Anthokna 12
12
Kallēn Pāntā Mānsa Khīt
Lev 23:4-8; Atl 28:16-25; Dān 16:1-8
1 Zehova'n Mōsi lē Aron chu Āigupta rama a chongpui a, 2#Dān 16:1“Hiva thā hi nangni na ranga thā mānsa khīt, kum ei phutna thā chang in ti. 3#Mk 14:12; 1Ko 5:7Israel mipui ngāi dōra kōma, ‘Hiva thā ni sōm nikhuo changnāna, mitin a insūngkuo ang chipa, a pā insūngkuo ranga bera tuoi khat chōi rase. 4Hava insūngkuo chu bera tuoi khat āthat ranga asīn sabak anten, ama lē ama ādēp a inkōlmī le han a miring ei ni tuk ang chipa han chōi rase. Mi tinin ei sāk rang khop ang chipa bera tuoi chu nei lāk u rang a ni. 5#Lev 1:3; Atl 6:14; Dān 15:21; Heb 9:14; 1Pe 1:19Na bera chu demkāilui ni rase, kum khat beratang ni rase. Bera nōk ten na kēl ngāi ātā na lāk thei. 6#Lev 23:5; Atl 9:1-3, 5, 11; Dān 16:4, 6; Zos 5:10; 2Kh 30:2Hava thā len han ni sōmleimanli ten nei rē rang nāng in ti. Hatuka Israel mipui ngāi dōrā'n azīngrū lē avārrūna ei that u rang a ni.
7 #
Izk 9:6
“ ‘A thisen chu amānī'n lāk u'n tia, ei sāk una in suokkhār khorlong annina le makot lu chunga hava ha ei khuo u rang. 8#Lev 7:15; Atl 9:11-12; Dān 16:3-4, 7; 2Kh 35:7; 1Ko 5:8Hankēng hava zāna amānī'n a mē chu sāk u'n ti. Moia anruia, cholanchellui vāipōltāp le, anna khā le, amānī'n ei sāk u rang. 9#Lev 3:3Asela hiva hi sāk u nō ro, ti lēm but thak u ta ni, tenchu a lū, a kechum lē a sūngkuo ngāi chu moia rui u ro. 10#Lev 22:30; Dān 16:4Zīng tenpeia ītē manniang u nō ta ni. Zīng tena ānniang ngāi chu moia hāl u'n na ti. 11#Lev 23:5; Atl 9:2, 4; Dān 16:1, 3; Zos 5:10; 2Rē 23:21, 23; 2Kh 30:1; Ezr 6:19; Isa 31:5; 48:20; Izk 45:21Hintin hin sāk u'n na ti, na kōnga kōngkhit lē na kēna kekok lē, na kuta sunrol le annot sabaka nei sāk u rang. Hiva hi Zehova Kallēn Pāntā chu a ni. 12#Atl 33:4; 2Kh 2:5; Sām 95:3; Isa 10:33; 19:1; Zer 43:12; Am 5:17Asik chu hava zāna han Āigupta ram pal ka ting, Āigupta rama mī lē ran nāirapa ngāi dōra chu razīk ka ting. Āiguptā-na pathian ngāi dōra chunga ruiril ka ting, koi hi Zehova kā nī na. 13#Heb 11:28Nei om una in ngāi a thisen hi nangni na ranga andangna nī'n ti. Thisen ka mū le han, na lēn u ka ting. Āigupta ram ka razīk tikle chu nangni a nā'n siat u rang ansinsakna chu na chung una hong chul nō ni.
