1Makolinte 11
11
1Muni jelekeze, sinagwe ime aa ni jelekeza Kilesite.
Co kuzwata ku mutwi aa mukumbila
2Cwale nasa miwa malumbo ukuti mula ni gaja mu bintu byonse, mi mu zundamine ku cizo ubu nana ji mi zigila. 3Kono nasa shaka buti muzekelele umutwi go mukwame gense ni Kilesite, mi umutwi go munakazi mukwame, cwale umutwi gwa Kilesite ni Nyambe. 4Umukwame gense uju akumbila kwa kampa ukugamba amajwi ga Nyambe na jabele iciusi ku mutwi, gasa shwaula umutwi gwakwe. 5Kono umwanakazi gense uju a kumbila kwa Nyambe kampa ukugamba amajwi ga Nyambe uku takuli ici ali shuminite ku mutwi, gasa shwaula umutwi gwakwe, kulili kozete no ku likulula umutwi gwakwe. 6Mi ati umwanakazi uku takuli ici ali shumine ku mutwi gwakwe, ali jelele buti no nshuki jakwe ji kululigwe, kono ati ni nshoni umwanakazi uku likulula insuki kampa umutwi gwakwe, cwale ali jelele uku lishumina ku mutwi. 7Mi umukwame ta jelele uku jabala iciusi ku mutwi gwakwe, ukuti ije ciswaniso ne kute lya Nyambe, kono umwanakazi ni kute lyo mukwame. 8Ukuti umukwame taa naga zwa ku mwanakazi, kono umwanakazi ku mukwame azwa. 9Kame umukwame taa naga bumbigwa kebaka lyo mwanakazi, kono umwanakazi ku mukwame naga bumbigwa. 10Mukutenda bobo umwanakazi ali jelele ukuba ne cisupo ku mutwi co kuti ala jendesigwa, kebaka lyo mangiloi. 11Nangaceciba, mu Mfumu umwanakazi ku mukwame alizingite, kame no mukwame ku mwanakazi alizingite. 12Ukuti umwanakazi ku mukwame naga zwa, mi no mukwame naje mwanakazi naga muzala. Kono ibintu byonse kwa Nyambe bizwa.
13Cwale muli atule mwebeni, kulikele nenja umwanakazi ku kumbila kwa Nyambe uku tali shuminite ku mutwi? 14Ko mukalilo go bintu, tabi mizigi buti ati umukwame alikwesi inshuki inde, kashwau kwakwe, 15kono ati umwanakazi ali kwesi inshuki inde, tali kujangala kwakwe? Ukuti naga wegwa inshuki inde iji ji muvwika ku mutwi. 16Umuntu gense uju a shaka ukuleta inkokani, gogu umukalilo tagu kuli kwetu, tagu kuli ne ku mankeleke ga Nyambe.
Umulalilo go Mfumu
17Cwale mundagano ji nungako tani goli ukumilumba, ukuti inkongani jenu jasa mikubaza lwini kuita ubulotu. 18Intaba je tanzi ni jeji, nana shugwa buti aa mugwanana mu nkeleke, mo jili inkokani mukati kenu, mi bunga neme nasa zumina bobo. 19Kuli jelele ukuba no nkokani mukati kenu, buti kuzibaale aba bakwesi icote mukati. 20Mi cwale aa mu gwanana antounke, tali mulalilo go Mfumu mulya, 21ukuti aa mulya, muntu no muntu gasa litangiza ukulya ibilyo byakwe kumbali. Mi jumwinya alifwite injala, mi jumwinya ali dakwite. 22Tamu kwesi amajugo go kulila no kunwa? Kampa mwasa shwaula inkeleke ja Nyambe no kugenisa abantu taba kwesi cimwinya? Buti saka nityo? Ni milumbe? Kwa byebyo tani milumbi. 23Ukuti ime, nana tambula ku Mfumu ici nana miwa, Umfumu Jesu, amasiku naga legezigwa, naga inda icinkwa, 24mi aa sala litumeli, kale aji komagula no kutyo buti, “Gogu mubili gwangu, muinde mulye, mutende bobo namu nibuluka.” 25Mu mukwa go kulikoza, aa sebala mani ukulalila kale ga inda inkomosi no kutyo buti, “Jeji inkomosi nja busele ubuya mu malowa gangu, mutende bobo, inako jonse aa munywinamo, muku nibuluka.”
