Levis Kevcai 15
15
Mob Ua Paug Tsi Huv
1Tug TSWV has rua Mauxes hab Aloos tas, 2“Meb qha rua cov Yixalayees has tas, thaus ib tug txivneej twg mob ua kua paug tawm huv nwg qhov chaw xis lug, mas nwg cov kuas paug ntawd tsi huv. 3Txawm yog cov kua paug ntawd tseem tawm lossis tu lawm los xij, nwg lub cev yeej tsi huv lawm. 4Txhua lub txaaj kws nwg moog pw hab txhua yaam kws nwg moog nyob rua sau lawm, tes tej ntawd tsi huv lawm. 5Txhua tug kws moog tuav tug mob ntawd lub txaaj, 6lossis moog nyob sau tej chaw kws nwg nyob lawm, tug ntawd yuavtsum muab nwg cev rigtsho moog ntxhua hab dlaa dlej, mas nwg tseem tsi tau huv moog txug thaus tsausntuj.
7“Yog leejtwg moog kov tug tuabneeg mob ntawd, nwg yuavtsum muab nwg cev rigtsho coj moog ntxhua hab dlaa dlej, mas nwg tseem tsi tau huv moog txug thaus tsausntuj. 8Yog tas tug tuabneeg kws mob ntawd ntu quavncaug moog lu cov tuabneeg kws tub ua kevcai ntxuav lawm ib tug twg, tug ntawd yuavtsum muab nwg cev rigtsho moog ntxhua hab dlaa dlej, mas nwg tseem tsi tau huv moog txug thaus tsausntuj.
9“Txhua lub eeb lossis txhua thaaj chaw kws tug tuabneeg mob ntawd moog nyob, tes lub eeb ntawd tsi huv lawm. 10Txhua tug kws moog tuav tej kws tug tuabneeg mob ntawd moog nyob lug lawm, nwg yuav tsi tau huv moog txug thaus tsausntuj. 11Yog tug tuabneeg kws mob ua paug mag ntawd moog tuav tau ib leeg twg uantej kws nwg tsi tau ntxuav teg, tes tug kws raug tuav ntawd yuavtsum muab nwg cev rigtsho moog txhua hab dlaa dlej, mas nwg tseem tsi huv moog txug thaus tsausntuj. 12Txhua lub laujkaub aav kws tug tuabneeg mob ntawd kov lawm, yuavtsum muab tsoo povtseg, hab txhua lub taig ntoo kws nwg moog tuav lawm, yuavtsum muab ntxuav kuas huv.
13“Tomqaab kws tug tuabneeg mob ntawd cov kua paug tu lawm, nwg yuavtsum tog xyaa nub, nwg maam hle nwg cev rigtsho moog ntxhua hab dlaa cov dlej ntshab kws cug huv haavdlej lug, mas nwg lub cev txhaj yuav huv. 14Nub thib yim nwg yuavtsum coj ob tug nquab taug lossis ob tug nquab nyeg moog rua ntawm lug qhovrooj kws yuav moog rua huv lub Tsevntaub Sisntsib hab muab rua tug povthawj. 15Tug povthawj hlub yuavtsum muab ib tug nquab tua fij dlaws txim hab muab ib tug tua hlawv fij. Ua le nuav yog nwg ua kevcai ntxuav tug kws mob ntawd kuas huv.
16“Thaus ib tug txivneej twg cov kaab mivnyuas cale tawm lug, nwg yuavtsum dlaa dlej ntxuav thoobplawg nwg lub cev, mas nwg tseem tsi tau huv moog txug thaus tsausntuj. 17Txhua yaam khaubdluag lossis tej rigtsho tawv tsaj kws cov kua ntawd nrug rua lawm, yuavtsum muab coj moog ntxhua, hab tej khaubdluag ntawd yuav tsi huv moog txug thaus tsausntuj. 18Tomqaab kws tug txivneej hab tug quaspuj pw uake taag lawm, obtug yuavtsum moog dlaa dlej, hab obtug yuav tsi huv moog txug thaus tsausntuj.
19“Thaus ib tug quaspuj twg coj khaubdluag, nwg yuav tsi huv moog txug xyaa nub. Leejtwg kws kov tug quaspuj ntawd, tug ntawd yuav tsi huv moog txug thaus tsausntuj. 20Txhua yaam kws tug quaspuj ntawd nyob lossis pw rua sau thaus lub sijhawm kws nwg taabtom coj khaubdluag, yaam ntawd yuav tsi huv lawm. 21-23Txhua tug kws kov tug quaspuj ntawd lub txaaj lossis txhua yaam kws nwg nyob rau sau lawm, tug ntawd yuavtsum muab nwg cev rigtsho moog ntxhua hab dlaa dlej, hab nwg yuav tsi huv moog txug thaus tsausntuj. 24Yog ib tug txivneej moog nrug tug quaspuj kws tseem taabtom coj khaubdluag pw, tug quaspuj ntawd cov ntshaav kws tsi huv lu nwg lawm, tes nwg yuav tsi huv moog txug xyaa nub; hab txhua lub txaaj kws tug txivneej ntawd pw los yuav tsi huv lawm hab.