14 #
Lev 3:17; Atl 18:23 “ ‘Hasikhan hiva nikhuo hi nangni na ranga riattitna nī nī'n ti. Hiva hi Zehova kōma pāntā anga akhūk akhūka nei mang u rang a ni. Nangnī'n hiva nikhuo hi Tāituona dānphun anga, pāntā khata nei mang u rang a ni. 15#Aph 17:14; Lev 23:6; Atl 28:17; Dān 16:3; 1Ko 5:7Ni sari cholanchellui vāipōltāp nei sāk u rang a ni. Ni mānsā nikhuona, na in u ngāi ātā chol nei khāi u rang. Asik chu ni mānsā nikhuo nātā ni sari tena chol anchel vāipōltāp ānēk tak chu, hava miring ha Israel ngāi kār ātā mukhup ei ni rang. 16#Atl 29:35Nikhat nikhuona khōmpui anthiang om in ti, ni sari nikhuonā'm, nangni ranga khōmpui anthiang om in ti. Hava nikhuo ngāi han ītē sin anthō nō ni. Tenchu mitin nēksāk ei nāng rong ha na mansūk u thei. 17#Lev 3:17; 19:36; Dān 16:16; 2Kh 8:13; Ezr 6:22; Mt 26:17; Lk 22:1; Kui 12:3Hankēng cholanchellui vāipōltāp pāntā chu nei mang u rang a ni. Asik chu hava nikhuo ngēta han Āigupta ram ātā na sipai ngāi le kei na hong ruoi u a ni. Hasikhan hiva nikhuo hi tāituona dānphun anga akhūk akhūka nei mang u rang a ni. 18Tha mānsāna, ni sōmleimanli changna khuluia, hava thāna ni 21na khului tenpeia, cholanchellui vāipōltāp chu nei sāk u rang a ni. 19#Atl 9:14; Dān 1:16; Zos 8:33Asik chu ni sari sūng na in u ngāia chol ei om rang ni mak, tūkareng chol anchel āsāk tak chu, hava miring ha hiva rama mī mo ole namtei mo ni rase, Israel mipui ngāi kār ātā mukhup ei ni rang. 20#Lev 3:17; Atl 35:29; Izk 6:6Nangnī'n chol anchel neinun nei sāk u rang ni mak. Nei om una mun dōrāna cholanchellui vāipōltāp nei nēk u rang,’ tīna ril ro,” a tī na.
21 #
Mk 14:12-16
Mōsī'n Israel a pātar ngāi dōra a pāi a, a kōm u na, “Na insūngkuo ang chipa na nining una rang bera tuoi chu lāk u tān, Kallēn Pāntā bera tuoi chu that u ro. 22#Lev 14:4, 6; Atl 19:18; Sām 51:7; Heb 11:28Nangnī'n lēngmasēr a lo khat lāk u tānla, hava ha bāngtoka āom thisena phūm u ro. Hatuka suokkhār chunga lē suokkhār khorlong anni ngāia han bāngtoka thisen chu khuo u ro. Zīng tenpeia tūtē na in u nātā apanga suok u nō ro. 23#Aph 16:7; Isa 19:22; 37:36; Zer 6:26; 1Ko 10:10; Heb 11:28; Anl 7:3Asik chu Āiguptā mi ngāi ānrazīk ranga Zehova chu hong in ti. Amā'n suokkhār chunga lē suokkhār khorlong annina thisen a mū le, Zehova'n suokkhār chu lēn in ti. Na insūng u ngāia ansiatpū rang chu, nangni anā zēm rang na in u ngāia ālūt ranga phal nō ni. 24Nang lē na nāipasal ngāi rang tāituona dānphun anga, hiva hi hong mang u chachak ro. 25#Aph 15:14Hintin hin hong nī'n tia, Zehova'n ei na pēk u rang rama na hong u tikle, amā'n chong ei na tin u anga, nangnī'n hiva dorbōndomna hi zī tit u ro. 26Hintin hin nī'n ti, na nāi u ngāiin, ‘Hiva dorbō hi i tīna mo?’ a ti u le chu, 27#Aph 24:26nangnī'n a kōm u na, ‘Hiva hi Zehova Kallēn Pāntā anbōlna chu a ni. Amā'n Āiguptā mi ngāi a zēm lāi han, Āiguptā-na Israel nāi ngāi a in u ngāi a lēn a, na insūngkuo ngāi chu a na mazōk a,’ ti u na ti,” a tī na. Hankēng mipui ngāi chu anbu u na, a biak u na.
