Levis Kevcai 14
14
Kev Ntxuav Tomqaab Tej Ruas Zoo
1Tug TSWV has rua Mauxes tas, 2“Ntawm nuav yog txuj kevcai rua tug tuabneeg mob ruas,#14:2: mob ruas Saib ntawm tshooj 13. nub kws nwg ua kevcai ntxuav: Yuavtsum coj nwg moog cuag tug povthawj hlub, #Math 8:4; Malak 1:44; Lukas 5:14; 17:14 3tug povthawj hlub maam coj nwg moog rua nrau ntug yeej hab tshuaj nwg. Yog nwg tej mob zoo lawm, 4tes tug povthawj hlub yuav tau has kuas nwg nqaa ob tug noog caj kws huv, nrug ib dlaim ntoo cab, ib txuj xuv paaj lab, hab ib rev nplooj hixauv nrug nwg tuaj. 5Tug povthawj hlub yuav tau xaaj kuas muab ib tug noog tua rua sau lub taig aav kws ntim cov dlej ntshab kws cug huv haavdlej lug. 6Tes nwg maam muab tug noog kws tseem caj, nrug dlaim ntoo cab, txuj xuv paaj lab, hab rev nplooj hixauv, moog raus rua huv tug noog kws muab tua lawm cov ntshaav huv lub taig. 7Nwg yuavtsum muab cov ntshaav noog coj moog nchus xyaa zag rua tug tuabneeg kws ua kevcai ntxuav nwg tej mob ruas, hab qha has tas nwg yog tug tuabneeg huv lawm. Tomqaab ntawd tug povthawj hlub maamle muab tug noog kws tseem caj tso yaa moog rua tom tajnraag.
8“Tug tuabneeg ntawd yuavtsum muab nwg tej khaubdluag ntxhua, chais nwg cov plaub, hab dlaa dlej, mas nwg txhajle yuav huv. Tomqaab ntawd nwg muaj cai moog tau rua huv lub yeej, tabsis nwg yuavtsum nyob saabnrau ntawm nwg lub tsevntaub xyaa nub. 9Nub thib xyaa nwg yuavtsum rov chais nwg cov plaubhau, fwjtxwv, plaubmuag, hab taagnrho tej plaub kws tuaj thoobplawg nwg lub cev; nwg yuavtsum ntxhua nwg tej rigtsho hab dlaa dlej, mas nwg txhajle yuav huv.
10“Nub thib yim nwg yuavtsum coj ob tug thaav yaaj hab ib tug xyuas yaaj noobnyoog ib xyoos kws tsi muaj ib qhov phem le hab peb kilus moov nplej kws ntse xyaw roj txivntoo, hab ib feem peb ntawm ib liv roj txivntoo tuaj. 11Tug povthawj hlub yuav coj tug tuabneeg ntawd hab cov khoom fij moog rua ntawm lub qhovrooj kws moog rua huv lub Tsevntaub Sisntsib.
12“Tes tug povthawj hlub muab ib tug thaav yaaj nrug cov roj txivntoo coj moog ua khoom fij dlaws txim. Nwg muab cov khoom ntawd coj moog yom fij ua ib yaam khoom tshwjxeeb rua tug TSWV. 13Tug povthawj hlub yuavtsum muab tug thaav yaaj ntawd tua rua ntawm qhov chaw dlawbhuv kws ibtxwm tua tej tsaj fij dlaws txim hab hlawv fij. Nwg yuavtsum ua le nuav, ruaqhov cov khoom fij dlaws kev txhum zoo ib yaam le cov khoom fij dlaws txim, kws puavleej yog tug povthawj hlub tug hab yog yaam kws dlawbhuv heev. 14Tug povthawj hlub yuavtsum muab mivntsiv ntshaav yaaj pleev tug tuabneeg kws tuaj ua kevcai ntxuav ntawd saab taubntseg xis, pleev rua saab taubteg xis, hab saab taubtaws xis, mas txhaj yuav suav tau has tas nwg yog tuabneeg huv lawm. 15Tug povthawj hlub muab cov roj txivntoo laub mivntsiv rua huv nwg lub xibteg saab txhumphem, 16muab nwg tug ntivteg saab xis tub cov roj kws nyob huv nwg lub xibteg saab txhumphem, nchus taabmeeg tug TSWV xyaa zag. 17Nwg yuavtsum muab cov roj huv nwg lub xibteg hab cov ntshaav yaaj coj moog pleev rua tug tuabneeg kws tuaj ua kevcai ntxuav ntawd saab taubntseg xis, pleev rua sab taubteg xis, hab saab taubtaws xis, mas txhaj yuav suav tau has tas nwg yog tuabneeg huv lawm. 18Tug povthawj hlub yuavtsum muab cov roj kws tseem nyob huv nwg lub xibteg coj moog pleev rua sau tug tuabneeg ntawd lub taubhau. Qhov kws nwg ua le nuav yog nwg ua kevcai ntxuav rua tug tuabneeg ntawd kuas huv taabmeeg tug TSWV.
