Àwọn Ẹsẹ Bíbélì Tí Ọ̀pọ̀ Èèyàn Mọ Kuitīr Ngāi Sinthō 1

Pín

Tenchu Rathā Ānthiang na chung una a hong le ranak man u'n na ti. Hatuka Zerusalem khopui, Zudāi ram le Samari ram pumpuia le ramuol kōlkil ei hek tenpei ka chong ariatpū chang u'n na ti,” a tī na.

Amā'n a kōm u na: “Pā'n ahun le anikhuo chu ama a ningneina le ei zēk kēng, nangni ngāi riat ranga anphal ni mak.

Hatuka amāni bila ankhōm lāi han, amā'n chong a pēk a, Zerusalem khopui āmāk nōk ranga, tenchu Pā chongtin chu alei ngāk ranga, “hava chu,” amā'n, “Ka kōm ātā nei riat u ha. Asik chu Zohan-in tīna baptisma a pēk chachak a, tenchu atun ātā nikhuo sōtluitēna nangni chu Rathā Ānthianga baptisma anpēka om u na ti,” a tī na.

Antakna a tiar suona amāni ngāi kōma a ninga anlang a. Ariattheina andangna ātampā le han amāni kōma adama anlang a. Ni 40 amāni kōma anlanga Pathian ram rui chu a la ril tir a.

Amā'n hiva chong ngāi a ril suole han a en susūng una anvāna a kal a, amāni mit varāla ansūmin a hong khum a.

Ama a kal lāi han chungvān tiang a en chian u na, hatuka entā, pasal anni puon ngui ansila a kōla ānding u na. Amānī'n: “O Galili mi ngāi, ichang mo chungvān tiang atanga nei ānding chian u? Hiva Isuo ngēt hi na kōm u nātā anvāna Pathianin ei lāk ha la hong kīr rēt in ti. Anvāna akala nei mu u anga hin ama chu la hong rēt in ti,” a ti u na.