पेरेरित 3
3
एक जना नेङ्रा अस्लि भेल
1एक दिन् पत्रुस आ युहन्ना दिनक तिन बजे पर्थनाक समैम मन्दिर जाइति छले। 2ओइ मन्दिरक छग्बर कहलाहार मुह्राम जनमेस एक जना नेङ्रा मानुक मन्दिरम ढुक्लाहार मानुकसिलगस भिख माङ लागि बेठ्ल छले। ओक्रा सब्दिन मानुकस्या ओइलग लगाइक राखि दिएक। 3जब ओइले पत्रुस आ युहन्नाका मन्दिर भित्रि जाइत देखल्के त ओकर्सिसङ भिख माङल्के। 4ओहेस पत्रुस आ युहन्नाले ओक्रभर ध्यान दैक ताक्ति पत्रुसले कहल्के, “हमर्सिभर ताक्।” 5पत्रुसक बात सुनिक ओइले कथ्यो पाइबो कि कहिक ओकर्सिभर ताक लग्ले। 6तर पत्रुसले ओक्रा कहल्के, “हम्रसङ सोन आ चाँनि त नाइ छो तर हम्रसङ जे छो, ओहे तोरा देस्यो। नासरतक येसु खिरिस्टक नामम उठिक हिंठ्!” 7एतेक कहिक पत्रुसले ओक्र दहिना हाथका पक्रिक उठाइल्के। ओहे जुमा ओक्र टाङक जोर्निसिम बल एले। 8अनि उ ठेर्याइक हिंठ लग्ले। तब उ हिंठ्ति आ कुद्ति पर्मेसोरक पर्संसा कर्ति ओकर्सिसङ मन्दिर भित्रि गेले। 9ओइलग भेल सभे जनाले ओक्रा हिंठ्त आ पर्मेसोरक पर्संसा कर्ल देखिक, 10यि त मन्दिरक छग्बर कहलाहार मुह्राम भिख माङ्लाहार नेङ्रा स्यो कहिक चिनल्के। अनि ओक्रा अस्लि भेल देखिक सभे जनाका एक्दम अचम्म लग्ले।
मन्दिरम पत्रुसले पर्चार कर्ल
11उ अस्लि भेल मानुकका पत्रुस आ युहन्नाक पछा-पछा सुलेमान कहलाहार मन्दिरक दुहारिम हिंठ्ल देखिक सभे मानुकसिका अचम्म लग्ले। ओहेस ओकर्स्या दोग्ति ओइलग एले। 12यि देखिक पत्रुसले ओकर्सिका एनामे कहल्के, “ए इस्राएलक मानुकसब, तोर्स्या किर यि घट्नाका देखिक छक पर्ल स्या? हमर्स्या आप्ने सक्ति आ भक्तिस एक्रा हिंठ्लाहार बनाइल जक्या किर भक्वाइक हमर्सिका ताक्छ? 13आपन्सिक पुर्खा अब्राहाम, इस्हाक आ याकुबक पर्मेसोरले आप्न सेबक येसुका बर्कि सम्मान करल्को, जक्रा तोर्स्या पक्राइ धिल। पिलातसले ओक्रा छोरि दिअ खोज्ल छलो तर तोर्स्या नाइ मान्ल।#प्रस्थान ३:१५ 14तोर्स्या पबित्र आ धर्मि मानुकका इन्कार करिक एगो खुनिका छोरि धि कहिक माङ् कर्ल।#मत्ति २७:१५-२३; मर्कुस १५:६-१४; लुका २३:१३-२३; युहन्ना १९:१२-१५ 15एनामे तोर्स्या जिबन देल्हार येसुका मार्ल तर पर्मेसोरले ओक्रा फेरि जिउँत करल्को। यि बातक हमर्स्या गबाह स्यो। 16ओहे येसुक नामम बिस्वास कर्ल कारनस आ ओक्रे नामस तोर्स्या देख्ल आ चिन्ल यि मानुक हिंठ सक्लाहार भेल छो। येसुका बिस्वास कर्ले कारनस यि मानुक तोर्सिक अगाम पुरा अस्लि भेल छो।
