पेरेरित 9
9
साउलक जिबन बदल्ल
(पेरेरित २२:६-१६; २६:१२-१८)
1उजुमा तलिक साउलले प्रभु येसुक चेलासिका मार्लाहार धम्कि देति छले। ओहेस उ सभेस बर्कि पुजारिलग गेले, 2आ प्रभुक पैराम हिंठ्लाहार सभे जनि आ मरदसिका पक्रिक येरुसलेमम आन लागि अधिकार पाउँ कहिक दमस्कसम भेल सभाघरक हाकिमक लागि एगो चिठि निखि दे कहिक बिन्ति करल्के।
3जब साउल दमस्कस सहरक लगम पुग्ले त अन्चक्एम सोर्गस एक्दम चहकिलो इजोत ओक्र चारोभर चम्कले। 4अनि उ जमिनम ढल्ले आ एना कहिक कहल एगो अबाज सुनल्के, “साउल, ए साउल, तुइं किर हम्रा सताइ छ?”
5तब साउलले पुछल्के, “हे प्रभु, तुइं कोन स्या?”
प्रभुले कहल्के, “हम येसु स्यो, जक्रा तुइं सताइति स्या।
6“तर आब् तुइं उठिक सहरम जो आ ओइलग तोरा कर पर्लाहार कामक बारेम कहल जेतो।”
7साउलसङ गेल्हार मानुकस्या अबाज त सुनल्के तर कक्राहु नाइ देख्ल कारनस अक न बक भइक ठेर्याइल छले। 8तब साउल जमिनस उठ्ले आ आँख खुजालल्के त ओइले कथ्यो देख नाइ सकल्के। ओहेस ओक्र सङस्या हाथ पक्रिक ओक्रा दमस्कस सहर लगाइल्के। 9अनि उ तिन दिन् तलिक अन्धा भेले आ न त खनाइ खेल्के न त पानि पिल्के।
10उजुमा दमस्कस सहरम हननिया कहलाहार एक जना बिस्वासि छले। ओक्रा प्रभुले दर्सन दैक एनामे कहल्के, “ए हननिया।”
हननियाले उत्तर देल्के, “कथि कहछ प्रभु।”
11तब प्रभुले ओक्रा कहल्के, “तुइं उठिक सिधा कहलाहार गल्लिम जो आ ओइलग यहुदाक घरम टार्सस सहरक साउल कहलाहार मानुकका खोज् किरकि ओइले पर्थना कर्ति छो। 12ओइले दर्सनम हननिया कहलाहार एक जना मानुकका भित्रि आइल आ ओक्र आँख फेरि देख सक्लाहार हउस कहिक आप्न उप्रिम हाथ राख्ल देख्ल छो।”
13तर हननियाले कहल्के, “प्रभु, हम थुप्रे मान्खस एक्र बारेम यि सुन्ल स्यो कि अइले यरुसलेमक तोर मानुकसिका थुप्रे सताइल छो कहिक। 14एहोलग तोर ना पुकार्लाहार सभेका पक्र लागि सभेस बर्कि पुजारिस अधिकार पाइक आइल छो।”
15तर प्रभुले हननियाका कहल्के, “तोरा जाइ पर्तो किरकि दस्रो जातक मानुकसिका, ओकर्सिक रजासिका आ इस्राएलक मानुकसिका हम्र नामक पर्चार कर लागि ओक्रा हम चुन्ल स्यो। 16ओइले हम्र लागि कतेक दुख भोग पर्तो कहिक हम ओक्रा देखाइबो।”
17तब हननिया गेले आ यहुदाक घरम ढुकिक साउलक उप्रिम आप्न हाथ राखिक एनामे कहल्के, “ए साउल भाइ, तुइं एत आब्त खुमा जुन प्रभु येसु तोरलग पैराम देखा पर्लो, ओहेले हम्रा तोरलग पठाइल स्यो, ताकि तुइं फेरि देख सक्लाहार हो आ पबित्र आत्माक सक्तिस भरपुर हो।” 18हननियाले एतेक कहति बितिन साउलक आँखस माछक कत्ला जक्या खस्ले अनि ओइले फेरि देख लग्ले। तब उ उठ्ले आ बप्तिस्मा लेल्के। 19अनि ओइले खनाइ खेल्के त ओक्रा तागत एले।
साउलले दमस्कसम पर्चार कर्ल
पछास भले दिन् तलिक साउल दमस्कस सहरम भेल बिस्वासिसिसङ रहले।
20अनि ओइले अबेर नाइ करिक “येसु पर्मेसोरक बेटा स्यो” कहिक सभाघरम जाइक पर्चार कर लग्ले।
21ओक्र बात सुन्लाहार सभे जना छक परिक एनामे कह लग्ले, “यरुसलेमम येसुक ना लेल्हार्सिका नास कर खोज्लाहार मानुक एहे नाइ स्यो झन्? अनि एहोलग ओक्र ना लेल्हार्सिका पक्रिक मुल पुजारिसिलग लगाब आइल एहे नाइ स्यो झन?”