19“Tes tug povthawj hlub yuavtsum muab cov khoom fij dlaws txim coj moog fij hab ua kevcai ntxuav tug tuabneeg ntawd tej kev tsi huv kuas nwg huv. Tomqaab ntawd, tug povthawj hlub yuavtsum muab tug tsaj lug tua hlawv fij 20nrug tej moov nplej rua sau lub thaaj. Tug povthawj hlub yuavtsum ua kevcai ntxuav le nuav, tug tuabneeg ntawd txhajle yuav huv.
21“Yog tug tuabneeg ntawd pluag hab faabpeem tsi tau le los xij, nwg yuavtsum coj ib tug thaav yaaj tuaj rua tug povthawj hlub muab tua yom fij ua ib yaam khoom tshwjxeeb rua tug TSWV dlaws nwg lub txim. Nwg yuavtsum nqaa 1 kilus moov nplej kws ntse xyaw roj txivntoo hab ib feem peb ntawm 1 liv roj txivntoo tuaj ua khoom fij. 22Nwg yuavtsum nqaa ob tug nquab taug lossis ob tug nquab nyeg tuaj, muab ib tug tua fij dlaws txim hab ib tug tua hlawv fij.
23“Nub thib yim nwg yuavtsum coj tej khoom nuav tuaj cob rua tug povthawj hlub ntawm lub qhovrooj kws moog rua huv lub Tsevntaub Sisntsib. 24Tes tug povthawj hlub maamle coj tug yaaj hab cov roj txivntoo moog yom fij ua ib yaam khoom tshwjxeeb rua tug TSWV. 25Tug povthawj hlub muab tug thaav yaaj tua hab muab mivntsiv ntshaav lug pleev tug tuabneeg kws ua kevcai ntxuav ntawd lub taubntseg saab xis, pleev rua tug taubteg saab xis, hab tug taubtaws saab xis. 26Tug povthawj hlub muab mivntsiv roj txivntoo laub rua huv nwg lub xibteg saab txhumphem, 27hab muab nwg tug ntivteg saab xis tub cov roj ntawd moog nchus taabmeeg tug TSWV xyaa zag. 28Tug povthawj hlub muab mivntsiv roj moog pleev rua tuabqhov chaw kws nwg muab cov ntshaav pleev: pleev ntawm saab taubntseg xis, saab taubteg xis, hab saab taubtaws xis. 29Cov roj kws seem huv tug povthawj hlub lub xibteg, nwg yuavtsum muab pleev tug tuabneeg kws ua kevcai ntxuav ntawd lub taubhau hab ua kevcai ntxuav nwg lub txim taabmeeg tug TSWV. 30Tes nwg maamle muab ib tug nquab taug lossis ib tug nquab nyeg fij dlaws txim lawvle tug tuabneeg ntawd muaj, 31muab ib tug tua dlaws txim hab muab dlua ib tug tua hlawv fij nrug cov moov nplej uake, hab tug povthawj hlub ua kevcai ntxuav tug tuabneeg ntawd lub txim kuas huv taabmeeg tug TSWV.”
32Nuav yog txuj kevcai rua tug tuabneeg mob ruas kws faabpeem tsi tau tej khoom moog fij lawvle kevcai ntxuav.
Tuajpwm Huv Tej Tsev
33Tug TSWV has rua Mauxes hab Aloos tas, 34“Thaus mej moog txug huv lub tebchaws Kana-aas kws Kuv muab rua mej ua mej tug, yog Kuv tso tej pwm lug rua huv lub tsev twg kws nyob huv lub tebchaws, 35tes tug tswvtsev yuavtsum moog qha rua tug povthawj hlub has tas, ‘Kuv pum zoole muaj tej pwm tshwm rua huv kuv tsev.’ 36Tes tug povthawj hlub yuavtsum xaaj kuas puab muab txhua yaam khoom huv tsev ntsaig tawm kuas taag uantej nwg moog tshuaj tej pwm ntawd. Yog tsi le ntawd tes txhua yaam khoom kws nyob huv tsev yuav raug suav has tas yog khoom tsi huv. Tes tug povthawj hlub yuav tau moog rua huv lub tsev 37hab moog tshuaj saib qhov tuajpwm ntawd. Yog cov pwm ntawd cale ntsuab dlaaj lossis lab dlaaj lig hab cale moog noj tej phaabntsaa lawm, 38nwg yuavtsum tawm huv lub tsev ntawd moog hab laag qhovrooj ca xyaa nub.
