Àwọn Ẹsẹ Bíbélì Tí Ọ̀pọ̀ Èèyàn Mọ युहन्‌ना 2

Pín

ईसु गलील ना काना ह़ेर मे पेली कावा जुदा-काम नी सेलाणी देखाड़ीन आह़फा नी बड़ाय देखाड़्‌यो। अने आहयु देखीन ईसु ना चेला भरहो कर्‌या।

ईसु आह़फा नी आह्‌य ने केदो, “ए बाय मारी ह़ाते तारु ह़ु काम से? हमणे मारी टेम नी आयी।”

ईसु पावर्‌या ने केदो, “गोळा मे पाणी भर देवो।” अने तीहया गोळा मे उबरायतु पाणी भर देदा। ईसु तीमने केदो, “हाव थोड़ुक पाणी काडीन वेवा करन्‌या डायलान्‌तां ली जावो” अने चाकर्‌या डायलान तां ली ज्‌या।

ईसु तीमने जपाप आप्‌यो, “आहया मंदीर ने ओदार देवो, अने मे आने तीन दाड़ा मे बांद देही।”

अने तीहयो दोड़ा नो ह़ड़को बणावीन आखा गाडरा अने बोळद्‌या ने मंदीर मे गेथा बारा नीकाळ देदो, अने पय्‌हा ने खोळ्‌वी देदो, अने टेबल्‌या ने उथलाय देदो। अने पारवा वेचवा वाळा ने केदो, “ईमने आञे गेथा ली जावो। मारा बाह ना घोर ने हाट नु घोर ना बणावो।”