22तर साउल झन-झन सक्तिसालि हब्ति गेले आ येसुवे खिरिस्ट स्यो कहिक ठोस पर्मानसब दैक दमस्कसक यहुदिसिक मुहे बन् करि दिएक।
23एनाहिमे थुप्रे दिन् बित्ले त यहुदिस्या साउलका मार लागि योजना बनाइल्के।#२ कोरन्थि ११:३२-३३ 24तर ओकर्सिक योजना साउलका थाहा भेले। यहुदिस्या साउलका मार लागि दिन-रात दमस्कस सहरक मुह्राम घुस्रिक रहत छले। 25ओहेस एक दिन् रात पर्ले त ओइलगक बिस्वासिस्या साउलका धकियाम बेठाइक देबालम भेल बर्कि बिल्लिस रसे-रसे झारिक बाहार भगाइ देल्के।
साउल यरुसलेम सहर गेल
26जब साउल यरुसलेम घुमिक एले त ओइले प्रभुक चेलासिका भेट्लाहार इच्छा करल्के। तर ओइलगक सभे चेलासब ओक्रसङ डेराइले किरकि साउल साँच्चेक प्रभु येसुक चेला बन्ल छो कहिक ओकर्सिका बिस्वासे नाइ हबेक। 27तर बर्नबासले साउलका आप्नसङ पेरेरितसिलग लगाइल्के। अनि केनामे साउलले दमस्कस जाइत खुमा प्रभुका पैराम देखल्के आ केनामे प्रभु ओक्रसङ बज्ले आ केनामे साउलले बिना डेराइक दमस्कसम प्रभु येसुक बारेम पर्चार करल्के उ सभे बात ओकर्सिका सुनाइल्के। 28तब साउल पेरेरितसिसङ खुला रुपम यरुसलेमम घुम्फिर कर लग्ले आ बिना डेराइक प्रभु येसुक बारेम पर्चार कर लग्ले। 29ओइले गिरिक भसा बज्लाहार यहुदिसिसङ पनि बाद-बिबाद करेक। तर ओकर्स्या साउलका मार खोजेक। 30जब बिस्वासिस्या यि बात थाहा पाइल्के त ओकर्स्या साउलका कैसरिया सहर आनल्के आ ओइलगस टार्सस सहर पठाइ देल्के।
31ओक्र पछास पुरा यहुदिया, गालिल आ सामरिया पर्देसक सभे मन्डलिम सान्ति भेले आ मन्डलि पनि जोर्गर भेले। अनि पबित्र आत्मास हौसला पाइक आ पर्मेसोरक डर मानिक जिबन बिताइल कारनस मन्डलिसब झन-झन बह्र्ति गेले।
पत्रुसले एनियास आ डोरकासका अस्लि कर्ल
32पत्रुस सभे ठावम घुम्ति-फिर्ति जाइत खुमा लुड्डा सहरम भेल बिस्वासिसिका पनि भेट गेले। 33ओइलग पत्रुसले एनियास कहलाहार एक जना मानुकका भेटाइल्के। उ आठ बरिसस हबा रोग लगिक बिछोनास उठ नाइ सकेक। 34पत्रुसले ओक्रा कहल्के, “ए एनियास, येसु खिरिस्टले तोरा अस्लि कर्ल छो। आब् तुइं उठ् आ आप्न बिछोनाका मिला।” यि बात सुन्ति बितिन उ चट्दबर उठ्ले। 35हबा रोग लग्ल मानुकका अस्लि भेल देखिक लुड्डा आ सारोन सहरम रहलाहार थुप्रे मानुकस्या प्रभुका बिस्वास करल्के।