26Ukuti inako jonse aa mulya ceci icinkwa no kunywina momu mu nkomosi, kuti na mu lugule ulufwu lo Mfumu kusika ana kezele. 27Mi cwale, umuntu gense uju alya icinkwa kampa ukunywina mu nkomosi jo Mfumu mu mukwa tagu jelele, kuti nabe no mulandu go mubili no malowa go Mfumu. 28Umuntu gense ali jelele uku litatuba jemwini, nasini ukulya icinkwa no kunywa mu nkomosi. 29Ukuti umuntu gense uju alya no kunywa ta nanguli umubili gwa Kilesite, gasa lya no kunywa inkatulo jakwe. 30Mi mu kutenda bobo, ubungi mukati kenu mwasa fokola no kulwala, mi bamwinya nabafwa. 31Kono ati natu litatuba twebeni, taa natu nangule. 32Nangaceciba, aa mu atuligwa mu mukwa go kukala bobo ku Mfumu, twasa lagigwa buti ku mamaninino natu leke kanyansigwa ne longa.
33Mi cwale bakwangu, aa mugwanana mu kulya umulalilo go Mfumu, muli jelele ukulya mwense. 34Umuntu gense uju afwite injala ali jelele ukulya cimwinya ku njugo, buti ukugwanana kwenu na kuleke uku mi gwanisa umulandu. Mi ibintu bimwinya kuti nani bigunge aa nani keze.
Àwon tá yàn lọ́wọ́lọ́wọ́ báyìí:
1Makolinte 11: TBTP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International
1Makolinte 11
11
1Muni jelekeze, sinagwe ime aa ni jelekeza Kilesite.
Co kuzwata ku mutwi aa mukumbila
2Cwale nasa miwa malumbo ukuti mula ni gaja mu bintu byonse, mi mu zundamine ku cizo ubu nana ji mi zigila. 3Kono nasa shaka buti muzekelele umutwi go mukwame gense ni Kilesite, mi umutwi go munakazi mukwame, cwale umutwi gwa Kilesite ni Nyambe. 4Umukwame gense uju akumbila kwa kampa ukugamba amajwi ga Nyambe na jabele iciusi ku mutwi, gasa shwaula umutwi gwakwe. 5Kono umwanakazi gense uju a kumbila kwa Nyambe kampa ukugamba amajwi ga Nyambe uku takuli ici ali shuminite ku mutwi, gasa shwaula umutwi gwakwe, kulili kozete no ku likulula umutwi gwakwe. 6Mi ati umwanakazi uku takuli ici ali shumine ku mutwi gwakwe, ali jelele buti no nshuki jakwe ji kululigwe, kono ati ni nshoni umwanakazi uku likulula insuki kampa umutwi gwakwe, cwale ali jelele uku lishumina ku mutwi. 7Mi umukwame ta jelele uku jabala iciusi ku mutwi gwakwe, ukuti ije ciswaniso ne kute lya Nyambe, kono umwanakazi ni kute lyo mukwame. 8Ukuti umukwame taa naga zwa ku mwanakazi, kono umwanakazi ku mukwame azwa. 9Kame umukwame taa naga bumbigwa kebaka lyo mwanakazi, kono umwanakazi ku mukwame naga bumbigwa. 10Mukutenda bobo umwanakazi ali jelele ukuba ne cisupo ku mutwi co kuti ala jendesigwa, kebaka lyo mangiloi. 11Nangaceciba, mu Mfumu umwanakazi ku mukwame alizingite, kame no mukwame ku mwanakazi alizingite. 12Ukuti umwanakazi ku mukwame naga zwa, mi no mukwame naje mwanakazi naga muzala. Kono ibintu byonse kwa Nyambe bizwa.
