Àwọn Ẹsẹ Bíbélì Tí Ọ̀pọ̀ Èèyàn Mọ Ebl 11

Pín

Pɔɔtɛtɛ ‑glɩ ‑awobhaa nclɔɔ ‑ka 'lɛ le ɩmɩa ɔ 'tɛlɩ 'lɛ pɔlɛ 'kʋ na, ɔ -kɩɩ tooto na. Ɛ ‑glɩ lʋʋa -ʋ gba 'lɛ 'nyɩ nclɔɔ cibhlili 'lɛ lɩɩa ɔla 'ci 'ta 'lɛ ‑jlɛ na. Ɛmɛ ‑ɛ gba 'lɛ 'nyɩ ‑godogodoncɛlɩa ya 'lɛ Laagɔ 'tʋpla.

'Nyɩ nclɔɔ cɩ 'ta Laagɔ 'tʋpla, ɩ ‑ka ‑kʋ lebhe ɔ 'ta pɔɔtɛtɛ ‑ka na. ‑Masa, ɔmɔa ‑ɔ mɛ 'lɛ Laagɔ cɩ na, ɩ ‑fata lebhe ɔ kalɩ pɔɔtɛtɛ lebhe Laagɔ ‑kʋ, 'nyɩ ɔ plʋ maa ‑ɔ 'matɩɔ 'lɛ na dlu.

Pɔɔtɛtɛ ‑a ‑ka 'lɛ dɛ ‑a cibhlili 'lɛ lebhe Laagɔ 'la wɔɔnyɩtʋa ʋmʋ ‑ʋ nʋ 'lɛ ‑tɛtɛa 'fɩan. Ɩ pala lebhe lɩɩa ma ‑jlɛ 'lɛ na, ɩ 'wlʋlʋ lɩɩa ma 'ta 'lɛ ‑jlɛ na nɩkplaan.

Pɔɔtɛtɛ Ablaamʋ ‑kaa 'lɛ, dɛ ɔ ya 'lɛ Laagɔ 'la lalɩɛa neenŋonu, ɔ yɔɔ 'lɛ zʋ, 'nyɩ ɔ ya 'lɛ 'plɩ ɔ ya 'lɛ 'bhlɩ bhlo, ɔ cɩ 'kaa 'lɛ ‑aja 'kʋ lili na, 'kʋ mʋ. Ɔ ya mʋ, ‑ma ɔ 'taa daa 'titia ɔ mʋa 'lɛ na ‑ci. Pɔɔtɛtɛ ɔ ‑kaa 'lɛ, dɛ ɔ ya 'lɛ ‑dʋdʋa Laagɔ talɩa 'mɔɔ 'lɛ ‑ndanyɩ 'kʋ na, 'kʋ sakʋkan mʋ, lowlunyɔ 'bhisa, 'nyɩ ɔ ‑kʋa 'lɛ ‑paaplu ‑zɔn. 'Sɛtɛɛ bhlogbɩɩ ɩ 'plɩ 'lɛ Izakɩ ɩya Zakɔpʋ ‑ma, ‑ɔyɔɔsɔ 'wlalɩ 'lɛ ‑ndanyɩa 'kʋ na 'la gbazɔ.

Pɔɔtɛtɛ Nowee ‑kaa 'lɛ, dɛ daa Laagɔ zʋɔ 'lɛ flɩɩn 'nyɩ ɔ palɔɔ ɩmɩa ncɛlɩ 'la 'ci 'ta ka kaa 'lɛ ‑jlɛ na, ɔ ya 'lɛ Laagɔ wɔɔnyɩtʋa ɔla 'ciin 'la wɔlɩ la, 'nyɩ ɔ ya 'lɛ gɔlʋ tɛlɩ le ɔ 'kaa ɔla 'lɔlʋa gbʋʋnsa. ‑Sa ɔ ‑salɩ 'lɛ ‑laagɔzɔan 'ge, 'nyɩ ɔ ya 'lɛ 'kʋnylugolulɩɛa ma 'lɩlɩ 'lɛ pɔɔtɛtɛ nɩkplaan na ‑aja 'kʋ lili.

Pɔɔtɛtɛ Enɔkʋ ‑kaa 'lɛ, dɛ Laagɔ ‑sɔɔ 'lɛ ‑laagɔzɔan le ɔ 'la ka 'ku, 'nyɩ ma 'tanɩɔ 'lɛ 'lɩ, ‑ofi lebhe Laagɔ yaa 'mɔɔ ‑laagɔzɔan ‑sa. ‑Ma 'fɩɔn ɔ 'kɔɔ 'lɛ ‑laagɔzɔan ‑sa na, Laagɔ yaa ɔla ‑danʋfʋɛ li lebhe ɔ yɔɔ 'tʋpla.

Pɔɔtɛtɛ Abɛlɩ ‑kaa 'lɛ dɛ ɔ ya 'lɛ ‑teyiyilʋʋa ‑ʋ zi 'lɛ Kayɛɛn 'nʋa 'kʋ na Laagɔ va. Ɛmɛ ‑ɛ gba 'lɛ 'nyɩ Laagɔ ya 'lɛ ɔla ‑danʋfʋɛ li lebhe ɔ ‑glɩ 'kʋnylugolunyɔ 'nyɩ ɔla ‑teyiyilʋʋa yɔɔ 'lɛ 'tʋpla. Abɛlɩ ya 'ku 'bhlɩɩ, ‑ma ɛmɛ gba 'lɛ 'nyɩ ɔ nyɩtɛ ka ‑azla 'lɛ.

