पेरेरित 1
1
1आदरनिय थियोफिलस, हम्र अगल्काइ कितापम येसुले सेबाकाइ सुरु कर्ल लगस ओक्रा सोर्ग नाइ लगाइल दिन् तलिक ओइले कर्ल काम आ सिखाइल बातक बारेम निख्ल स्यो।#लुका १:१-४
2येसुले आप्न चुन्ल पेरेरितसिका पबित्र आत्माक मार्फतस आग्या दैसकिक उ सोर्ग उठाइल गेलो। 3येसुले कुरुसम दुख भोगिक मोर्लो आ चालिस दिन् तलिक आप्न जिउँत भेल ठोस पर्मानसब देति थुप्रे बाजि चेलासिक अगाम देखा पर्लो। अनि पर्मेसोरक राज्येक बारेम ओकर्सिका कहल्को। 4एक दिन् येसु आप्न चेलासिसङ खनाइ खाइ बेठ्ल जुमा एना कहिक ओकर्सिका आग्या देल्के, “तोर्स्या यरुसलेमका छोरिक कन्यो नाइ जो। तर सोर्गक हम्र बापले तोर्सिका देबो कहिक बाचा कर्ल पबित्र आत्माका अस्या। एक्र बारेम हमु तोर्सिका कहल स्यो।#लुका २४:४९ 5किरकि युहन्नाले त पानिस बप्तिस्मा देल्को तर आइलाहार कनेके दिनम तोर्स्या पबित्र आत्मास बप्तिस्मा हेब।”#मत्ति ३:११; मर्कुस १:८; लुका ३:१६; युहन्ना १:३३
येसुका सोर्गम लगाइल
6एक दिन् पेरेरितसब येसुलग धेर्याइल जुमा ओकर्स्या येसुका एनामे पुछल्के, “हे प्रभु, कथि तुइं एहे समैम इस्राएल राज्येका छुट्करा दैक अगल्काइ जक्या बनाइब?”
7येसुले ओकर्सिका कहल्के, “सोर्गक बापले जुन समै आ दिनका तोकिक आप्न अधिकारम राख्ल छो, उ जान्लाहार तोर्सिक काम नाइ स्यो। 8तर पबित्र आत्मा तोर्सिक उप्रिम एतो त तोर्स्या सक्ति पाइब। अनि तोर्स्या यरुसलेमम, पुरा यहुदियाम, सामरियाम आ पिर्थिबिक कोन-कोनम हम्र गबाह हेब।”#मत्ति २८:१९; मर्कुस १६:१५; लुका २४:४७,४८ 9येसुले एतेक कहि सकल्के त ओकर्स्या देख्ति-देख्ति येसु उप्रि मेघम उठाइल गेले अनि येसु ओकर्सिक नजरस बिलाइले।#1:9 मर्कुस् १६:१९; लुका २४:५०,५१
10ओकर्स्या अकासभर ताक्ति रहल जुमा अन्चक्एम उज्र कप्रा पिन्ल दुइ जना मानुक ओकर्सिएक अगाम ठेर्याइले। 11अनि ओकर्स्या कहल्के, “ए गालिलक मानुकसब, तोर्स्या किर अकासभर ताक्ति ठेर्याइल स्या? येसु त सोर्ग गइसक्लो। तोर्स्या जेनामे अखन येसुका सोर्ग गेल देख्ल, ओनाहिमे उ फेरि एतो।”
यहुदाक साटो मतियासका चुन्ल
12तब ओकर्स्या जैतुन पाहारस यरुसलेम घुमिक एले। उ पाहार यरुसलेमस लग्भग एक किलोमिटर जतेक दुरम पर्छे। 13जब ओकर्स्या यरुसलेम पुग्ले त आप्न रहलाहार घरक उपरका तलाक आप्न कोठाम गेले। ओइलग पत्रुस, युहन्ना, याकुब, अन्दिरियास, फिलिप, बारथोलोमाइ, मत्ति, अल्फयासक बेटा याकुब, देस भक्त सिमोन आ याकुबक बेटा यहुदा छले।#मत्ति १०:२-४; मर्कुस ३:१६-१९; लुका ६:१४-१६ 14ओकर्स्या सब्दिन येसुक मतार मरियम, येसुक भाइसब आ अरु जनिसिसङ बेठिक एके मनक भइक पर्थना करेक।
15एक दिन् एक सइ बिस जना बिस्वासिसब ओइलग धेर्याइल छले त पत्रुसले ठेर्याइक एनामे कहल्के, 16“ए हम्र दाजुभाइ आ दिदि-बहिनसब, धर्मसास्तरक उ बचन पुरा हबि पर्लाहार छलो, जुन बचन येसुका पक्राइलाहार्सिक अगुवा यहुदाक बारेम पबित्र आत्माले दाउदक मुहस पेहेनि कहल छलो। 17किरकि उ आपन्सिएक जक्या प्रभुक बार जना पेरेरितभोरिम एक जना छलो आ आपन्सिएक जक्या ओक्राहु प्रभुक काम कर लागि चुन्ल छलो।”