36योप्पा सहरम तबिता कहलाहार एक जना बिस्वासि जनि छले। ओक्रा गिरिक भसाम डोरकास#9:36 डोरकास :एक्र मत्लब हरिन स्यो। पनि कहेक। ओइले सब्दिन अस्लि कामसब करेक आ गरिबसिका दान दिएक। 37पत्रुस लुड्डा सहरम रहले जुमा उ जनि बिरामि भइक मोर्ले। अनि मानुकस्या ओक्र पुरा देहका धोइक उपरका तलाक एगो कोठाम राखल्के। 38लुड्डा सहर योप्पा सहरक लगेम छले। ओहेस जब योप्पा सहरक चेलास्या पत्रुस लुड्डा सहरम छो कहिक थाहा पाइल्के त ओकर्स्या दुइ जना मानुकका एना कहिक पत्रुसका बलाब पठाइल्के, “तुइं अबेर नाइ करिक झप्सिन हमर्सिलग या।” 39ओहेस पत्रुस उठ्ले आ ओकर्सिसङ योप्पा सहर गेले। अनि ओत पुग्ले त मानुकस्या पत्रुसका उपरका तलाक मोर्ल जनि राख्ल कोठाम लगाइल्के। ओइलग थुप्रे बिध्वासब पत्रुसक चारोभर ठेर्याइक कान्ति तबिताले बनाइल नुङा पत्रुसका देखाइल्के। 40तर पत्रुसले सभे मानुकसिका कोठास बाहार निकालल्के आ ठेउन्या मारिक पर्थना करल्के। अनि उ मोर्ल जनिभर घुमिक एनामे कहल्के, “गे तबिता, उठ्!” तब उ जनिले आप्न आँख खुजालल्के त पत्रुसका देखिक उठिक बेठ्ले। 41तब पत्रुसले ओक्र हाथ पक्रिक उठाइल्के। अनि सभे बिस्वासि आ बिध्वासिका बलाइक मोर्ल तबिताका जिउँत करिक ओकर्सिक जिम्मा लगाइ देल्के। 42जब यि बात योप्पा सहरेभोरि फैलले त थुप्रे मानुकस्या प्रभुका बिस्वास करल्के। 43तब पत्रुस थुप्रे दिन् तलिक एक जना छल्लाक काम कर्लाहार सिमोनसङ योप्पा सहरम रहले।
Đang chọn:
पेरेरित 9: DANU
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 9
9
साउलक जिबन बदल्ल
(पेरेरित २२:६-१६; २६:१२-१८)
1उजुमा तलिक साउलले प्रभु येसुक चेलासिका मार्लाहार धम्कि देति छले। ओहेस उ सभेस बर्कि पुजारिलग गेले, 2आ प्रभुक पैराम हिंठ्लाहार सभे जनि आ मरदसिका पक्रिक येरुसलेमम आन लागि अधिकार पाउँ कहिक दमस्कसम भेल सभाघरक हाकिमक लागि एगो चिठि निखि दे कहिक बिन्ति करल्के।
3जब साउल दमस्कस सहरक लगम पुग्ले त अन्चक्एम सोर्गस एक्दम चहकिलो इजोत ओक्र चारोभर चम्कले। 4अनि उ जमिनम ढल्ले आ एना कहिक कहल एगो अबाज सुनल्के, “साउल, ए साउल, तुइं किर हम्रा सताइ छ?”
5तब साउलले पुछल्के, “हे प्रभु, तुइं कोन स्या?”