17“ए हम्र दाजुभाइ आ दिदि-बहिनसब, हम्रा थाहा छो, तोर्स्या आ तोर्सिक सासकस्या अन्जानम ओना कर्ल। 18तर खिरिस्टले दुख भोग पर्तो कहिक पर्मेसोरले अगाहि आप्न अगमबक्तासिक मार्फत कहल बात एनामे पुरा करल्को। 19ओहेस आब् तोर्स्या पस्चताप करिक पर्मेसोरभर घुमिक या, ताकि तोर्सिक पाप मेटाउस आ पर्मेसोरक तर्फस तोर्सिक जिबनम सान्तिक समै आउस। 20अनि पर्मेसोरले तोर्सिक लागि अगाहि चुन्ल येसु खिरिस्टका फेरि पठाइ देतो। 21तर पर्मेसोरले पेहेनि आप्न पबित्र अगमबक्तासिक मुहस कहल जक्या सभे चिजका फेरि लया नाइ बनाइल तलिक येसुका सोर्गेम रह पर्तो। 22मोसाले पनि एनामे कहल छो, ‘परमप्रभु तोर्सिक पर्मेसोरले तोर्सिक आप्ने दाजुभाइक बिचस हम्रे जक्या एक जना अगमबक्ताका तोर्सिक लागि पठाइतो। ओइले तोर्सिका जे-जे कहतो उ सभे तोर्सिका पालन कर पर्तो।#ब्यबस्था १८:१५-१८ 23तर जुन मानुकस्या उ अगमबक्ताले कहल बात पालन नाइ कर्तो, उ पर्मेसोरक मानुकसिक बिचस पुरा नास हेतो।’#ब्यबस्था १८:१९ 24समुएल अगमबक्तास लइक ओक्र पछास आइल सभे अगमबक्तास्या आज-काल घटिरहल घट्नाक बारेम कहल छलो। 25तोर्स्या ओहे अगमबक्तासिक आ पर्मेसोरक बाचाक सन्तान स्या, जुन बाचा पर्मेसोरले आपन्सिक पुर्खा अब्राहामसङ एनामे कर्ल छलो, ‘तोरे सन्तानक मार्फत पिर्थिबिक सभे जातक मानुकस्या आसिक पाइतो।’#उत्पति २२:१८ 26ओहेस पर्मेसोरले तोर्सिका सभे पापसिस घुमाइक आसिक दिअ लागि आप्न सेबक येसुका चुनिक सभेस अगा तोर्सिलग पठाइल्को।”
Đang chọn:
पेरेरित 3: DANU
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 3
3
एक जना नेङ्रा अस्लि भेल
1एक दिन् पत्रुस आ युहन्ना दिनक तिन बजे पर्थनाक समैम मन्दिर जाइति छले। 2ओइ मन्दिरक छग्बर कहलाहार मुह्राम जनमेस एक जना नेङ्रा मानुक मन्दिरम ढुक्लाहार मानुकसिलगस भिख माङ लागि बेठ्ल छले। ओक्रा सब्दिन मानुकस्या ओइलग लगाइक राखि दिएक। 3जब ओइले पत्रुस आ युहन्नाका मन्दिर भित्रि जाइत देखल्के त ओकर्सिसङ भिख माङल्के। 4ओहेस पत्रुस आ युहन्नाले ओक्रभर ध्यान दैक ताक्ति पत्रुसले कहल्के, “हमर्सिभर ताक्।” 5पत्रुसक बात सुनिक ओइले कथ्यो पाइबो कि कहिक ओकर्सिभर ताक लग्ले। 6तर पत्रुसले ओक्रा कहल्के, “हम्रसङ सोन आ चाँनि त नाइ छो तर हम्रसङ जे छो, ओहे तोरा देस्यो। नासरतक येसु खिरिस्टक नामम उठिक हिंठ्!” 7एतेक कहिक पत्रुसले ओक्र दहिना हाथका पक्रिक उठाइल्के। ओहे जुमा ओक्र टाङक जोर्निसिम बल एले। 8अनि उ ठेर्याइक हिंठ लग्ले। तब उ हिंठ्ति आ कुद्ति पर्मेसोरक पर्संसा कर्ति ओकर्सिसङ मन्दिर भित्रि गेले। 9ओइलग भेल सभे जनाले ओक्रा हिंठ्त आ पर्मेसोरक पर्संसा कर्ल देखिक, 10यि त मन्दिरक छग्बर कहलाहार मुह्राम भिख माङ्लाहार नेङ्रा स्यो कहिक चिनल्के। अनि ओक्रा अस्लि भेल देखिक सभे जनाका एक्दम अचम्म लग्ले।
मन्दिरम पत्रुसले पर्चार कर्ल