39“Nub thib xyaa nwg maamle rov moog tshuaj lub tsev dlua ntxiv. Yog cov pwm fuam ntxiv tuaj rua ntawm tej phaabntsaa lawm, 40nwg yuavtsum has kuas muab cov pobzeb kws muaj pwm ntawd dlawj moog povtseg rua tej qhov chaw tsi huv saabnrau ntug nroog. 41Tomqaab ntawd nwg yuavtsum has kuas muab taagnrho cov pwm ntawm phaabntsaa saabhuv nruabnrog kes tawm hab muab tej moovsib ntawd coj moog povtseg rua qhov chaw tsi huv saabnrau ntug nroog. 42Tes muab dlua ib cov pobzeb lug hloov rua cov kws tau muab dlawj ntawd lawm, hab muab cov moovsib tshab lug pleev rua cov phaabntsaa ntawd.
43“Yog tej pwm ntawd rov tshwm tuaj tomqaab kws tub tshem cov pobzeb hab tub muab tej moovsib kws pleev lub tsev ntawd kes taag lawm, 44tug povthawj hlub yuav tau rov moog tshuaj hab saib dlua, yog qhov tuajpwm ntawd fuam tuaj dlua, tes lub tsev ntawd yeej tsi huv. 45Yuavtsum muab lub tsev ntawd tsoo povtseg, hab muab tej pobzeb, tej ntoo, hab taagnrho tej moovsib kws xov lub tsev ntawd coj moog povtseg kuas taag rua ntawm qhov chaw tsi huv saabnrau ntug nroog. 46Yog leejtwg moog rua huv lub tsev ntawd thaus kws tub muab laag qhovrooj lawm, tug ntawd yuav tsi huv moog txug thaus tsausntuj. 47Yog leejtwg moog pw lossis moog noj mov huv lub tsev ntawd, nwg yuavtsum muab nwg cev rigtsho coj moog ntxhua.
48“Yog tas, thaus tug povthawj hlub tuaj saib, tomqaab kws pleev tej moovsib tshab taag rua lub tsev ntawd tej qhov tuajpwm tsi rov tuajpwm lawm, tug povthawj hlub yuavtsum qha has tas lub tsev ntawd huv, ruaqhov tej pwm tub pluj taag lawm. 49Nwg yuavtsum coj ob tug noog, ib dlaim ntoo cab, ib txuj xuv lab, hab ib rev nplooj hixauv moog ua kevcai ntxuav lub tsev ntawd. 50Nwg yuavtsum muab ib tug noog tua rua sau lub taig aav kws ntim cov dlej ntshab kws cug huv haavdlej lug. 51Tes nwg muab dlaim ntoo cab, rev nplooj hixauv, txuj xuv lab, hab tug noog kws tseem caj moog raus rua huv tug noog kws muab tua lawm cov ntshaav hab cov dlej ntshab, hab muab nchus xyaa zag rua lub tsev ntawd. 52Qhov kws nwg muab cov ntshaav noog, cov dlej ntshab, tug noog kws tseem caj, dlaim ntoo cab, rev nplooj hixauv, hab txuj xuv lab lug ua le nuav, tub yog nwg ua kevcai ntxuav lub tsev ntawd kuas huv. 53Tes nwg maamle muab tug noog kws tseem caj tso yaa huv lub nroog moog rua tom tajnraag. Nwg yuavtsum ua kevcai ntxuav lub tsev ntawd le nuav, lub tsev txhaj yuav huv.”
54Tej nuav yog kevcai rua tej kaab mob kws yog mob ruas, mob rwj, 55tuajpwm rua ntawm tej rigtsho lossis tej tsev, 56hab o tuaj lossis tawgpleb lossis dlawb tej thaaj. 57Tej kevcai nuav tsuas yog siv qha tej yaam kws huv hab tsi huv xwb.
