Walawi 3
3
Malaviwu ga kulikolera mawoku
1Handa muntu kankulaviya tambiku ya ponga, tambiku yakuyi payiwera ng'ombi gwashipalu ama gwashidala, nkanyama ayu nakawera na shidoda shoseri. 2Yomberi hakatuli liwoku lyakuyi pampindi pa mtuwi gwa nkanyama ulii na kumlikitula pakwegera na ligomi lya Liringu Linanagala. Watambika yawawera wana wa Aruni hawashimishiri shitalawanda sha kutambikira mwazi gwakuyi wega zakuyi zoseri. 3Mutambiku ya ponga yakalavilirwa Mtuwa Mlungu, tambiku ayi hayilunguziwi kwa motu. Tambiku ayi hayiweri ya lipaki lilii lyaligubika utumbu wa nkanyama, ama yaligubika vintu vya mngati mwa nkanyama ulii. 4Viraa hakalaviyi figu mbili na lipaki lyakuyi pamuhera na seemu ilii iherepa ya litoga. 5Watambika hawayilunguziyi nakamu pashitalawanda shakutambikira pamuhera na tambiku ya kulunguziya nakamu yaiwera pampindi pa mbawu, ayi iwera tambiku yakulunguziya nakamu kwa motu yayiwera na ununkira uherepa wa kumuherepeziya Mtuwa Mlungu.
6Handa kondolu ama mbuzi kawera tambiku ya ponga, kaweri gwashipalu ama gwashidala kumbiti mpaka kaweri kahera shidoda shoseri. 7Handa muntu pakalaviya mwana gwa kondolu kuwera tambiku, su hakalaviyi kulongolu kwa Mtuwa Mlungu, 8pakatula liwoku lyakuyi pamtuwi na kumlikitula mtuwi nkanyama ulii kulongolu kwa Liringu Linanagala. Watambika hawagumishiri mwazi gwakuyi muwega zoseri za msheshi za shitalawanda sha kutambikira. 9Shakapanu kulawa mutambiku ayi ya ponga yawamlavilira Mtuwa Mlungu kwa motu, yomberi hakamlaviliri lipaki lya nkanyama ulii na mshila yaguwera na lipaki yagudumulitwi kulawa pakwegera nentu na uti gwa mgongu pamuhera na lipaki lyoseri lyaligubika utumbu pamuhera na lipaki lyoseri lyaliwera muutumbu, 10figu mbili zilii na lipaki lyakuyi pamuhera na seemu iherepa ya matoga. 11Mtambika hakavilunguziyi vyoseri avi pashitalawanda sha kutambikira handa shiboga shawamlavilira Mtuwa Mlungu kwa motu.
12Handa tambiku yeni payiwera mbuzi, su hakamjegi kulongolu kwa Mtuwa Mlungu 13pakatula liwoku lyakuyi pamtuwi gwa nkanyama ayu na kumlikitula kulongolu kwa Liringu Linanagala. Wana wa Aruni hawagumishiri mwazi pashitalawanda sha kutambikira wega zakuyi zoseri. 14Shakapanu lipaki lyoseri lyaligubika utumbu 15figu mbili pamuhera na lipaki lyakuyi na seemu iherepa ya matoga, yomberi hakamlaviliri Mtuwa Mlungu tambiku ya kulunguziya kwa motu. 16Mtambika hakavilunguziyi pashitalawanda sha kutambikira handa shiboga shawamlavilira Mtuwa Mlungu kwa motu kulaviya ununkira wa kumuherepeziya Mlungu. Lipaki lyoseri liwera lya Mtuwa Mlungu.
17Ali liwera lilagaliru lyalifiruwa kujimirwa na gwenga pamuhera na shiyuwuku shaku mashaka goseri, poseri pamulikala. Namuliya lipaki ama mwazi gwa nkanyama yoseri ulii.
Àwon tá yàn lọ́wọ́lọ́wọ́ báyìí:
Walawi 3: PBV
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible version in the Pogoro Language. @The Word for The World International and Pogoro Language translation. All rights reserved.