28Israel nāi ngāi asēna a va thō u na. Mōsi lē Aron-in Zehova'n chong ei pēk anga a va thō u na.
Ansinsakna Sōmna: Nāirapā Thīna
29 #
Aph 19:13
Hintin hin a ni, zānchima Zehova'n Āigupta rama nāirapā dōra chu a hong that kiar a. A chōmphānga ānsut Faro nāirapā nātā selkeia ankhumna khurzīnga a om nāirapā tenpeia a that kiar a. Hatuka ranvāi ruol nāirapa ngāi dōrā'm a thi u na. 30Hankēng Faro chu ama, a suok ngāi dōra lē Āiguptā mī dōra le han zāna anthui u na. Āiguptā-na chapna liantak a suok a, asik chu mī ei thi nōkna in khat ngal om mak a.
Anthokna
31Hatuka Faro'n Mōsi lē Aron chu zān lena a pāi a, amā'n a kōm u na, “Anthui u tān, ka mi ngāi bil ātā, nang lē Israel nāi ngāi chu sē u ta ro. Sē u tān, nei ti u anga Zehova dorbō chu va dom u ro, a tī na. 32#Aph 27:34Nei ti u anga, na beraruol lē na sarātruol ngāi um chōi u tān, sē u ro. Koi um bōr na pēk sā u ro,” a tī na.
33 #
Aph 20:3; 1Sa 6:6 Āigupta mi ngāiin Israel ngāi chu, ram sūng ātā anrapa ei sē lilīp una rang a mathēm u na. Asik chu amānī'n, “Na loma la thi kiar in ti,” a ti u na. 34Hankēng chol anchel māna vāipōl anmet chu mipui ngāiin a lāk u na, vāipōl anmetna bāngtok chu puon le āthuoma a dāra a raput u na. 35#Aph 24:53Israel ngāiin Mōsi a chong anga a thō u na, amāni chu Āiguptā mi ngāi kōm ātā sumrū lē rāngkachak le ānsin anliangna lē puon a zong u na. 36#Aph 39:21Āiguptā ngāi mitmūna Israel nāi ngāi chu Zehova'n lungkham a manmū na. Hankēng ei zong u ngāi chu a pēk u na. Hantin han Āiguptā ngāi chu a rūn u na.
37 #
Aph 12:2; 47:11; Atl 1:46; 33:3-5 Hatuka Israel nāi ngāi chu Rameses ātā Sukot a pan u na, nāipang ngāi telluia, pasal kēna āsē 6,00,000 tāng. 38#Atl 11:4; Zos 8:35Amāni bila anpolnuka ātampā a sē u na. Hava panga ranruol tamtak, beraruol lē ranvāi um a bil una a sē u na. 39Āigupta ram ātā vāipōl anmet ei hong chōi u ha cholanchellui vāipōltheppak a sin u na. Hava ha cholanchellui a ni, Āiguptā nātā ānzūl ei ni u sika. Amānī'n maruong thei u lāi mak a, a nining una rang nēksāk um mansūk thei u lāi mak a.
40 #
Aph 15:13; Kui 7:6; Gal 3:17 Israel nāi ngāi Āiguptā-na ei om u chu kum 430 a ni. 41Hintin hin a hong ānī na, kum 430 a theng suona chu, hava nikhuo lena han, Zehova sipai ngāi dōra chu Āigupta ram ātā asuoka a sē u na. 42#Lev 3:17; Atl 9:3; Dān 16:1, 6Zehova'n Āigupta ram ātā amāni ei hong masuok una sika, hiva zān hi Zehova ranga zān aser a ni. Hiva zān hi Israel nāi ngāi dōra ranga akhūk akhūka Zehova ranga zān aser a ni.
