Àwọn Ẹsẹ Bíbélì Tí Ọ̀pọ̀ Èèyàn Mọ ꞌLuuka 5

Pín

Ma baa ẽdẽcaak thõõth, uduhaak ꞌcĩ ĩĩn ꞌThimõõnẽ ĩĩnnĩk, “Bĩtĩ haahũl ngaatĩ uuthiki bũlũca nẽ udhuheehu nyelelewwaꞌnya maamĩtõõ, hátĩ ꞌgaam ulugo.”

Ẽdẽcĩ hinnia ꞌThimõõnẽ aĩ, “Makayyioohit, hĩttĩmatta aabaal haal, nẽ hiꞌthihi ꞌgii ꞌcĩ haggamma. Nẽẽthĩ, hĩcĩ aduha nii ho, ĩꞌnya mĩĩ nẽẽ hajanẽẽhĩ naa noho.” Ma baa adhuheek nẽẽg nyelelewwaꞌnya bũlũcatõõ ho, aggam hinnia ulugo ꞌcĩg mẽẽlĩg ꞌrĩng hiꞌthiattaaĩ herreecci nyelelewwaꞌnya.

Nẽẽthĩ, baa gõõng õkõ Yeesu ꞌgoolliohĩĩ ũgẽẽgĩ ĩĩcĩg aayyi ẽmmẽn nẽ alaõ.

Baa hõllõngaa hakuu naa, hĩnĩngĩtĩ eet ꞌcĩg abũnnaa. Hakuu naa hikia hẽẽla ꞌthẽccanniook hũtũngteek ꞌthẽccanẽẽt cĩggĩĩng.”

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

Nẽ ẽdẽc Yeesu ĩhõõggõ ĩĩnnĩk, “Hõllõngaa eet ꞌcĩ abũnnaa ꞌcĩ adiim akĩĩm, nẽẽthĩ, eet ꞌcĩ õmmõõrĩ ꞌcĩ adiim ĩnõõnnõ.

Nĩngĩtĩ agurraaki nẽẽg haahũlĩt cĩggĩĩng ko dẽmẽtaa cĩ bũlũcõ nẽ ũtũngteek ꞌgii vẽlẽk nĩngaata, nĩngĩtĩ anũĩ Yeesu.

Ma baa nga aaĩ Yeesu ꞌtaaũna, uppwaanna eet umwaa ꞌcĩ adak helleggeri. Ma adtuuha ẽẽtĩ nicciee Yeesu ho, ẽttẽẽd looc muumaa cĩnnĩ nẽ ala ĩnõõnnõ ĩĩnnĩk, “Makayyioohit, má atabi, aaꞌnyaa hũbũna.” Nĩngĩtĩ ahumi Yeesu ĩnõõnnõ nẽ ĩĩnnĩk, “Hatabbii, bũna!” Ma hĩdĩĩkoothong, iꞌnginõõthĩ helleggeri.

Baa aalla ĩꞌthanothoothĩk nyeemuut cĩ Yeesu ho lõkõrẽẽt vẽlẽk noho. Nĩngĩtĩ au athĩknĩ eeta ĩnõõnnõ nẽ aaꞌnyĩk ꞌcĩg õmmõõrĩ hũbũttaathõ mooriꞌthioohĩĩ cĩggĩĩng.