Iivesi zeBhayibhile ezithandwayo ezisuka ᐊᒃᓱᑕᔅ 6

Yabelana

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᒋᑭ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮

ᒋᑭ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ” ᐃᔅᐱ ᒧᓱᔅ ᑲ ᐎᑎᒧᐛᑦ ᐃᔅᕋᐃᓪ ᐃᔪᐛ ᑎᐸᔨᒋᒐᓱᐛ ᑲ ᐃᔅᒋᔄᔨᒋ, ᓇᒪ ᐅᒋ ᐎ ᑕᑈᑐᐛᐅᒡ ᐛᔅ ᓴᔅ ᓇᔅᒡ ᒋ ᐱᒋᑕᐃᒧᐅᒡ ᑭᔭ ᒋ ᐱᐛᔨᒪᑭᓄᐎᒡ᙮

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᑭ ᐛᐱᒪᐤ ᒐ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”