25“Yog tug quaspuj twg nchuav cev ntau nub kws tsi yog nwg lub caij coj khaubdluag, lossis nwg nchuav cev ntev dlua le lub sijhawm kws nwg coj khaubdluag, nwg nchuav cev ntev npaum lecaag tes nwg tsi huv ntev npaum le ntawd; ib yaam le thaus nwg coj khaubdluag es nwg lub cev tsi huv ntawd hab. 26Txhua lub txaaj kws nwg pw hab txhua yaam kws nwg nyob rua sau thaus lub sijhawm kws nwg taabtom coj khaubdluag puavleej tsi huv lawm. 27Yog leejtwg moog tuav tej khoom ntawd, nwg yuav tsi huv, mas nwg yuavtsum muab nwg cev khaubdluag moog ntxhua hab dlaa dlej; mas nwg yuav tsi huv moog txug thaus tsausntuj.
28“Tomqaab kws tug quaspuj ntawd kev coj khaubdluag tu lawm, nwg yuavtsum tog xyaa nub mas nwg txhajle yuav rov huv. 29Nub thib yim, nwg cale nqaa ob tug nquab taug lossis ob tug nquab nyeg moog rua tug povthawj hlub ntawm lub qhovrooj kws yuav moog rua huv lub Tsevntaub Sisntsib. 30Tug povthawj hlub yuav tau muab ib tug nquab tua fij dlaws txim hab muab ib tug tua hlawv fij. Qhov kws tug povthawj hlub ua le nuav, yog ua kevcai ntxuav tug quaspuj ntawd kuas huv.
31“Meb yuavtsum ceebtoom rua cov Yixalayees txug puab txuj kev tsi huv, sub puab txhaj tsi ua rua lub Tsevntaub Sisntsib kws nyob huv lub plawv yeej tsi huv. Yog puab ua, tes puab yuav tuag.”
32Tej nuav yog tej kevcai has txug tug txivneej kws mob lug kua paug lossis nwg chaw xis lug kua, 33hab tug quaspuj kws coj khaubdluag lossis tug txivneej kws moog nrug tug quaspuj kws tsi huv pw.
Àwon tá yàn lọ́wọ́lọ́wọ́ báyìí:
Levis Kevcai 15: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 15
15
Mob Ua Paug Tsi Huv
1Tug TSWV has rua Mauxes hab Aloos tas, 2“Meb qha rua cov Yixalayees has tas, thaus ib tug txivneej twg mob ua kua paug tawm huv nwg qhov chaw xis lug, mas nwg cov kuas paug ntawd tsi huv. 3Txawm yog cov kua paug ntawd tseem tawm lossis tu lawm los xij, nwg lub cev yeej tsi huv lawm. 4Txhua lub txaaj kws nwg moog pw hab txhua yaam kws nwg moog nyob rua sau lawm, tes tej ntawd tsi huv lawm. 5Txhua tug kws moog tuav tug mob ntawd lub txaaj, 6lossis moog nyob sau tej chaw kws nwg nyob lawm, tug ntawd yuavtsum muab nwg cev rigtsho moog ntxhua hab dlaa dlej, mas nwg tseem tsi tau huv moog txug thaus tsausntuj.
7“Yog leejtwg moog kov tug tuabneeg mob ntawd, nwg yuavtsum muab nwg cev rigtsho coj moog ntxhua hab dlaa dlej, mas nwg tseem tsi tau huv moog txug thaus tsausntuj. 8Yog tas tug tuabneeg kws mob ntawd ntu quavncaug moog lu cov tuabneeg kws tub ua kevcai ntxuav lawm ib tug twg, tug ntawd yuavtsum muab nwg cev rigtsho moog ntxhua hab dlaa dlej, mas nwg tseem tsi tau huv moog txug thaus tsausntuj.
9“Txhua lub eeb lossis txhua thaaj chaw kws tug tuabneeg mob ntawd moog nyob, tes lub eeb ntawd tsi huv lawm. 10Txhua tug kws moog tuav tej kws tug tuabneeg mob ntawd moog nyob lug lawm, nwg yuav tsi tau huv moog txug thaus tsausntuj. 11Yog tug tuabneeg kws mob ua paug mag ntawd moog tuav tau ib leeg twg uantej kws nwg tsi tau ntxuav teg, tes tug kws raug tuav ntawd yuavtsum muab nwg cev rigtsho moog txhua hab dlaa dlej, mas nwg tseem tsi huv moog txug thaus tsausntuj. 12Txhua lub laujkaub aav kws tug tuabneeg mob ntawd kov lawm, yuavtsum muab tsoo povtseg, hab txhua lub taig ntoo kws nwg moog tuav lawm, yuavtsum muab ntxuav kuas huv.
