Àwọn Ẹsẹ Bíbélì Tí Ọ̀pọ̀ Èèyàn Mọ ނެރުއްވުން 13

Pín

މާތްރަސްކަލާނގެ އެމީހުންގެ ކުރީގައި ވޮޑިގެންވިއެވެ. ދުވާލުގެ ވަގުތުގައި އެމީހުންނަށް އެކަލާނގެ މަގު ދެއްކެވީ ވިލާގެ ތަނބަކުންނެވެ. ރޭގަނޑުގެ ވަގުތުގައި މަގު ދެއްކެވީ އަލިފާނުގެ ތަނބަކުންނެވެ. މިގޮތުން އެމީހުންނަށް ރެއާއި ދުވާލު ދަތުރު ކުރެވޭނެ މަގު ތަނަވަސް ކޮށްދެއްވިއެވެ. އެމީހުންގެ ކުރިމަތީގައި ހުރި ވިލާގެ ތަނބާއި އަލިފާނުގެ ތަނބު އެކަލާނގެ އެހުރިހާ އިރަކު އެމީހުންގެ ކުރިމަތީގައި އެގޮތުގައި ބެހެއްޓެވިއެވެ.

އިސްރާއީލީން ދިއުމުގެ ހުއްދަ ފިރުޢައުނު ރަސްގެފާނު ދެއްވުމުން މާތްކަލާނގެ އެމީހުންނަށް ދެއްކެވި މަގަކީ ފިލިސްޠިއްޔާގެ ސަރަހައްދު ތެރޭން ދާން އޮންނަ މަގެއް ނޫނެވެ. މިއީ ވަޢުދުކުރެއްވި ބިމާ އެންމެ ކައިރި އެންމެ ކުރު މަގު ކަމުގައި ވިޔަސް ވެސް މެއެވެ. މާތްކަލާނގެ ވަޙީ ކުރެއްވިއެވެ. ”⁠އެމީހުންނާ ހަނގުރާމައެއް ކުރިމަތި ވެއްޖެއްޔާ އެމީހުން އަނބުރާލާފައި މިޞްރަށް ހިނގައިދާނެ.⁠“

މިހެން ވަޙީކުރައްވާފައި މާތްކަލާނގެ އެމީހުން ގެންދެވީ ވަށާލައިގެން ހަނަފަސް ސަހަރާގެ ތެރޭން ރަތް ކަނޑާ ދިމާއަށެވެ. އެމީހުން މިޞްރުން ނުކުމެގެން ދިޔައީ ހަނގުރާމައަކަށް ދާ ލަޝްކަރެއް ފަދައިންނެވެ.