Àwon tá yàn lọ́wọ́lọ́wọ́ báyìí:
Levis Kevcai 14: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 14
14
Kev Ntxuav Tomqaab Tej Ruas Zoo
1Tug TSWV has rua Mauxes tas, 2“Ntawm nuav yog txuj kevcai rua tug tuabneeg mob ruas,#14:2: mob ruas Saib ntawm tshooj 13. nub kws nwg ua kevcai ntxuav: Yuavtsum coj nwg moog cuag tug povthawj hlub, #Math 8:4; Malak 1:44; Lukas 5:14; 17:14 3tug povthawj hlub maam coj nwg moog rua nrau ntug yeej hab tshuaj nwg. Yog nwg tej mob zoo lawm, 4tes tug povthawj hlub yuav tau has kuas nwg nqaa ob tug noog caj kws huv, nrug ib dlaim ntoo cab, ib txuj xuv paaj lab, hab ib rev nplooj hixauv nrug nwg tuaj. 5Tug povthawj hlub yuav tau xaaj kuas muab ib tug noog tua rua sau lub taig aav kws ntim cov dlej ntshab kws cug huv haavdlej lug. 6Tes nwg maam muab tug noog kws tseem caj, nrug dlaim ntoo cab, txuj xuv paaj lab, hab rev nplooj hixauv, moog raus rua huv tug noog kws muab tua lawm cov ntshaav huv lub taig. 7Nwg yuavtsum muab cov ntshaav noog coj moog nchus xyaa zag rua tug tuabneeg kws ua kevcai ntxuav nwg tej mob ruas, hab qha has tas nwg yog tug tuabneeg huv lawm. Tomqaab ntawd tug povthawj hlub maamle muab tug noog kws tseem caj tso yaa moog rua tom tajnraag.
8“Tug tuabneeg ntawd yuavtsum muab nwg tej khaubdluag ntxhua, chais nwg cov plaub, hab dlaa dlej, mas nwg txhajle yuav huv. Tomqaab ntawd nwg muaj cai moog tau rua huv lub yeej, tabsis nwg yuavtsum nyob saabnrau ntawm nwg lub tsevntaub xyaa nub. 9Nub thib xyaa nwg yuavtsum rov chais nwg cov plaubhau, fwjtxwv, plaubmuag, hab taagnrho tej plaub kws tuaj thoobplawg nwg lub cev; nwg yuavtsum ntxhua nwg tej rigtsho hab dlaa dlej, mas nwg txhajle yuav huv.
10“Nub thib yim nwg yuavtsum coj ob tug thaav yaaj hab ib tug xyuas yaaj noobnyoog ib xyoos kws tsi muaj ib qhov phem le hab peb kilus moov nplej kws ntse xyaw roj txivntoo, hab ib feem peb ntawm ib liv roj txivntoo tuaj. 11Tug povthawj hlub yuav coj tug tuabneeg ntawd hab cov khoom fij moog rua ntawm lub qhovrooj kws moog rua huv lub Tsevntaub Sisntsib.
12“Tes tug povthawj hlub muab ib tug thaav yaaj nrug cov roj txivntoo coj moog ua khoom fij dlaws txim. Nwg muab cov khoom ntawd coj moog yom fij ua ib yaam khoom tshwjxeeb rua tug TSWV. 13Tug povthawj hlub yuavtsum muab tug thaav yaaj ntawd tua rua ntawm qhov chaw dlawbhuv kws ibtxwm tua tej tsaj fij dlaws txim hab hlawv fij. Nwg yuavtsum ua le nuav, ruaqhov cov khoom fij dlaws kev txhum zoo ib yaam le cov khoom fij dlaws txim, kws puavleej yog tug povthawj hlub tug hab yog yaam kws dlawbhuv heev. 14Tug povthawj hlub yuavtsum muab mivntsiv ntshaav yaaj pleev tug tuabneeg kws tuaj ua kevcai ntxuav ntawd saab taubntseg xis, pleev rua saab taubteg xis, hab saab taubtaws xis, mas txhaj yuav suav tau has tas nwg yog tuabneeg huv lawm. 15Tug povthawj hlub muab cov roj txivntoo laub mivntsiv rua huv nwg lub xibteg saab txhumphem, 16muab nwg tug ntivteg saab xis tub cov roj kws nyob huv nwg lub xibteg saab txhumphem, nchus taabmeeg tug TSWV xyaa zag. 17Nwg yuavtsum muab cov roj huv nwg lub xibteg hab cov ntshaav yaaj coj moog pleev rua tug tuabneeg kws tuaj ua kevcai ntxuav ntawd saab taubntseg xis, pleev rua sab taubteg xis, hab saab taubtaws xis, mas txhaj yuav suav tau has tas nwg yog tuabneeg huv lawm. 18Tug povthawj hlub yuavtsum muab cov roj kws tseem nyob huv nwg lub xibteg coj moog pleev rua sau tug tuabneeg ntawd lub taubhau. Qhov kws nwg ua le nuav yog nwg ua kevcai ntxuav rua tug tuabneeg ntawd kuas huv taabmeeg tug TSWV.
