Pa Dios Tasinôijoom Nôqueesh (NVKcag)

Niwaklé [Nivaclé (Paraguay)]

Đọc bản này: Pa Dios Tasinôijoom Nôqueesh

NAVA DIOS LHASINÔC

(LA BIBLIA)

Lhanquey Dios Lhasinôc ti chiyamjatvatsham nava chiyi'sesh'e ti yi'shi' pa lhjunash japi judíos shi' pa lhíanishlhavach japi cristianosesh ti chiyashjateshchisham pa lhanfanash. Na ya'clish Biblia tôlhshaam ja griego lhcliish biblía ti aclôja biblíon, nôque yich'e' "vatqu'isjayanach". Nava Dios Lhasinôc lhech yie'vatam. Nava Dios Lhasinôc ti yitôôysha japi cristianosesh ti chiyu'vatsham nava napu usshaam t'iyasesh, lhanqueyesh na Apis shi' na Nich'a Vatfacjes. Nava Dios Lhasinôc (La Biblia) ti yitôôysha japi judíos na Apis Vatfacleech.

Nava Dios Lhasinôc pa lhjunashelhvach pa Dios pa nivacle. Tôlhshaam lha lhech pa Dios ti vatvanjiyinesh shi' ti yitôyjateshlhavne pava yen shi' pa lhfanishesh ti yachajlhavne. Yi'shi' ti chichayeshch'e pa vatnilhjenjayash. Nôclishem pa t'unaj pa Dios ti yasinôquiesh pa nivacle. Côque chiyvanesh pa lhjunash papi lhtachifas Israel lhavos. Ti nôclitem pa Dios papi nivacle ti tcajôyshiyanesh pa lh'Espíritu Santo. Papi lhavosesh ti yi'sesh'e nava Dios Lhsinôc t'ajuya pa lhcliish ti yasinôqui papi yitsôt'ajesh lhchifas papin yivoyjateshemch'e na ya'aclish pan t'aplhuqu'e papi lhech ti yi'sesh'e.

Pa lhe'naa nava vatqu'isjayajanjasesh nava Dios Lhasinôc ti chiyisclanvatich'e na Apis Vatfacleech vatjutsa' ti chiyi'sesh'e pa hebreo lhcliish shi' pa arameo lhcliish, shi' nava yi'shi' na Nich'a Vatfacleech y'shi' pa griego lhcliish. Pa tôlhshaamjop pava lhech ya'clishay ti chinclaneshisha'ne hava apis shi' java nich'acch'e chinôyôjqu'esha'ne yiey na cotsjaat.

Na lheyisvatc'oya papi lhavosesh ti yi'sesh'e nava natqu'isjayanjasesh nava Dios Lhasinôc ti yicheshch'e java acloj nincôpes (yash'apee ti mil nincôpes). Lhavaatsha tach'anch'e nava chitasinôyesh'in shi' nava chiyi'sesh'ejop'in. Nava Dios Lhasinôc yi'shi' nava chivôntôyich'e nava lhanfanash nava vat'ajayeshjop, shi' nava nalhjunashvatc'oya vat'acjay, ti chinfacleshch'e shi' ti chinôclitch'e nava chiychayjulh. Caajshi shta nava lhech nava chiyasinôquiesh vaclan, shi' nava chayeshchc'e t'ajuya nava chiyovalheyjop. Lhjunashjulh shta ti yi'shi' nava vatyôjijates t'ajuya pa vatmônlhajayash, ti chiytsôôtjateshi pa vatôclôjqueyash, t'ajuya shta ti chivanca fayjatesh pa is vatjunash. Yi'shi' shta nava vatcajôyshivos shi' nava chivancacajôyshiyanesh. Vooy na Nich'a Vatfacleech yi'shi' nav'elh vatqu'isjayanjasjop papi iglesiaesh, pa lhpôc'ôcshamsha'ne, shi' papi vi'sesh ts'ivee.

Nava Dios Lhsinôc chiyashjateshc'oya java yie' na cotsjaat, na lhech vatqu'isjayanach ampa ca chinjônjulh. Chicaatjatesh ti ve'lha pa lhjunash ti tô'lha pa Dios, ti tôlhshaam nava chiyasinôquiesh na lhech ve'lha vatqu'isjayanach, shi' ti Yivo'yeshch'e. Pa lhjunasheshch'ejulh japi judíos shi' japi cristianos pan t'aplhueshch'e pava nincôpes ti yipe'yashi nava lhech pa ti'ôjôj pa Dios, ti vatsôôtjatesh ti tasinôy'in yiey pan t'aplhuqu'e'in shi' pa lhjunashem lhavaatsha. Na lhfaclech'em ti tanôcliteshem pa t'unaj pa nilhjunasheemjulh ca nivaych'aclaj pa lhamônlhjayash pa nivacle. Pa lhe'naa ti yaash papi yitôychatesha pa t'unaj ti ninach'anatshem ti yijuteu, ti chinfacleshch'e yiey na cotsjaat. Ti chiyasinôquiesch nava Dios Lhasinôc ti Lhclishay pa Dios. 

Nhà phát hành

Sociedad Bíblica Paraguaya

Các bản dịch khác từ nhà phát hành này

Biblia EnxetEnhlit BiblePa Dios Tasinôijoom NôqueeshTûpâ Ñandeyára 1913Ñandejára Ñe’ẽÑandeyara Ñe'ẽ

Các bản dịch hiện có

Tổng số bản dịch:2,001
Tổng số ngôn ngữ:1,357

Tùy chỉnh Kinh Thánh của bạn

Tô màu hoặc đánh dấu các câu yêu thích, tạo hình ảnh câu Kinh Thánh mà bạn có thể chia sẻ, và tạo ghi chú công cộng hoặc ghi chú riêng tư cho các phân đoạn.

Tạo tài khoản miễn phí

Các kế hoạch đọc và tĩnh nguyện miễn phí

Các kế hoạch đọc Kinh Thánh giúp bạn tương giao với Lời Chúa mỗi ngày.

Tra tìm toàn bộ kế hoạch

Tải Ứng dụng Kinh Thánh miễn phí

Hàng chục triệu người đang sử dụng App Kinh Thánh để Lời Chúa trở thành một phần trong cuộc sống hằng ngày của họ. Hãy tải ứng dụng miễn phí và truy cập các đánh dấu, ghi chú, và kế hoạch đọc Kinh Thánh của bạn từ bất cứ nơi đâu. Chọn lựa từ hàng trăm bản dịch, bao gồm Kinh Thánh phát thanh, tất cả chỉ trong thiết bị di động của bạn!