Ufaru 6
6
Ele nda ɗa adanshi adama a̱ Nuhu
1A mantsa ma na ama a balai a̱tsuma̱ o uvaɗi reve waru a matsan esheli, 2reve muwun ma̱ A̱sula̱ me ene esheli'i a̱ ta̱ ulobonu, ɗaɗa a ɗangulaa yi aciyele aza a na a cigai o o'wo a̱ma̱ci e le. 3Reve A̱sulazuva a damma, <<Ruhu va̱ a̱a̱ da̱nu na̱ vuma kuci shi, adama a na ele a̱ ta̱ lipu. A'wan e le o to o'wo a'wan ukpaku nu ushin.>> 4A yuwan ta̱ a̱ba̱jini a̱ba̱jini a ama o uvaɗi a mantsa mo ndolo na̱ mantsa me elime, ana muwun ma̱ A̱sula̱ n uwai uba̱ta̱ we esheli a ama, reve a matsaan le muwun. Ele ɗa ama o ucira o ufaru, aza a na a yuwain ala.
5Reve gba A̱sulazuva e ene iwuya yi vaɗilima̱ i yuwan ta̱ a̱bunda̱ lon a̱tsuma̱ o uvaɗi, waru majiyan mo okolo me le biti iwuya i ɗa kuci. 6Reve a̱tsuma̱ a̱ la̱nga̱ yi a na u yuwain vaɗilima̱ o uvaɗi, a̱vu u ɓa̱li yi lon. 7Reve A̱sulazuva a damma, <<N ta̱ kimusa̱ vaɗilima̱ na n yuwain o uvaɗi, vuma ni inama ni ili yi ika̱ta̱pu na̱ nnunu n tsu'yan, adama a na n yuwan ta̱ a̱tsumola̱ngu a na n yuwan nle.>> 8Amma Nuhu tsura̱ ta̱ isa'ani a̱ ma̱ka̱ka̱n ma̱ A̱sulazuva. 9Apa alabari a limatan va̱ Nuhu. Nuhu vuma va̱ a̱ɓula̱ ɗa, u da̱na̱ ni iwuya a mantsa me le shi. U yuwan ta̱ mmalu na̱ A̱sula̱. 10Nuhu gba u matsan ta̱ olobo a ta'atsu: Shem, na̱ Ham, na̱ Jafe. 11Akapi a ama gba ama a̱ a̱ɓula̱ a ɗa shi a̱ ma̱ka̱ka̱n ma̱ A̱sula̱, a shiwan ta̱ nu u'ya̱susa̱n wu ugbozu. 12Reve A̱sula̱ e ene uvaɗi u la̱nga̱ ta̱, adama a na ama o uvaɗi suru ama a̱ a̱ɓula̱ a ɗa shi a wuma u le.
Nuhu yuwain wantsun
13Reve A̱sula̱ a damma Nuhu, <<N zuwa ta̱ okolo a na moo una vaɗilima̱ suru, adama a na ama o shitoyin uvaɗi nu u'ya̱susa̱n wu ugbozu. Amayun, n to kototo le oɓolo nu uvaɗi'i. 14Vu foɓoo aciya̱wu wantsun na akpata o ugbamu, vu yuwan pe asula a wantsu'un, vu sura yi ne erepu a̱tsuma̱ na alanga. 15Ununa vaa yuwan yi ɗa nda: Wantsu'un u da̱na̱ udasuwu ukpakuna̱shi na̱ kupoton (450), washin waru udasuwu kupocindere no ozo o ton (75), mishin waru udasuwu amunga no ozo o ton. 16Vu yuwaan wantsu'un ukwa̱'a̱, vu lyawa mabala udasuwu u ta̱ na akapi e memere ma wantsu'un nu ukwa̱'a̱.#6:16 Udasuwu u ta̱ na akapi, una̱ta̱ u ɗa u ri na̱ inci kupa na̱ kunla̱. Vu zuwa una̱ntsu e eeɓele a wantsu'un, a̱vu waru vu yuwan ukumbu ukumbu, za̱la̱, memere na̱ zuva.
17<<Adama a na n ta̱ lyungu iro'i i gbain a̱tsuma̱ o uvaɗi, tsa̱ra̱ wu una ili i wuma suru. Ili i wuma a̱tsuma̱ o uvaɗi u nda suru a̱ ta̱ kuwa̱. 18Amma n ta yuwaan wu akucunu. Vu uwa pe a wantsu'un a̱vu na̱ ka va̱ wu no olobo a̱ wu na̱ a̱ma̱ci e le.
19<<A̱tsuma̱ e ili i na i ri wuma suru, vo oto le ejere-re a wantsu'un, a̱na̱wun no ogono, tsa̱ra̱ a̱ da̱na̱ wuma oɓolo na̱ a̱vu. 20Nnunu waru ni icu'un i le. Inama waru ni icu'un i le. Ili yi ika̱ta̱pu waru e iɗa suru ni icu'un i le. Cu'un suru ejere-re a ɗa aa uwa oɓolo na̱ a̱vu, tsa̱ra̱ a̱ da̱na̱ wuma. 21Ilyalya i na a tsu lyuwa suru vu tara le vu zuwa, o to o'wo ɗu ilyalya ne ele.>>
22A̱vu Nuhu yuwan ili i na A̱sula̱ a damma niyi u yuwan suru.
