Àwọn Ẹsẹ Bíbélì Tí Ọ̀pọ̀ Èèyàn Mọ Ndumba 14

Pín

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

An ni Ma didina! An ni ma nga ni mbut ayîna atogo d’uo na, an ni ma djivi manda kal teglesâ, an ni ma nga ni vat hurun ndei yam tchilad’a ki murud’umba hi sumid’a, wani an ni ma nga ni ar sama le tchod’a bei ka sariyad’a kam mbuo na, an ni ma ngop grod’a yam tchod’a habuyod’a gak kur atchogoi d’a hindid’a ki d’a fid’id’ina mi.

Le Ma didina mi wei hohoweya ni, mi mba kalei kur ambas ndata, mba mi heizi mi. Ambas ndata nambas sa ambira ki mbul ayuma a nga sor kä kuad’a.

Wani azong mana Kalep ma nga oîd’a ki muzuk ma dingâ ma nga mi tit yam zla mandina, an mba ni kalam yam ambas sa mam d’uta, andjavam mba mi tat djona mi.

Agi dazi ala: Ma didina mi dala: Gagazi, an ni Ma bei matna, an mba ni lagi d’igi agi guruyôgi human na.

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

Ablau suma Israel-lâ pet a nde gureî yam Moise azi ki Aron, a dazi ala: Ami bomiza adjï navo Ezipte ni hotei, d’oze bomi nabagei hur fulâ ka hî pî ni hotei mi!

Josue Nun goroma ki Kalep Jefune goroma suma aduk suma a i d’uï ambasina, a haû baru mazina woyo, a de mablau Israel-lâ ala: Ambas sa ami tid’imi kat á d’ud’id’a nambas sa djivi d’a kal papad’a.

Wani gagazi, an ni Ma bei matna, subur manda mba d’i oî yam andagad’a pet mi. Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na, sum ndazina pet a mba wambas sa an gun tan kat mabuyozi ngolo á hazizid’a d’i. Azi pet suma a golon isâ a mba wat ti.