19“Tes tug povthawj hlub yuavtsum muab cov khoom fij dlaws txim coj moog fij hab ua kevcai ntxuav tug tuabneeg ntawd tej kev tsi huv kuas nwg huv. Tomqaab ntawd, tug povthawj hlub yuavtsum muab tug tsaj lug tua hlawv fij 20nrug tej moov nplej rua sau lub thaaj. Tug povthawj hlub yuavtsum ua kevcai ntxuav le nuav, tug tuabneeg ntawd txhajle yuav huv.
21“Yog tug tuabneeg ntawd pluag hab faabpeem tsi tau le los xij, nwg yuavtsum coj ib tug thaav yaaj tuaj rua tug povthawj hlub muab tua yom fij ua ib yaam khoom tshwjxeeb rua tug TSWV dlaws nwg lub txim. Nwg yuavtsum nqaa 1 kilus moov nplej kws ntse xyaw roj txivntoo hab ib feem peb ntawm 1 liv roj txivntoo tuaj ua khoom fij. 22Nwg yuavtsum nqaa ob tug nquab taug lossis ob tug nquab nyeg tuaj, muab ib tug tua fij dlaws txim hab ib tug tua hlawv fij.
23“Nub thib yim nwg yuavtsum coj tej khoom nuav tuaj cob rua tug povthawj hlub ntawm lub qhovrooj kws moog rua huv lub Tsevntaub Sisntsib. 24Tes tug povthawj hlub maamle coj tug yaaj hab cov roj txivntoo moog yom fij ua ib yaam khoom tshwjxeeb rua tug TSWV. 25Tug povthawj hlub muab tug thaav yaaj tua hab muab mivntsiv ntshaav lug pleev tug tuabneeg kws ua kevcai ntxuav ntawd lub taubntseg saab xis, pleev rua tug taubteg saab xis, hab tug taubtaws saab xis. 26Tug povthawj hlub muab mivntsiv roj txivntoo laub rua huv nwg lub xibteg saab txhumphem, 27hab muab nwg tug ntivteg saab xis tub cov roj ntawd moog nchus taabmeeg tug TSWV xyaa zag. 28Tug povthawj hlub muab mivntsiv roj moog pleev rua tuabqhov chaw kws nwg muab cov ntshaav pleev: pleev ntawm saab taubntseg xis, saab taubteg xis, hab saab taubtaws xis. 29Cov roj kws seem huv tug povthawj hlub lub xibteg, nwg yuavtsum muab pleev tug tuabneeg kws ua kevcai ntxuav ntawd lub taubhau hab ua kevcai ntxuav nwg lub txim taabmeeg tug TSWV. 30Tes nwg maamle muab ib tug nquab taug lossis ib tug nquab nyeg fij dlaws txim lawvle tug tuabneeg ntawd muaj, 31muab ib tug tua dlaws txim hab muab dlua ib tug tua hlawv fij nrug cov moov nplej uake, hab tug povthawj hlub ua kevcai ntxuav tug tuabneeg ntawd lub txim kuas huv taabmeeg tug TSWV.”
32Nuav yog txuj kevcai rua tug tuabneeg mob ruas kws faabpeem tsi tau tej khoom moog fij lawvle kevcai ntxuav.