Àwon tá yàn lọ́wọ́lọ́wọ́ báyìí:
Ufaru 6: TSW
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 Language Development and Translation Initiative (LDTI)
Ufaru 6
6
Ele nda ɗa adanshi adama a̱ Nuhu
1A mantsa ma na ama a balai a̱tsuma̱ o uvaɗi reve waru a matsan esheli, 2reve muwun ma̱ A̱sula̱ me ene esheli'i a̱ ta̱ ulobonu, ɗaɗa a ɗangulaa yi aciyele aza a na a cigai o o'wo a̱ma̱ci e le. 3Reve A̱sulazuva a damma, <<Ruhu va̱ a̱a̱ da̱nu na̱ vuma kuci shi, adama a na ele a̱ ta̱ lipu. A'wan e le o to o'wo a'wan ukpaku nu ushin.>> 4A yuwan ta̱ a̱ba̱jini a̱ba̱jini a ama o uvaɗi a mantsa mo ndolo na̱ mantsa me elime, ana muwun ma̱ A̱sula̱ n uwai uba̱ta̱ we esheli a ama, reve a matsaan le muwun. Ele ɗa ama o ucira o ufaru, aza a na a yuwain ala.
5Reve gba A̱sulazuva e ene iwuya yi vaɗilima̱ i yuwan ta̱ a̱bunda̱ lon a̱tsuma̱ o uvaɗi, waru majiyan mo okolo me le biti iwuya i ɗa kuci. 6Reve a̱tsuma̱ a̱ la̱nga̱ yi a na u yuwain vaɗilima̱ o uvaɗi, a̱vu u ɓa̱li yi lon. 7Reve A̱sulazuva a damma, <<N ta̱ kimusa̱ vaɗilima̱ na n yuwain o uvaɗi, vuma ni inama ni ili yi ika̱ta̱pu na̱ nnunu n tsu'yan, adama a na n yuwan ta̱ a̱tsumola̱ngu a na n yuwan nle.>> 8Amma Nuhu tsura̱ ta̱ isa'ani a̱ ma̱ka̱ka̱n ma̱ A̱sulazuva. 9Apa alabari a limatan va̱ Nuhu. Nuhu vuma va̱ a̱ɓula̱ ɗa, u da̱na̱ ni iwuya a mantsa me le shi. U yuwan ta̱ mmalu na̱ A̱sula̱. 10Nuhu gba u matsan ta̱ olobo a ta'atsu: Shem, na̱ Ham, na̱ Jafe. 11Akapi a ama gba ama a̱ a̱ɓula̱ a ɗa shi a̱ ma̱ka̱ka̱n ma̱ A̱sula̱, a shiwan ta̱ nu u'ya̱susa̱n wu ugbozu. 12Reve A̱sula̱ e ene uvaɗi u la̱nga̱ ta̱, adama a na ama o uvaɗi suru ama a̱ a̱ɓula̱ a ɗa shi a wuma u le.
Nuhu yuwain wantsun
13Reve A̱sula̱ a damma Nuhu, <<N zuwa ta̱ okolo a na moo una vaɗilima̱ suru, adama a na ama o shitoyin uvaɗi nu u'ya̱susa̱n wu ugbozu. Amayun, n to kototo le oɓolo nu uvaɗi'i. 14Vu foɓoo aciya̱wu wantsun na akpata o ugbamu, vu yuwan pe asula a wantsu'un, vu sura yi ne erepu a̱tsuma̱ na alanga. 15Ununa vaa yuwan yi ɗa nda: Wantsu'un u da̱na̱ udasuwu ukpakuna̱shi na̱ kupoton (450), washin waru udasuwu kupocindere no ozo o ton (75), mishin waru udasuwu amunga no ozo o ton. 16Vu yuwaan wantsu'un ukwa̱'a̱, vu lyawa mabala udasuwu u ta̱ na akapi e memere ma wantsu'un nu ukwa̱'a̱.#6:16 Udasuwu u ta̱ na akapi, una̱ta̱ u ɗa u ri na̱ inci kupa na̱ kunla̱. Vu zuwa una̱ntsu e eeɓele a wantsu'un, a̱vu waru vu yuwan ukumbu ukumbu, za̱la̱, memere na̱ zuva.
17<<Adama a na n ta̱ lyungu iro'i i gbain a̱tsuma̱ o uvaɗi, tsa̱ra̱ wu una ili i wuma suru. Ili i wuma a̱tsuma̱ o uvaɗi u nda suru a̱ ta̱ kuwa̱. 18Amma n ta yuwaan wu akucunu. Vu uwa pe a wantsu'un a̱vu na̱ ka va̱ wu no olobo a̱ wu na̱ a̱ma̱ci e le.
19<<A̱tsuma̱ e ili i na i ri wuma suru, vo oto le ejere-re a wantsu'un, a̱na̱wun no ogono, tsa̱ra̱ a̱ da̱na̱ wuma oɓolo na̱ a̱vu. 20Nnunu waru ni icu'un i le. Inama waru ni icu'un i le. Ili yi ika̱ta̱pu waru e iɗa suru ni icu'un i le. Cu'un suru ejere-re a ɗa aa uwa oɓolo na̱ a̱vu, tsa̱ra̱ a̱ da̱na̱ wuma. 21Ilyalya i na a tsu lyuwa suru vu tara le vu zuwa, o to o'wo ɗu ilyalya ne ele.>>
22A̱vu Nuhu yuwan ili i na A̱sula̱ a damma niyi u yuwan suru.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 Language Development and Translation Initiative (LDTI)