प्रभुले कहल्के, “हम येसु स्यो, जक्रा तुइं सताइति स्या।
6“तर आब् तुइं उठिक सहरम जो आ ओइलग तोरा कर पर्लाहार कामक बारेम कहल जेतो।”
7साउलसङ गेल्हार मानुकस्या अबाज त सुनल्के तर कक्राहु नाइ देख्ल कारनस अक न बक भइक ठेर्याइल छले। 8तब साउल जमिनस उठ्ले आ आँख खुजालल्के त ओइले कथ्यो देख नाइ सकल्के। ओहेस ओक्र सङस्या हाथ पक्रिक ओक्रा दमस्कस सहर लगाइल्के। 9अनि उ तिन दिन् तलिक अन्धा भेले आ न त खनाइ खेल्के न त पानि पिल्के।
10उजुमा दमस्कस सहरम हननिया कहलाहार एक जना बिस्वासि छले। ओक्रा प्रभुले दर्सन दैक एनामे कहल्के, “ए हननिया।”
हननियाले उत्तर देल्के, “कथि कहछ प्रभु।”
11तब प्रभुले ओक्रा कहल्के, “तुइं उठिक सिधा कहलाहार गल्लिम जो आ ओइलग यहुदाक घरम टार्सस सहरक साउल कहलाहार मानुकका खोज् किरकि ओइले पर्थना कर्ति छो। 12ओइले दर्सनम हननिया कहलाहार एक जना मानुकका भित्रि आइल आ ओक्र आँख फेरि देख सक्लाहार हउस कहिक आप्न उप्रिम हाथ राख्ल देख्ल छो।”
13तर हननियाले कहल्के, “प्रभु, हम थुप्रे मान्खस एक्र बारेम यि सुन्ल स्यो कि अइले यरुसलेमक तोर मानुकसिका थुप्रे सताइल छो कहिक। 14एहोलग तोर ना पुकार्लाहार सभेका पक्र लागि सभेस बर्कि पुजारिस अधिकार पाइक आइल छो।”
15तर प्रभुले हननियाका कहल्के, “तोरा जाइ पर्तो किरकि दस्रो जातक मानुकसिका, ओकर्सिक रजासिका आ इस्राएलक मानुकसिका हम्र नामक पर्चार कर लागि ओक्रा हम चुन्ल स्यो। 16ओइले हम्र लागि कतेक दुख भोग पर्तो कहिक हम ओक्रा देखाइबो।”
17तब हननिया गेले आ यहुदाक घरम ढुकिक साउलक उप्रिम आप्न हाथ राखिक एनामे कहल्के, “ए साउल भाइ, तुइं एत आब्त खुमा जुन प्रभु येसु तोरलग पैराम देखा पर्लो, ओहेले हम्रा तोरलग पठाइल स्यो, ताकि तुइं फेरि देख सक्लाहार हो आ पबित्र आत्माक सक्तिस भरपुर हो।” 18हननियाले एतेक कहति बितिन साउलक आँखस माछक कत्ला जक्या खस्ले अनि ओइले फेरि देख लग्ले। तब उ उठ्ले आ बप्तिस्मा लेल्के। 19अनि ओइले खनाइ खेल्के त ओक्रा तागत एले।
साउलले दमस्कसम पर्चार कर्ल
पछास भले दिन् तलिक साउल दमस्कस सहरम भेल बिस्वासिसिसङ रहले।
20अनि ओइले अबेर नाइ करिक “येसु पर्मेसोरक बेटा स्यो” कहिक सभाघरम जाइक पर्चार कर लग्ले।
21ओक्र बात सुन्लाहार सभे जना छक परिक एनामे कह लग्ले, “यरुसलेमम येसुक ना लेल्हार्सिका नास कर खोज्लाहार मानुक एहे नाइ स्यो झन्? अनि एहोलग ओक्र ना लेल्हार्सिका पक्रिक मुल पुजारिसिलग लगाब आइल एहे नाइ स्यो झन?”
22तर साउल झन-झन सक्तिसालि हब्ति गेले आ येसुवे खिरिस्ट स्यो कहिक ठोस पर्मानसब दैक दमस्कसक यहुदिसिक मुहे बन् करि दिएक।
23एनाहिमे थुप्रे दिन् बित्ले त यहुदिस्या साउलका मार लागि योजना बनाइल्के।#२ कोरन्थि ११:३२-३३ 24तर ओकर्सिक योजना साउलका थाहा भेले। यहुदिस्या साउलका मार लागि दिन-रात दमस्कस सहरक मुह्राम घुस्रिक रहत छले। 25ओहेस एक दिन् रात पर्ले त ओइलगक बिस्वासिस्या साउलका धकियाम बेठाइक देबालम भेल बर्कि बिल्लिस रसे-रसे झारिक बाहार भगाइ देल्के।
साउल यरुसलेम सहर गेल