11उ अस्लि भेल मानुकका पत्रुस आ युहन्नाक पछा-पछा सुलेमान कहलाहार मन्दिरक दुहारिम हिंठ्ल देखिक सभे मानुकसिका अचम्म लग्ले। ओहेस ओकर्स्या दोग्ति ओइलग एले। 12यि देखिक पत्रुसले ओकर्सिका एनामे कहल्के, “ए इस्राएलक मानुकसब, तोर्स्या किर यि घट्नाका देखिक छक पर्ल स्या? हमर्स्या आप्ने सक्ति आ भक्तिस एक्रा हिंठ्लाहार बनाइल जक्या किर भक्वाइक हमर्सिका ताक्छ? 13आपन्सिक पुर्खा अब्राहाम, इस्हाक आ याकुबक पर्मेसोरले आप्न सेबक येसुका बर्कि सम्मान करल्को, जक्रा तोर्स्या पक्राइ धिल। पिलातसले ओक्रा छोरि दिअ खोज्ल छलो तर तोर्स्या नाइ मान्ल।#प्रस्थान ३:१५ 14तोर्स्या पबित्र आ धर्मि मानुकका इन्कार करिक एगो खुनिका छोरि धि कहिक माङ् कर्ल।#मत्ति २७:१५-२३; मर्कुस १५:६-१४; लुका २३:१३-२३; युहन्ना १९:१२-१५ 15एनामे तोर्स्या जिबन देल्हार येसुका मार्ल तर पर्मेसोरले ओक्रा फेरि जिउँत करल्को। यि बातक हमर्स्या गबाह स्यो। 16ओहे येसुक नामम बिस्वास कर्ल कारनस आ ओक्रे नामस तोर्स्या देख्ल आ चिन्ल यि मानुक हिंठ सक्लाहार भेल छो। येसुका बिस्वास कर्ले कारनस यि मानुक तोर्सिक अगाम पुरा अस्लि भेल छो।
17“ए हम्र दाजुभाइ आ दिदि-बहिनसब, हम्रा थाहा छो, तोर्स्या आ तोर्सिक सासकस्या अन्जानम ओना कर्ल। 18तर खिरिस्टले दुख भोग पर्तो कहिक पर्मेसोरले अगाहि आप्न अगमबक्तासिक मार्फत कहल बात एनामे पुरा करल्को। 19ओहेस आब् तोर्स्या पस्चताप करिक पर्मेसोरभर घुमिक या, ताकि तोर्सिक पाप मेटाउस आ पर्मेसोरक तर्फस तोर्सिक जिबनम सान्तिक समै आउस। 20अनि पर्मेसोरले तोर्सिक लागि अगाहि चुन्ल येसु खिरिस्टका फेरि पठाइ देतो। 21तर पर्मेसोरले पेहेनि आप्न पबित्र अगमबक्तासिक मुहस कहल जक्या सभे चिजका फेरि लया नाइ बनाइल तलिक येसुका सोर्गेम रह पर्तो। 22मोसाले पनि एनामे कहल छो, ‘परमप्रभु तोर्सिक पर्मेसोरले तोर्सिक आप्ने दाजुभाइक बिचस हम्रे जक्या एक जना अगमबक्ताका तोर्सिक लागि पठाइतो। ओइले तोर्सिका जे-जे कहतो उ सभे तोर्सिका पालन कर पर्तो।#ब्यबस्था १८:१५-१८ 23तर जुन मानुकस्या उ अगमबक्ताले कहल बात पालन नाइ कर्तो, उ पर्मेसोरक मानुकसिक बिचस पुरा नास हेतो।’#ब्यबस्था १८:१९ 24समुएल अगमबक्तास लइक ओक्र पछास आइल सभे अगमबक्तास्या आज-काल घटिरहल घट्नाक बारेम कहल छलो। 25तोर्स्या ओहे अगमबक्तासिक आ पर्मेसोरक बाचाक सन्तान स्या, जुन बाचा पर्मेसोरले आपन्सिक पुर्खा अब्राहामसङ एनामे कर्ल छलो, ‘तोरे सन्तानक मार्फत पिर्थिबिक सभे जातक मानुकस्या आसिक पाइतो।’#उत्पति २२:१८ 26ओहेस पर्मेसोरले तोर्सिका सभे पापसिस घुमाइक आसिक दिअ लागि आप्न सेबक येसुका चुनिक सभेस अगा तोर्सिलग पठाइल्को।”
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.