18यहुदाले पाप करिक कमाइल ढेवास खेत किनल्के। ओहे खेतम उ कपार तरभर भइक खसिक मोर्ले आ ओक्र पेट फुटिक आँति बाहार निकल्ले।#मत्ति २७:३-८ 19यि बात यरुसलेमक सभे मानुकसिका थाहा भेले। ओहेस ओकर्स्या उ खेतक ना आप्न भसाम आखेल्दामा राखल्के। जक्र मत्लब रकतक खेत स्यो।
20तब पत्रुसले फेरि कहल्के, “भनजक कितापम एनामे निख्ल छो,
‘ओक्र घर सुन्सान हउस,
आ ओइम रहलाहार कुन्हुँ नाइ हउस,
अनि ओक्र कामक जिम्मा दस्रोले लिउस।’#भजन ६९:२५; भजन १०९:८
21-22“ओहेस आपन्स्या एक जना एहेन मानुकका चुन खाचो छो, जुन मानुक आपन्सिएसङ रहिक प्रभु येसु सङ-सङि हिंठ्ल छलो आ युहन्नाले देल बप्तिस्मास लइक प्रभु येसु सोर्गम लगाइल दिन् तलिक आपन्सिएसङ छलो। ओहे मानुक आपन्सिसङ प्रभु येसु फेरि जिउँत भेल बातक गबाह हब पर्तो।”#मत्ति ३:१६; मर्कुस १:९; लुका ३:२१; मर्कुस १६:१९; लुका २४:५१
23ओहेस ओकर्स्या दुइ जना मानुकका अगा सारल्के। एक जना योसेफ जक्रा बर्नबास आ युस्तस पनि कहेक अनि दस्रो चाहिं मतियास। 24तब ओकर्स्या एना कहिक पर्थना करल्के, “हे सभेक मनक बात जान्लाहार प्रभु, तुइं यि दुइ जनाम कक्रा चुन्ल स्या हमर्सिका देखा, 25ताकि उ पेरेरित भइक सेबा कर सकुस, जुन काम छोरिक यहुदा आप्न जाइ पर्लाहार ठावम गेलो।” 26तब ओकर्स्या उ दुइ जनाक नामम चिट्ठा घालल्के त मतियासक नामम पर्ले। अनि उ एघार जना पेरेरितसिसङ थपाइले।
Đang chọn:
पेरेरित 1: DANU
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 1
1
1आदरनिय थियोफिलस, हम्र अगल्काइ कितापम येसुले सेबाकाइ सुरु कर्ल लगस ओक्रा सोर्ग नाइ लगाइल दिन् तलिक ओइले कर्ल काम आ सिखाइल बातक बारेम निख्ल स्यो।#लुका १:१-४
2येसुले आप्न चुन्ल पेरेरितसिका पबित्र आत्माक मार्फतस आग्या दैसकिक उ सोर्ग उठाइल गेलो। 3येसुले कुरुसम दुख भोगिक मोर्लो आ चालिस दिन् तलिक आप्न जिउँत भेल ठोस पर्मानसब देति थुप्रे बाजि चेलासिक अगाम देखा पर्लो। अनि पर्मेसोरक राज्येक बारेम ओकर्सिका कहल्को। 4एक दिन् येसु आप्न चेलासिसङ खनाइ खाइ बेठ्ल जुमा एना कहिक ओकर्सिका आग्या देल्के, “तोर्स्या यरुसलेमका छोरिक कन्यो नाइ जो। तर सोर्गक हम्र बापले तोर्सिका देबो कहिक बाचा कर्ल पबित्र आत्माका अस्या। एक्र बारेम हमु तोर्सिका कहल स्यो।#लुका २४:४९ 5किरकि युहन्नाले त पानिस बप्तिस्मा देल्को तर आइलाहार कनेके दिनम तोर्स्या पबित्र आत्मास बप्तिस्मा हेब।”#मत्ति ३:११; मर्कुस १:८; लुका ३:१६; युहन्ना १:३३
येसुका सोर्गम लगाइल
6एक दिन् पेरेरितसब येसुलग धेर्याइल जुमा ओकर्स्या येसुका एनामे पुछल्के, “हे प्रभु, कथि तुइं एहे समैम इस्राएल राज्येका छुट्करा दैक अगल्काइ जक्या बनाइब?”