26जब साउल यरुसलेम घुमिक एले त ओइले प्रभुक चेलासिका भेट्लाहार इच्छा करल्के। तर ओइलगक सभे चेलासब ओक्रसङ डेराइले किरकि साउल साँच्चेक प्रभु येसुक चेला बन्ल छो कहिक ओकर्सिका बिस्वासे नाइ हबेक। 27तर बर्नबासले साउलका आप्नसङ पेरेरितसिलग लगाइल्के। अनि केनामे साउलले दमस्कस जाइत खुमा प्रभुका पैराम देखल्के आ केनामे प्रभु ओक्रसङ बज्ले आ केनामे साउलले बिना डेराइक दमस्कसम प्रभु येसुक बारेम पर्चार करल्के उ सभे बात ओकर्सिका सुनाइल्के। 28तब साउल पेरेरितसिसङ खुला रुपम यरुसलेमम घुम्फिर कर लग्ले आ बिना डेराइक प्रभु येसुक बारेम पर्चार कर लग्ले। 29ओइले गिरिक भसा बज्लाहार यहुदिसिसङ पनि बाद-बिबाद करेक। तर ओकर्स्या साउलका मार खोजेक। 30जब बिस्वासिस्या यि बात थाहा पाइल्के त ओकर्स्या साउलका कैसरिया सहर आनल्के आ ओइलगस टार्सस सहर पठाइ देल्के।
31ओक्र पछास पुरा यहुदिया, गालिल आ सामरिया पर्देसक सभे मन्डलिम सान्ति भेले आ मन्डलि पनि जोर्गर भेले। अनि पबित्र आत्मास हौसला पाइक आ पर्मेसोरक डर मानिक जिबन बिताइल कारनस मन्डलिसब झन-झन बह्र्ति गेले।
पत्रुसले एनियास आ डोरकासका अस्लि कर्ल
32पत्रुस सभे ठावम घुम्ति-फिर्ति जाइत खुमा लुड्डा सहरम भेल बिस्वासिसिका पनि भेट गेले। 33ओइलग पत्रुसले एनियास कहलाहार एक जना मानुकका भेटाइल्के। उ आठ बरिसस हबा रोग लगिक बिछोनास उठ नाइ सकेक। 34पत्रुसले ओक्रा कहल्के, “ए एनियास, येसु खिरिस्टले तोरा अस्लि कर्ल छो। आब् तुइं उठ् आ आप्न बिछोनाका मिला।” यि बात सुन्ति बितिन उ चट्दबर उठ्ले। 35हबा रोग लग्ल मानुकका अस्लि भेल देखिक लुड्डा आ सारोन सहरम रहलाहार थुप्रे मानुकस्या प्रभुका बिस्वास करल्के।
36योप्पा सहरम तबिता कहलाहार एक जना बिस्वासि जनि छले। ओक्रा गिरिक भसाम डोरकास#9:36 डोरकास :एक्र मत्लब हरिन स्यो। पनि कहेक। ओइले सब्दिन अस्लि कामसब करेक आ गरिबसिका दान दिएक। 37पत्रुस लुड्डा सहरम रहले जुमा उ जनि बिरामि भइक मोर्ले। अनि मानुकस्या ओक्र पुरा देहका धोइक उपरका तलाक एगो कोठाम राखल्के। 38लुड्डा सहर योप्पा सहरक लगेम छले। ओहेस जब योप्पा सहरक चेलास्या पत्रुस लुड्डा सहरम छो कहिक थाहा पाइल्के त ओकर्स्या दुइ जना मानुकका एना कहिक पत्रुसका बलाब पठाइल्के, “तुइं अबेर नाइ करिक झप्सिन हमर्सिलग या।” 39ओहेस पत्रुस उठ्ले आ ओकर्सिसङ योप्पा सहर गेले। अनि ओत पुग्ले त मानुकस्या पत्रुसका उपरका तलाक मोर्ल जनि राख्ल कोठाम लगाइल्के। ओइलग थुप्रे बिध्वासब पत्रुसक चारोभर ठेर्याइक कान्ति तबिताले बनाइल नुङा पत्रुसका देखाइल्के। 40तर पत्रुसले सभे मानुकसिका कोठास बाहार निकालल्के आ ठेउन्या मारिक पर्थना करल्के। अनि उ मोर्ल जनिभर घुमिक एनामे कहल्के, “गे तबिता, उठ्!” तब उ जनिले आप्न आँख खुजालल्के त पत्रुसका देखिक उठिक बेठ्ले। 41तब पत्रुसले ओक्र हाथ पक्रिक उठाइल्के। अनि सभे बिस्वासि आ बिध्वासिका बलाइक मोर्ल तबिताका जिउँत करिक ओकर्सिक जिम्मा लगाइ देल्के। 42जब यि बात योप्पा सहरेभोरि फैलले त थुप्रे मानुकस्या प्रभुका बिस्वास करल्के। 43तब पत्रुस थुप्रे दिन् तलिक एक जना छल्लाक काम कर्लाहार सिमोनसङ योप्पा सहरम रहले।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.