Anthokna 16
16
Vānram ātā Nēksāk
1 #
Ant 12:6, 51; 19:1; Atl 33:10-11; Izk 30:15 Amāni chu Elim ātā a sē u na. Israel nāi ngāi mipui dōra chu Sin Mibuirama a hong u na. Hava ha Elim lē Sinai kongkāra a ni. Āigupta ram ātā a sē suo u na, amāni chu hava han thā annina ni sōmleirangā nikhuona, hava muna a hong ātung u na. 2#Ant 14:11; 15:24; Sām 106:25; 1Ko 10:10Mibuirama Israel mipui dōra chu Mōsi lē Aron a chunga bāi a mankham u na. 3#Aph 47:15; Ant 17:3; Atl 14:2-3; 20:3; Dān 8:3; Zer 44:17; Cha 4:9Israel nāi ngāiin a kōm u na, “O, Āigupta rama nā om lāi han, me bēl kōla nā'n sut a, akhopa vāipōltāp na sāk chachak lāi han Zehova kuta thi rei ba! Asik chu mibuirama hin anchāma anā that ranga hiva mipui dōra hi nei na hong ruoi a ni,” a ti u na.
4 #
Aph 22:1; Ant 15:25; Dān 8:2-3, 16; Neh 9:15; Sām 78:23-25; 105:40; Zn 6:31; 1Ko 10:3 Zehova'n Mōsi a kōma, “Entā, nangni ranga vānram ātā nēksāk ruo masul ka ting. Mipui ngāi suoka, anikhuo'n tina ei nāng u tuk mankhōm u'n ti. Kei manchūnāna kal ei chōi u rang lē ei chōi u nōk chu kei thia una rang a ni. 5#Ant 16:22; Lev 25:21Ni aruknāna hintin hin hong nī'n ti, amānī'n ei hong chōi u ngāi chu mansūk u'n tia, anikhuo'n tina ei būm u nēka thep anni ei ni rang,” a tī na.
6 #
Ant 6:7
Hatuka Mōsi lē Aron-in Israel nāi ngāi dōra kōma, “Āigupta ram ātā Zehova'n ei na hong ruoi u kēng tī hi nangnī'n khuluia chu riat u'n na ti. 7#Ant 16:10, 12; Lev 9:6; Atl 11:1, 18; 14:27; 16:11, 19, 42; 17:5; Dān 5:24; 1Rē 8:11; Sām 43:2; Isa 6:3; 35:2; 40:5; Izk 1:28; Hab 2:14; Hag 2:7; Zn 11:4, 40Zīnga Zehova ei ānlianna chu mū u'n na ti. Asik chu Zehova aduia bāi nei mankham u a lei riat a. Tenchu koini hi tū mo nā ni, nangnī'n koini aduia bāi nei mankham u?” a ti u na. 8#Atl 23:21; Dān 33:5; Rui 8:23; 1Sa 8:7; Mt 10:40; Lk 10:16; Rōm 13:2; 1Th 4:8Hatuka Mōsī'n, “Zehova'n khuluia mē sāk rang a na pēk a, zīnga nei khop u rang tuk nēksāk a na pēk u le, hiva hi mū u'n na ti. Zehova aduia na bāi mankham una chu a lei riat a. Koini hi hong mo nā ni? Na bāi mankham u ngāi hi koini aduia ni mak a, tenchu Zehova ā dui kēng,” a tī na.
9 #
Atl 16:16
Mōsī'n Aron a kōma, “Israel mipui ngāi dōra kōma ril tānla, ‘Zehova kōla hong nāi u ro, asik chu amā'n na bāi mankham u ngāi a lei riat zei,’ ti ro,” a tī na. 10#Ant 13:21; 16:7; Atl 16:19; 1Rē 8:10; 2Kh 7:1; Izk 10:4; Zn 11:4Hintin hin a hong ānī na, Aron-in Israel mipui dōra a chongpui lāitak han, amāni chu mibuiram tiang a en u na. Entā, ansūma Zehova ei ānlianna chu a hong anlang a. 11Zehova'n Mōsi a chongpui a, 12#Ant 6:7; 16:7-8; Atl 14:27; 1Rē 20:28; Zol 3:17“Israel nāi ngāi a bāi mankham u ka lei riat a. A kōm una va ril ro, ‘Azīngrū lē avārrūna mē sāk u na ti, zīnga nēksāk le khop u'n na ti. Nangnī'n Zehova na Pathian u kei nī riat u na ti,’ ” a tī na.