Kallēn Pānta Dān
43 #
Atl 9:14; 2Kh 6:32-33; Isa 14:1 Zehova'n Mōsi lē Aron a kōma, “Hiva hi Kallēn Pāntā dānphun a ni: ramtei mī'n ei sāk rang ni mak. 44#Aph 17:12-13Tenchu sum le ānchōk mī suok dōra chu, ser na tan suo u le, ama chu a sāk thei. 45#Lev 22:10Ramtei mī lē lōmruoi suok ngāiin sāk thei u nō ni. 46#Atl 9:12; Sām 22:14; Chn 17:22; Zn 19:36In khata hava ha ei ansāk rang. Hava in ātā a mē khat ngal apanga nei chōi u rang ni mak, a ru ngāi um angkhattē ngal nei khiak u rang ni mak. 47Israel mipui ngāi dōrā'n hiva hi ei zī u rang. 48#Lev 19:18, 34; Atl 9:14; Izk 44:7Mēlriatnōk mī na bil una ommun a khuor a, Zehova kōma Kallēn Pāntā a mang zōt ten, a pasal ngāi dōra serantan rase. Ama chu hong dēpa, hong mang rase. Ama chu a ram mī ang hong nī'n ti. Tenchu serantanlui mī chu hava ha sāk nō ni. 49#Lev 24:22; Atl 5:15-16, 29; Dān 1:16A rama ānzir mī lē mēlriatnōk mī na bil una āom ngāi ranga dān angkhat nī'n ti,” a tī na.
50Hantin han Israel nāi ngāi dōrā'n a thō u na. Mōsi lē Aron a kōma Zehova'n chong ei pēk anga, amānī'n a thō u na. 51Hintin hin a hong ānī na, hava nikhuo lena, Zehova'n Israel nāi ngāi chu Āigupta ram ātā a sipai u ang chipa a hong ruoi masuok a.
Àwon tá yàn lọ́wọ́lọ́wọ́ báyìí:
Anthokna 12: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.
Anthokna 12
12
Kallēn Pāntā Mānsa Khīt
Lev 23:4-8; Atl 28:16-25; Dān 16:1-8
1 Zehova'n Mōsi lē Aron chu Āigupta rama a chongpui a, 2#Dān 16:1“Hiva thā hi nangni na ranga thā mānsa khīt, kum ei phutna thā chang in ti. 3#Mk 14:12; 1Ko 5:7Israel mipui ngāi dōra kōma, ‘Hiva thā ni sōm nikhuo changnāna, mitin a insūngkuo ang chipa, a pā insūngkuo ranga bera tuoi khat chōi rase. 4Hava insūngkuo chu bera tuoi khat āthat ranga asīn sabak anten, ama lē ama ādēp a inkōlmī le han a miring ei ni tuk ang chipa han chōi rase. Mi tinin ei sāk rang khop ang chipa bera tuoi chu nei lāk u rang a ni. 5#Lev 1:3; Atl 6:14; Dān 15:21; Heb 9:14; 1Pe 1:19Na bera chu demkāilui ni rase, kum khat beratang ni rase. Bera nōk ten na kēl ngāi ātā na lāk thei. 6#Lev 23:5; Atl 9:1-3, 5, 11; Dān 16:4, 6; Zos 5:10; 2Kh 30:2Hava thā len han ni sōmleimanli ten nei rē rang nāng in ti. Hatuka Israel mipui ngāi dōrā'n azīngrū lē avārrūna ei that u rang a ni.
