia simwana, njokhola amanyikhe.
Okhwiracha khwa Yohana Omuvatisi
(Mat. 3.1-12; Mrk. 1.1-8; Lk. 3.1-18)
19Wuno njowuloli wa Yohana, olu Avayahudi vachuma avakuhani nende Avalawi okhuchula Yerusalemu okhumucheva, “Ewe niwe anu?” 20Naye keyama, sikekana tawe, keyama achi, “Sinise Kristo ta.” 21Ne vamucheva, “Niwe anu khanu? Niwe Elia?” Naye kachipa “Sinise tawe.” “Oli nabii?” Naye kachipa achi “Tawe.” 22Nundi vamucheva, “Niwe anu? Chuwerese echipu khuyirire avachuchumire. Owola sina khu wamwene?” 23Yohana kawola,
“Nise omwoyo kwa mulala olangirisa musichimi oyu nabii Isaya kawola,
‘Kololose engira ya Omwami.’ ”
24Mana vali vachumirwe nende Avafarisayo. 25Vamucheva, “Kho esikira sina nunavatisanga, nuchali Kristo, namwe Elia namwe omunabii?” 26Yohana kavachipa, “Ese vavatisa namachi; nausa mwinywe kemire mulala oyu muchamanyire, 27ata oyo owicha enyuma wange, oyu enjolanire okhukangulula olusiya lwesiracho sisie ta.” 28Kano kekholekha Bethania engerekha wa Yordani, eyi Yohana kali navatisa.
Ekondi lia Nyasaye
29Enyinga yalondakho Yohana kawona Yesu nikacha aakali, ne kawola, “Wona ekondi lia Nyasaye, ochusawo owoni wesialo! 30Ono njoyu nawola nji, ‘Enyuma wange kacha omunju kambichire sikira kaliwo nisiri.’ 31Nese samwene sinali namumanya ta, nausa khulwa kano nacha nimbatisa namachi, kolane okhuwulirikha khu Israeli.” 32Ne Yohana kaana owuloli, “Embwene Roho nikekha ngamburuku okhuchula mwikulu, ne katong'a khuniye. 33Ese samwene sinali namumanya ta, nichasi oyo owanjuma okhuvatisa namachi kambolera, ‘Oyuwona Roho nikekhera ne katong'a, oyo njovatisa nende Roho Muchwenufu.’ 34Ne nakhamuwona mana enjusa owuloli mbo ono nje Omwana wa Nyasaye.”
Avalondi Vamberi ava Yesu
35Olutalo lwalondakho nundi Yohana kali kemire nende avalondi vave vaviri; 36kawona Yesu nakenda, ne kawola, “Wona, ekondi lia Nyasaye!” 37Avalondi vave vaviri vawulira nawola kano, mana valonda khu Yesu. 38Yesu kakalukhana kavawona nivamulondakho, ne kavacheva, “Mwenya sina?” Vamuchipa “Rabi (njesifune mbo omwekesi) omenyire ena?” 39Naye kavawolera, “Yiche muwone.” Vachia vawona aakali namenyire, ne vavao naye olutalo olwo, sikira chiali esa ekhumi angolove. 40Mulala khu vaviri owawulira Yohana nalomaloma ne kamulodakho kali Anderea, wandaye wa Simoni Petero. 41Olwamberi kanyola wandaye Simoni, ne kamuwolera, “Khunyoye Masiya” (eliwola Kristo). 42Kamulecha khu Yesu. Yesu kamulengera, ne kawola, “Niwe Simoni omwana wa Yohana? Olikhulangwa Kefa” (esifune Petero; okhuwola mbo olwanda).
Yesu Alanga Filipo nende Nathanieli
43Olutalo lwalondakho Yesu kapara okhuchia Galilaya. Kanyola Filipo ne kamuwolera, “Nondekho.” 44Khanu Filipo kali achula Bethsaida, etookho lia Anderea ni Petero. 45Filipo kanyola Nathanieli ne kamuwolera, “Khunyoye oyo oyu Musa mumalako nende avanabii vaandika, Yesu wa Nazareti omwana wa Yosefu.” 46Nathanieli kamucheva, “Esinju siosisiosi esilayi sinyala okhuchula Nazareti?” Filipo naye kawola, “Ewe yicha owone.” 47Yesu kawona Nathenieli nikacha eyikali, kawola, “Lengera, Omuisraeli wang'ali owuma owuveyi mumwoyo!” 48Nathanieli kamucheva, “Wumanyire ochie?” Yesu kamuchipa, “Filipo nasiri okhukhulanga, ngalu ovaye aasi womukhuyu, khuwene.” 49Nathanieli kamuchipa, “Omwekesi, niwe Omwana wa Nyasaye! Niwe Omwami wa Israeli!” 50Yesu kamuchipa, “Esikira ekhuwoleye nji khuwene aasi womukhuyu, khanu osuvira? Olikhuwona evikali okhuvicha ano.” 51Nundi kamuwolera, “Ng'aling'ali ekhuwolere, oli khuwona ekulu nilikukha, nengelosi chia Nyasaye nivanina nivekha khu Omwana womunju.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024