Pɔɔtɛtɛ Salaa ‑kaa 'lɛ, dɛ ɔmɔ ‑ma, ɔla kplɩɩplapla -nanɔa ya 'lɛ mino 'nyɩ ɔ ya 'lɛ valɩnɩkpla 'lɩ, ‑ofi lebhe ɔ ‑cia sɛɛ lebhe ma cɩ ‑ndanyɩa 'la tanyɔa ‑delikʋtɛbhalɩ.

Sa ɔ ‑bɛa 'dua ʋla ‑gbidia ya 'lɛ 'nanɩ ‑gluu ‑zʋɔ, 'nyɩ Laagɔ 'titi ‑glɩ 'lɛ ʋla bunyɔ ɩya ʋla 'slanyɔ na.

Pɔɔtɛtɛ Moyizi ‑kaa 'lɛ, dɛ daa ɔ ‑glɛɛ 'lɛ na, ɔ 'tanɩ 'lɛ wabha lebhe ma laanɩa 'mɔɔ Ejibhitibhlɩa 'la ‑kwletoa ‑nyɔŋlɔa 'la 'cʋ. Ɔ ya ŋonu le ɔ 'ka 'lɛ liowli ‑zlʋsaasa nɩkplaan nyinyi 'la pɔlɛkʋmɛnɔ li na, ‑afalɩma 'naa ma ‑sa ɔya Laagɔ 'la 'lɔlʋa gbaylɩ. Ɔ ya 'lɩ lebhe Klisi 'la sʋkpʋɛa ‑glɩ 'bhɛlɩa ‑ɩ zi 'lɛ Ejibhitibhlɩa 'kʋ 'la gbakabhalɩɩa 'kʋ na, sa ɔla 'cia ‑kʋa dluuplʋlɩɛ 'kʋ. Pɔɔtɛtɛ ɔ ‑kaa 'lɛ, dɛ ɔ 'ta 'lɛ nyɩbhɛlʋa 'la dɔgbɛa 'gulu, 'nyɩ ɔ ya 'lɛ Ejibhitibhlɩa 'kʋ 'wlʋ. Ɔ ya kpaan 'nylugo le nclɔɔa ‑ɔ ‑jlɛ 'lɛ ɔmɔa maa 'lɩ 'ta 'lɛ na.

Pɔɔtɛtɛ Ablaamʋ ‑kaa 'lɛ, dɛ daa Laagɔ clɔɔ 'lɛ nɩkplaan na, ɔ ya 'lɛ Izakɩ ‑sa. Ɔla 'cʋa bhlogbɩɩa ɔ ‑kaa 'lɛ na, ɔmɔ ɔ ‑saa 'lɛ, 'bhlɩmɔɔn, Laagɔ yaa 'mɔɔ tooto ‑ndanyɩ ta

Pɔɔtɛtɛ ‑badaagluliŋlɔa ma laa 'lɛ Ghlaabʋ na ‑kaa 'lɛ, dɛ ɔya Laagɔ 'la gbatlɩmʋnʋnyaa 'ta 'lɛ nebhlo 'kulu, sa ɔ yaa ncɛlɩa ‑ɔ mʋa 'lɛ 'dua dɩdɛkan na 'nanɩ kla na.

Pɔɔtɛtɛ Izlayɛlɩnyaa ‑kaa 'lɛ, dɛ ma 'tɔ 'lɛ ‑gezalɛa, le saa ma 'plɩlɩa 'lɛ ‑dʋdʋsʋsʋɛ 'kʋ na, 'nyɩ daa Ejibhitinyaa mʋ 'lɛ maa dɩbalɩkan na, maa 'fɩan ya 'lɛ gea nɩkplaan ‑gbɩɔlʋ.

Pɔɔtɛtɛ Izlayɛlɩnyaa ‑kaa 'lɛ, dɛ daa ma bi 'lɛ Zelikoodua 'la ‑gbidia ‑aan clɩɩ ‑ngbɔɔsɔ na, ɩ ya 'lɛ bhli.

Pɔɔtɛtɛ ɔ ‑kaa 'lɛ, dɛ ɔ gba 'lɛ ma ya geyliinwlʋfɛtlɩa* li, 'nyɩ ma ya 'lɛ mla 'la ‑dolu gbinia 'kʋ 'moni, le danyumonyɔa 'la ka Izlayɛlɩnyaa 'la ‑bɛka -ciŋodicuoa 'bhla.

Pɔɔtɛtɛ Zozɛfʋ ‑kaa 'lɛ, dɛ daa ɔla 'kuda mɛanɩa 'lɛ cɩ na, ɔ ya 'lɛ Izlayɛlɩnyaa* 'la Ejibhitibhlɩa 'kʋ la 'wlʋwɔlɩa nyɩtɛ 'nyɩ ɔ ya 'lɛ maa saa ma cɩ 'kaa 'lɛ ɔla 'kɔa nʋnʋnʋ na ɩla wɔlɩa solu.

Pɔɔtɛtɛ Zakɔpʋ ‑kaa 'lɛ, dɛ daa ɔ 'kaanɩa 'lɛ 'ku na, ɔ ya 'lɛ Zozɛfʋ 'la 'cuoa, nclɔɔ nclɔɔ 'nyupalɩ, 'nyɩ ɔ ya 'lɛ ɔla ‑kpamaa 'kʋ 'wlusagɩ 'nyɩ ɔ ya 'lɛ Laagɔ gʋgwla.

Pɔɔtɛtɛ Izakɩ ‑kaa 'lɛ, dɛ ɔ palɩ Zakɔpʋ ɩya Esayuu 'nyu, wɔlɩa ‑ɩ ‑bɛlɩa 'lɛ maa 'kʋklʋʋn na ɩla gbʋ.