7 #
Izk 9:6
“ ‘A thisen chu amānī'n lāk u'n tia, ei sāk una in suokkhār khorlong annina le makot lu chunga hava ha ei khuo u rang. 8#Lev 7:15; Atl 9:11-12; Dān 16:3-4, 7; 2Kh 35:7; 1Ko 5:8Hankēng hava zāna amānī'n a mē chu sāk u'n ti. Moia anruia, cholanchellui vāipōltāp le, anna khā le, amānī'n ei sāk u rang. 9#Lev 3:3Asela hiva hi sāk u nō ro, ti lēm but thak u ta ni, tenchu a lū, a kechum lē a sūngkuo ngāi chu moia rui u ro. 10#Lev 22:30; Dān 16:4Zīng tenpeia ītē manniang u nō ta ni. Zīng tena ānniang ngāi chu moia hāl u'n na ti. 11#Lev 23:5; Atl 9:2, 4; Dān 16:1, 3; Zos 5:10; 2Rē 23:21, 23; 2Kh 30:1; Ezr 6:19; Isa 31:5; 48:20; Izk 45:21Hintin hin sāk u'n na ti, na kōnga kōngkhit lē na kēna kekok lē, na kuta sunrol le annot sabaka nei sāk u rang. Hiva hi Zehova Kallēn Pāntā chu a ni. 12#Atl 33:4; 2Kh 2:5; Sām 95:3; Isa 10:33; 19:1; Zer 43:12; Am 5:17Asik chu hava zāna han Āigupta ram pal ka ting, Āigupta rama mī lē ran nāirapa ngāi dōra chu razīk ka ting. Āiguptā-na pathian ngāi dōra chunga ruiril ka ting, koi hi Zehova kā nī na. 13#Heb 11:28Nei om una in ngāi a thisen hi nangni na ranga andangna nī'n ti. Thisen ka mū le han, na lēn u ka ting. Āigupta ram ka razīk tikle chu nangni a nā'n siat u rang ansinsakna chu na chung una hong chul nō ni.
14 #
Lev 3:17; Atl 18:23 “ ‘Hasikhan hiva nikhuo hi nangni na ranga riattitna nī nī'n ti. Hiva hi Zehova kōma pāntā anga akhūk akhūka nei mang u rang a ni. Nangnī'n hiva nikhuo hi Tāituona dānphun anga, pāntā khata nei mang u rang a ni. 15#Aph 17:14; Lev 23:6; Atl 28:17; Dān 16:3; 1Ko 5:7Ni sari cholanchellui vāipōltāp nei sāk u rang a ni. Ni mānsā nikhuona, na in u ngāi ātā chol nei khāi u rang. Asik chu ni mānsā nikhuo nātā ni sari tena chol anchel vāipōltāp ānēk tak chu, hava miring ha Israel ngāi kār ātā mukhup ei ni rang. 16#Atl 29:35Nikhat nikhuona khōmpui anthiang om in ti, ni sari nikhuonā'm, nangni ranga khōmpui anthiang om in ti. Hava nikhuo ngāi han ītē sin anthō nō ni. Tenchu mitin nēksāk ei nāng rong ha na mansūk u thei. 17#Lev 3:17; 19:36; Dān 16:16; 2Kh 8:13; Ezr 6:22; Mt 26:17; Lk 22:1; Kui 12:3Hankēng cholanchellui vāipōltāp pāntā chu nei mang u rang a ni. Asik chu hava nikhuo ngēta han Āigupta ram ātā na sipai ngāi le kei na hong ruoi u a ni. Hasikhan hiva nikhuo hi tāituona dānphun anga akhūk akhūka nei mang u rang a ni. 18Tha mānsāna, ni sōmleimanli changna khuluia, hava thāna ni 21na khului tenpeia, cholanchellui vāipōltāp chu nei sāk u rang a ni. 19#Atl 9:14; Dān 1:16; Zos 8:33Asik chu ni sari sūng na in u ngāia chol ei om rang ni mak, tūkareng chol anchel āsāk tak chu, hava miring ha hiva rama mī mo ole namtei mo ni rase, Israel mipui ngāi kār ātā mukhup ei ni rang. 20#Lev 3:17; Atl 35:29; Izk 6:6Nangnī'n chol anchel neinun nei sāk u rang ni mak. Nei om una mun dōrāna cholanchellui vāipōltāp nei nēk u rang,’ tīna ril ro,” a tī na.