13Cwale muli atule mwebeni, kulikele nenja umwanakazi ku kumbila kwa Nyambe uku tali shuminite ku mutwi? 14Ko mukalilo go bintu, tabi mizigi buti ati umukwame alikwesi inshuki inde, kashwau kwakwe, 15kono ati umwanakazi ali kwesi inshuki inde, tali kujangala kwakwe? Ukuti naga wegwa inshuki inde iji ji muvwika ku mutwi. 16Umuntu gense uju a shaka ukuleta inkokani, gogu umukalilo tagu kuli kwetu, tagu kuli ne ku mankeleke ga Nyambe.
Umulalilo go Mfumu
17Cwale mundagano ji nungako tani goli ukumilumba, ukuti inkongani jenu jasa mikubaza lwini kuita ubulotu. 18Intaba je tanzi ni jeji, nana shugwa buti aa mugwanana mu nkeleke, mo jili inkokani mukati kenu, mi bunga neme nasa zumina bobo. 19Kuli jelele ukuba no nkokani mukati kenu, buti kuzibaale aba bakwesi icote mukati. 20Mi cwale aa mu gwanana antounke, tali mulalilo go Mfumu mulya, 21ukuti aa mulya, muntu no muntu gasa litangiza ukulya ibilyo byakwe kumbali. Mi jumwinya alifwite injala, mi jumwinya ali dakwite. 22Tamu kwesi amajugo go kulila no kunwa? Kampa mwasa shwaula inkeleke ja Nyambe no kugenisa abantu taba kwesi cimwinya? Buti saka nityo? Ni milumbe? Kwa byebyo tani milumbi. 23Ukuti ime, nana tambula ku Mfumu ici nana miwa, Umfumu Jesu, amasiku naga legezigwa, naga inda icinkwa, 24mi aa sala litumeli, kale aji komagula no kutyo buti, “Gogu mubili gwangu, muinde mulye, mutende bobo namu nibuluka.” 25Mu mukwa go kulikoza, aa sebala mani ukulalila kale ga inda inkomosi no kutyo buti, “Jeji inkomosi nja busele ubuya mu malowa gangu, mutende bobo, inako jonse aa munywinamo, muku nibuluka.”
26Ukuti inako jonse aa mulya ceci icinkwa no kunywina momu mu nkomosi, kuti na mu lugule ulufwu lo Mfumu kusika ana kezele. 27Mi cwale, umuntu gense uju alya icinkwa kampa ukunywina mu nkomosi jo Mfumu mu mukwa tagu jelele, kuti nabe no mulandu go mubili no malowa go Mfumu. 28Umuntu gense ali jelele uku litatuba jemwini, nasini ukulya icinkwa no kunywa mu nkomosi. 29Ukuti umuntu gense uju alya no kunywa ta nanguli umubili gwa Kilesite, gasa lya no kunywa inkatulo jakwe. 30Mi mu kutenda bobo, ubungi mukati kenu mwasa fokola no kulwala, mi bamwinya nabafwa. 31Kono ati natu litatuba twebeni, taa natu nangule. 32Nangaceciba, aa mu atuligwa mu mukwa go kukala bobo ku Mfumu, twasa lagigwa buti ku mamaninino natu leke kanyansigwa ne longa.
33Mi cwale bakwangu, aa mugwanana mu kulya umulalilo go Mfumu, muli jelele ukulya mwense. 34Umuntu gense uju afwite injala ali jelele ukulya cimwinya ku njugo, buti ukugwanana kwenu na kuleke uku mi gwanisa umulandu. Mi ibintu bimwinya kuti nani bigunge aa nani keze.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International