13 #
Atl 11:9, 31; Sām 78:27-29; 105:40 Hankēng hintin hin a nī na, khuluia vāmīm ngāiin a riabuk u chu a hong mankhū ziak u na. Zīnga, a riabuk u anhīl vinga rodō a sip ziak a. 14#Ant 16:31; Atl 11:7-9; Dān 8:3, 16; Neh 9:15; Sām 78:24; 105:40Rodō chu a hong āhul le, mibuirama phil chunga han, neinun anchēng āsīntete ngāi, arial anga a hong āom a. 15#Ant 16:4; Dān 8:16; Neh 9:15, 20; Sām 78:24; Zn 6:31; 1Ko 10:3Israel nāi ngāiin hava ha a mū u le chu, amāni lē amānī'n, “Hiva hi imo?” a ti u na. Asik chu hava ha imo riat u mak a. Mōsī'n a kōm u na, “Hiva hi Zehova'n nei sāk ranga nēksāk ei na pēk chu a ni. 16#Ant 16:32, 36Hiva hi Zehova chongpēk chu a ni: ‘Mī tinin ei nang tuk rasuong rase, a miluvoma omer#16:16 omer: Efa 1/10 ole litār 2.2 a ni. khat, a mī tam u ang chipa, puon-in sūnga āom ngāi dōra rang lāk chip u rase,’ ” a tī na. 17Hatuka Israel nāi ngāiin hantin han senkhat atam uola, senkhat atom beta, a rasuong u na. 18#2Ko 8:15Omer le han a māi u le chu, ātampā ānsuong ngāiin amaniang dōn u mak a, alaktē ānsuong ngāiin um ansam u mak a. Mi tinin ei nāng u tuk a rasuong u na. 19#Ant 12:10; 16:23; 23:18Mōsī'n, “Mī tūtē'n nangtūk zīng ten a rang hōi nō rase,” a tī na. 20Hanum ni sela, amānī'n Mōsi hē rangāi u mak a. Tenchu mī senkhatin hava nātā senkhat chu zīng tenpei a hōi u na. Hava chu anlunga a ui a. Mōsi chu amāni chunga a tak asī na. 21Hankēng amānī'n azīng tina, mi tinin ei nang tuk a rasuong u na. Anīsā a hong ālum le chu a zōi a.
22 #
Ant 16:5; 34:31 Hintin hin a nī na, nī aruknāna, thep anni atama nēksāk a rasuong u na, mī khat ranga omer anni senga a rasuong u na. Hatuka mipui ruoipū ngāi dōra a hong u na, Mōsi kōma a hong ril u na. 23#Aph 2:3; Ant 16:19; 20:8-11; 23:12; 31:15; 35:2; Lev 23:3; Dān 5:13-14; Neh 9:13-14Mōsī'n a kōm u na, “Hiva hi Zehova'n a tī na: ‘Nangtūk hi sabat pōngansana nikhuo a ni, Zehova ranga sabat anthiang a ni. Anrahāi ruo ngāi chu rahāi u ro, abutruo chu but u ro. Amaniang ngāi chu zīng tenpeia ranga na ninga ranga rē u ro,’ ” a tī na. 24#Ant 16:20Hankēng hava ha zīng tenpei a rē u na, Mōsi a chongpēk anga, ui lāi mak a, anlung um lāi mak a. 25Hatuka Mōsī'n, “Hiva hi avian sāk u ro, asik chu avian hin Zehova ranga sabat a ni. Hiva hi avian chu phila man u nō ta ni. 26#Ant 20:9-10Nī ruk hiva hi nei rasuong u rang, tenchu ni sarina, sabat nikhuona chu, hava ha om nō ni,” a tī na.
27Hintin hin a ni, mī senkhat chu ni sarina han hava ansuong ranga a sē u na, tenchu ītē va man u mak a. 28#Zos 9:14; 2Rē 17:14; Sām 78:10; 106:13; Zer 32:23Zehova'n Mōsi a kōma, “Hotuk ten asōt mo ka chongpēk ngāi lē ka dān ngāi chu āzī ranga poisakluia nei la om u rang? 29En u ta! Zehova'n sabat nikhuo a na pēk u na. Hasikhan amā'n nī arukna han nēksāk nī anni rang a na pēk u na. Mitin ei omna muna om rase. Mī tūkareng ni sari nikhuona ei omna mun ātā apanga suok nō rase,” a tī na. 30Hankēng mipui ngāi chu ni sari nikhuona pōngansa u na.
31 #
Ant 16:14; Atl 11:7-9; Dān 8:3, 16 Israel insūngkuo ngāiin hava chu manna raming a phuo u na. Hava ha patekhōm ru ālang ang a ni. Hava ei tīdān chu khuoining le ansin vāipōltheppak ang a ni. 32Mōsī'n, “Hiva hi Zehova chongpēk chu a ni: ‘Na khūk u ngāiin, Āigupta ram ātā ka na hong ruoi u lāia mibuirama kei na mannēk u vāipōltāp ei mū thei una ranga, manna chu omer khat hōi tānla, na khūk u ngāi rang ansiak rase,’ ” a tī na. 33#Heb 9:4; Anl 2:17Mōsī'n Aron a kōma, “Bēl khat lāk tānla, hava han omer khat manna thāl ro, hava ha Zehova matona va dar ro, na chi ngāi ranga ansiak rase,” a tī na. 34#Ant 25:16, 21; 27:21; 40:20; Lev 16:13; Atl 1:50; 17:10; Dān 10:2; 1Rē 8:9; 2Kh 5:10Zehova'n Mōsi a kōm chong ei pēk anga, hantin han ansiak ranga Aron-in Riatpuina Bōm makunga a va dar a. 35#Atl 14:33; Dān 1:3; Zos 5:6, 12; Rui 3:11; Neh 9:20-21; Sām 95:10; Am 5:25; Zn 6:31Israel nāi ngāiin manna chu kum 40 a sāk u na, mī omna muna a hong ātung u māseng. Kanān ramrī a hong āsuok u māseng manna a sāk u na. 36#Ant 16:16; Lev 5:11; Atl 5:15Omer khat hi efa#16:36 efa: Efa 1 hi litār 22 a ni. sōma angkhat tuk a ni.
Àwon tá yàn lọ́wọ́lọ́wọ́ báyìí:
Anthokna 16: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.