21 #
Mk 14:12-16
Mōsī'n Israel a pātar ngāi dōra a pāi a, a kōm u na, “Na insūngkuo ang chipa na nining una rang bera tuoi chu lāk u tān, Kallēn Pāntā bera tuoi chu that u ro. 22#Lev 14:4, 6; Atl 19:18; Sām 51:7; Heb 11:28Nangnī'n lēngmasēr a lo khat lāk u tānla, hava ha bāngtoka āom thisena phūm u ro. Hatuka suokkhār chunga lē suokkhār khorlong anni ngāia han bāngtoka thisen chu khuo u ro. Zīng tenpeia tūtē na in u nātā apanga suok u nō ro. 23#Aph 16:7; Isa 19:22; 37:36; Zer 6:26; 1Ko 10:10; Heb 11:28; Anl 7:3Asik chu Āiguptā mi ngāi ānrazīk ranga Zehova chu hong in ti. Amā'n suokkhār chunga lē suokkhār khorlong annina thisen a mū le, Zehova'n suokkhār chu lēn in ti. Na insūng u ngāia ansiatpū rang chu, nangni anā zēm rang na in u ngāia ālūt ranga phal nō ni. 24Nang lē na nāipasal ngāi rang tāituona dānphun anga, hiva hi hong mang u chachak ro. 25#Aph 15:14Hintin hin hong nī'n tia, Zehova'n ei na pēk u rang rama na hong u tikle, amā'n chong ei na tin u anga, nangnī'n hiva dorbōndomna hi zī tit u ro. 26Hintin hin nī'n ti, na nāi u ngāiin, ‘Hiva dorbō hi i tīna mo?’ a ti u le chu, 27#Aph 24:26nangnī'n a kōm u na, ‘Hiva hi Zehova Kallēn Pāntā anbōlna chu a ni. Amā'n Āiguptā mi ngāi a zēm lāi han, Āiguptā-na Israel nāi ngāi a in u ngāi a lēn a, na insūngkuo ngāi chu a na mazōk a,’ ti u na ti,” a tī na. Hankēng mipui ngāi chu anbu u na, a biak u na.
28Israel nāi ngāi asēna a va thō u na. Mōsi lē Aron-in Zehova'n chong ei pēk anga a va thō u na.
Ansinsakna Sōmna: Nāirapā Thīna
29 #
Aph 19:13
Hintin hin a ni, zānchima Zehova'n Āigupta rama nāirapā dōra chu a hong that kiar a. A chōmphānga ānsut Faro nāirapā nātā selkeia ankhumna khurzīnga a om nāirapā tenpeia a that kiar a. Hatuka ranvāi ruol nāirapa ngāi dōrā'm a thi u na. 30Hankēng Faro chu ama, a suok ngāi dōra lē Āiguptā mī dōra le han zāna anthui u na. Āiguptā-na chapna liantak a suok a, asik chu mī ei thi nōkna in khat ngal om mak a.
Anthokna
31Hatuka Faro'n Mōsi lē Aron chu zān lena a pāi a, amā'n a kōm u na, “Anthui u tān, ka mi ngāi bil ātā, nang lē Israel nāi ngāi chu sē u ta ro. Sē u tān, nei ti u anga Zehova dorbō chu va dom u ro, a tī na. 32#Aph 27:34Nei ti u anga, na beraruol lē na sarātruol ngāi um chōi u tān, sē u ro. Koi um bōr na pēk sā u ro,” a tī na.