Tuajpwm Huv Tej Tsev
33Tug TSWV has rua Mauxes hab Aloos tas, 34“Thaus mej moog txug huv lub tebchaws Kana-aas kws Kuv muab rua mej ua mej tug, yog Kuv tso tej pwm lug rua huv lub tsev twg kws nyob huv lub tebchaws, 35tes tug tswvtsev yuavtsum moog qha rua tug povthawj hlub has tas, ‘Kuv pum zoole muaj tej pwm tshwm rua huv kuv tsev.’ 36Tes tug povthawj hlub yuavtsum xaaj kuas puab muab txhua yaam khoom huv tsev ntsaig tawm kuas taag uantej nwg moog tshuaj tej pwm ntawd. Yog tsi le ntawd tes txhua yaam khoom kws nyob huv tsev yuav raug suav has tas yog khoom tsi huv. Tes tug povthawj hlub yuav tau moog rua huv lub tsev 37hab moog tshuaj saib qhov tuajpwm ntawd. Yog cov pwm ntawd cale ntsuab dlaaj lossis lab dlaaj lig hab cale moog noj tej phaabntsaa lawm, 38nwg yuavtsum tawm huv lub tsev ntawd moog hab laag qhovrooj ca xyaa nub.
39“Nub thib xyaa nwg maamle rov moog tshuaj lub tsev dlua ntxiv. Yog cov pwm fuam ntxiv tuaj rua ntawm tej phaabntsaa lawm, 40nwg yuavtsum has kuas muab cov pobzeb kws muaj pwm ntawd dlawj moog povtseg rua tej qhov chaw tsi huv saabnrau ntug nroog. 41Tomqaab ntawd nwg yuavtsum has kuas muab taagnrho cov pwm ntawm phaabntsaa saabhuv nruabnrog kes tawm hab muab tej moovsib ntawd coj moog povtseg rua qhov chaw tsi huv saabnrau ntug nroog. 42Tes muab dlua ib cov pobzeb lug hloov rua cov kws tau muab dlawj ntawd lawm, hab muab cov moovsib tshab lug pleev rua cov phaabntsaa ntawd.
43“Yog tej pwm ntawd rov tshwm tuaj tomqaab kws tub tshem cov pobzeb hab tub muab tej moovsib kws pleev lub tsev ntawd kes taag lawm, 44tug povthawj hlub yuav tau rov moog tshuaj hab saib dlua, yog qhov tuajpwm ntawd fuam tuaj dlua, tes lub tsev ntawd yeej tsi huv. 45Yuavtsum muab lub tsev ntawd tsoo povtseg, hab muab tej pobzeb, tej ntoo, hab taagnrho tej moovsib kws xov lub tsev ntawd coj moog povtseg kuas taag rua ntawm qhov chaw tsi huv saabnrau ntug nroog. 46Yog leejtwg moog rua huv lub tsev ntawd thaus kws tub muab laag qhovrooj lawm, tug ntawd yuav tsi huv moog txug thaus tsausntuj. 47Yog leejtwg moog pw lossis moog noj mov huv lub tsev ntawd, nwg yuavtsum muab nwg cev rigtsho coj moog ntxhua.
48“Yog tas, thaus tug povthawj hlub tuaj saib, tomqaab kws pleev tej moovsib tshab taag rua lub tsev ntawd tej qhov tuajpwm tsi rov tuajpwm lawm, tug povthawj hlub yuavtsum qha has tas lub tsev ntawd huv, ruaqhov tej pwm tub pluj taag lawm. 49Nwg yuavtsum coj ob tug noog, ib dlaim ntoo cab, ib txuj xuv lab, hab ib rev nplooj hixauv moog ua kevcai ntxuav lub tsev ntawd. 50Nwg yuavtsum muab ib tug noog tua rua sau lub taig aav kws ntim cov dlej ntshab kws cug huv haavdlej lug. 51Tes nwg muab dlaim ntoo cab, rev nplooj hixauv, txuj xuv lab, hab tug noog kws tseem caj moog raus rua huv tug noog kws muab tua lawm cov ntshaav hab cov dlej ntshab, hab muab nchus xyaa zag rua lub tsev ntawd. 52Qhov kws nwg muab cov ntshaav noog, cov dlej ntshab, tug noog kws tseem caj, dlaim ntoo cab, rev nplooj hixauv, hab txuj xuv lab lug ua le nuav, tub yog nwg ua kevcai ntxuav lub tsev ntawd kuas huv. 53Tes nwg maamle muab tug noog kws tseem caj tso yaa huv lub nroog moog rua tom tajnraag. Nwg yuavtsum ua kevcai ntxuav lub tsev ntawd le nuav, lub tsev txhaj yuav huv.”
54Tej nuav yog kevcai rua tej kaab mob kws yog mob ruas, mob rwj, 55tuajpwm rua ntawm tej rigtsho lossis tej tsev, 56hab o tuaj lossis tawgpleb lossis dlawb tej thaaj. 57Tej kevcai nuav tsuas yog siv qha tej yaam kws huv hab tsi huv xwb.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.