13“Tomqaab kws tug tuabneeg mob ntawd cov kua paug tu lawm, nwg yuavtsum tog xyaa nub, nwg maam hle nwg cev rigtsho moog ntxhua hab dlaa cov dlej ntshab kws cug huv haavdlej lug, mas nwg lub cev txhaj yuav huv. 14Nub thib yim nwg yuavtsum coj ob tug nquab taug lossis ob tug nquab nyeg moog rua ntawm lug qhovrooj kws yuav moog rua huv lub Tsevntaub Sisntsib hab muab rua tug povthawj. 15Tug povthawj hlub yuavtsum muab ib tug nquab tua fij dlaws txim hab muab ib tug tua hlawv fij. Ua le nuav yog nwg ua kevcai ntxuav tug kws mob ntawd kuas huv.
16“Thaus ib tug txivneej twg cov kaab mivnyuas cale tawm lug, nwg yuavtsum dlaa dlej ntxuav thoobplawg nwg lub cev, mas nwg tseem tsi tau huv moog txug thaus tsausntuj. 17Txhua yaam khaubdluag lossis tej rigtsho tawv tsaj kws cov kua ntawd nrug rua lawm, yuavtsum muab coj moog ntxhua, hab tej khaubdluag ntawd yuav tsi huv moog txug thaus tsausntuj. 18Tomqaab kws tug txivneej hab tug quaspuj pw uake taag lawm, obtug yuavtsum moog dlaa dlej, hab obtug yuav tsi huv moog txug thaus tsausntuj.
19“Thaus ib tug quaspuj twg coj khaubdluag, nwg yuav tsi huv moog txug xyaa nub. Leejtwg kws kov tug quaspuj ntawd, tug ntawd yuav tsi huv moog txug thaus tsausntuj. 20Txhua yaam kws tug quaspuj ntawd nyob lossis pw rua sau thaus lub sijhawm kws nwg taabtom coj khaubdluag, yaam ntawd yuav tsi huv lawm. 21-23Txhua tug kws kov tug quaspuj ntawd lub txaaj lossis txhua yaam kws nwg nyob rau sau lawm, tug ntawd yuavtsum muab nwg cev rigtsho moog ntxhua hab dlaa dlej, hab nwg yuav tsi huv moog txug thaus tsausntuj. 24Yog ib tug txivneej moog nrug tug quaspuj kws tseem taabtom coj khaubdluag pw, tug quaspuj ntawd cov ntshaav kws tsi huv lu nwg lawm, tes nwg yuav tsi huv moog txug xyaa nub; hab txhua lub txaaj kws tug txivneej ntawd pw los yuav tsi huv lawm hab.
25“Yog tug quaspuj twg nchuav cev ntau nub kws tsi yog nwg lub caij coj khaubdluag, lossis nwg nchuav cev ntev dlua le lub sijhawm kws nwg coj khaubdluag, nwg nchuav cev ntev npaum lecaag tes nwg tsi huv ntev npaum le ntawd; ib yaam le thaus nwg coj khaubdluag es nwg lub cev tsi huv ntawd hab. 26Txhua lub txaaj kws nwg pw hab txhua yaam kws nwg nyob rua sau thaus lub sijhawm kws nwg taabtom coj khaubdluag puavleej tsi huv lawm. 27Yog leejtwg moog tuav tej khoom ntawd, nwg yuav tsi huv, mas nwg yuavtsum muab nwg cev khaubdluag moog ntxhua hab dlaa dlej; mas nwg yuav tsi huv moog txug thaus tsausntuj.
28“Tomqaab kws tug quaspuj ntawd kev coj khaubdluag tu lawm, nwg yuavtsum tog xyaa nub mas nwg txhajle yuav rov huv. 29Nub thib yim, nwg cale nqaa ob tug nquab taug lossis ob tug nquab nyeg moog rua tug povthawj hlub ntawm lub qhovrooj kws yuav moog rua huv lub Tsevntaub Sisntsib. 30Tug povthawj hlub yuav tau muab ib tug nquab tua fij dlaws txim hab muab ib tug tua hlawv fij. Qhov kws tug povthawj hlub ua le nuav, yog ua kevcai ntxuav tug quaspuj ntawd kuas huv.
31“Meb yuavtsum ceebtoom rua cov Yixalayees txug puab txuj kev tsi huv, sub puab txhaj tsi ua rua lub Tsevntaub Sisntsib kws nyob huv lub plawv yeej tsi huv. Yog puab ua, tes puab yuav tuag.”
32Tej nuav yog tej kevcai has txug tug txivneej kws mob lug kua paug lossis nwg chaw xis lug kua, 33hab tug quaspuj kws coj khaubdluag lossis tug txivneej kws moog nrug tug quaspuj kws tsi huv pw.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.