33 #
Aph 20:3; 1Sa 6:6 Āigupta mi ngāiin Israel ngāi chu, ram sūng ātā anrapa ei sē lilīp una rang a mathēm u na. Asik chu amānī'n, “Na loma la thi kiar in ti,” a ti u na. 34Hankēng chol anchel māna vāipōl anmet chu mipui ngāiin a lāk u na, vāipōl anmetna bāngtok chu puon le āthuoma a dāra a raput u na. 35#Aph 24:53Israel ngāiin Mōsi a chong anga a thō u na, amāni chu Āiguptā mi ngāi kōm ātā sumrū lē rāngkachak le ānsin anliangna lē puon a zong u na. 36#Aph 39:21Āiguptā ngāi mitmūna Israel nāi ngāi chu Zehova'n lungkham a manmū na. Hankēng ei zong u ngāi chu a pēk u na. Hantin han Āiguptā ngāi chu a rūn u na.
37 #
Aph 12:2; 47:11; Atl 1:46; 33:3-5 Hatuka Israel nāi ngāi chu Rameses ātā Sukot a pan u na, nāipang ngāi telluia, pasal kēna āsē 6,00,000 tāng. 38#Atl 11:4; Zos 8:35Amāni bila anpolnuka ātampā a sē u na. Hava panga ranruol tamtak, beraruol lē ranvāi um a bil una a sē u na. 39Āigupta ram ātā vāipōl anmet ei hong chōi u ha cholanchellui vāipōltheppak a sin u na. Hava ha cholanchellui a ni, Āiguptā nātā ānzūl ei ni u sika. Amānī'n maruong thei u lāi mak a, a nining una rang nēksāk um mansūk thei u lāi mak a.
40 #
Aph 15:13; Kui 7:6; Gal 3:17 Israel nāi ngāi Āiguptā-na ei om u chu kum 430 a ni. 41Hintin hin a hong ānī na, kum 430 a theng suona chu, hava nikhuo lena han, Zehova sipai ngāi dōra chu Āigupta ram ātā asuoka a sē u na. 42#Lev 3:17; Atl 9:3; Dān 16:1, 6Zehova'n Āigupta ram ātā amāni ei hong masuok una sika, hiva zān hi Zehova ranga zān aser a ni. Hiva zān hi Israel nāi ngāi dōra ranga akhūk akhūka Zehova ranga zān aser a ni.
Kallēn Pānta Dān
43 #
Atl 9:14; 2Kh 6:32-33; Isa 14:1 Zehova'n Mōsi lē Aron a kōma, “Hiva hi Kallēn Pāntā dānphun a ni: ramtei mī'n ei sāk rang ni mak. 44#Aph 17:12-13Tenchu sum le ānchōk mī suok dōra chu, ser na tan suo u le, ama chu a sāk thei. 45#Lev 22:10Ramtei mī lē lōmruoi suok ngāiin sāk thei u nō ni. 46#Atl 9:12; Sām 22:14; Chn 17:22; Zn 19:36In khata hava ha ei ansāk rang. Hava in ātā a mē khat ngal apanga nei chōi u rang ni mak, a ru ngāi um angkhattē ngal nei khiak u rang ni mak. 47Israel mipui ngāi dōrā'n hiva hi ei zī u rang. 48#Lev 19:18, 34; Atl 9:14; Izk 44:7Mēlriatnōk mī na bil una ommun a khuor a, Zehova kōma Kallēn Pāntā a mang zōt ten, a pasal ngāi dōra serantan rase. Ama chu hong dēpa, hong mang rase. Ama chu a ram mī ang hong nī'n ti. Tenchu serantanlui mī chu hava ha sāk nō ni. 49#Lev 24:22; Atl 5:15-16, 29; Dān 1:16A rama ānzir mī lē mēlriatnōk mī na bil una āom ngāi ranga dān angkhat nī'n ti,” a tī na.
50Hantin han Israel nāi ngāi dōrā'n a thō u na. Mōsi lē Aron a kōma Zehova'n chong ei pēk anga, amānī'n a thō u na. 51Hintin hin a hong ānī na, hava nikhuo lena, Zehova'n Israel nāi ngāi chu Āigupta ram ātā a sipai u ang chipa a hong ruoi masuok a.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.