7येसुले ओकर्सिका कहल्के, “सोर्गक बापले जुन समै आ दिनका तोकिक आप्न अधिकारम राख्ल छो, उ जान्लाहार तोर्सिक काम नाइ स्यो। 8तर पबित्र आत्मा तोर्सिक उप्रिम एतो त तोर्स्या सक्ति पाइब। अनि तोर्स्या यरुसलेमम, पुरा यहुदियाम, सामरियाम आ पिर्थिबिक कोन-कोनम हम्र गबाह हेब।”#मत्ति २८:१९; मर्कुस १६:१५; लुका २४:४७,४८ 9येसुले एतेक कहि सकल्के त ओकर्स्या देख्ति-देख्ति येसु उप्रि मेघम उठाइल गेले अनि येसु ओकर्सिक नजरस बिलाइले।#1:9 मर्कुस् १६:१९; लुका २४:५०,५१
10ओकर्स्या अकासभर ताक्ति रहल जुमा अन्चक्एम उज्र कप्रा पिन्ल दुइ जना मानुक ओकर्सिएक अगाम ठेर्याइले। 11अनि ओकर्स्या कहल्के, “ए गालिलक मानुकसब, तोर्स्या किर अकासभर ताक्ति ठेर्याइल स्या? येसु त सोर्ग गइसक्लो। तोर्स्या जेनामे अखन येसुका सोर्ग गेल देख्ल, ओनाहिमे उ फेरि एतो।”
यहुदाक साटो मतियासका चुन्ल
12तब ओकर्स्या जैतुन पाहारस यरुसलेम घुमिक एले। उ पाहार यरुसलेमस लग्भग एक किलोमिटर जतेक दुरम पर्छे। 13जब ओकर्स्या यरुसलेम पुग्ले त आप्न रहलाहार घरक उपरका तलाक आप्न कोठाम गेले। ओइलग पत्रुस, युहन्ना, याकुब, अन्दिरियास, फिलिप, बारथोलोमाइ, मत्ति, अल्फयासक बेटा याकुब, देस भक्त सिमोन आ याकुबक बेटा यहुदा छले।#मत्ति १०:२-४; मर्कुस ३:१६-१९; लुका ६:१४-१६ 14ओकर्स्या सब्दिन येसुक मतार मरियम, येसुक भाइसब आ अरु जनिसिसङ बेठिक एके मनक भइक पर्थना करेक।
15एक दिन् एक सइ बिस जना बिस्वासिसब ओइलग धेर्याइल छले त पत्रुसले ठेर्याइक एनामे कहल्के, 16“ए हम्र दाजुभाइ आ दिदि-बहिनसब, धर्मसास्तरक उ बचन पुरा हबि पर्लाहार छलो, जुन बचन येसुका पक्राइलाहार्सिक अगुवा यहुदाक बारेम पबित्र आत्माले दाउदक मुहस पेहेनि कहल छलो। 17किरकि उ आपन्सिएक जक्या प्रभुक बार जना पेरेरितभोरिम एक जना छलो आ आपन्सिएक जक्या ओक्राहु प्रभुक काम कर लागि चुन्ल छलो।”
18यहुदाले पाप करिक कमाइल ढेवास खेत किनल्के। ओहे खेतम उ कपार तरभर भइक खसिक मोर्ले आ ओक्र पेट फुटिक आँति बाहार निकल्ले।#मत्ति २७:३-८ 19यि बात यरुसलेमक सभे मानुकसिका थाहा भेले। ओहेस ओकर्स्या उ खेतक ना आप्न भसाम आखेल्दामा राखल्के। जक्र मत्लब रकतक खेत स्यो।
20तब पत्रुसले फेरि कहल्के, “भनजक कितापम एनामे निख्ल छो,
‘ओक्र घर सुन्सान हउस,
आ ओइम रहलाहार कुन्हुँ नाइ हउस,
अनि ओक्र कामक जिम्मा दस्रोले लिउस।’#भजन ६९:२५; भजन १०९:८
21-22“ओहेस आपन्स्या एक जना एहेन मानुकका चुन खाचो छो, जुन मानुक आपन्सिएसङ रहिक प्रभु येसु सङ-सङि हिंठ्ल छलो आ युहन्नाले देल बप्तिस्मास लइक प्रभु येसु सोर्गम लगाइल दिन् तलिक आपन्सिएसङ छलो। ओहे मानुक आपन्सिसङ प्रभु येसु फेरि जिउँत भेल बातक गबाह हब पर्तो।”#मत्ति ३:१६; मर्कुस १:९; लुका ३:२१; मर्कुस १६:१९; लुका २४:५१
23ओहेस ओकर्स्या दुइ जना मानुकका अगा सारल्के। एक जना योसेफ जक्रा बर्नबास आ युस्तस पनि कहेक अनि दस्रो चाहिं मतियास। 24तब ओकर्स्या एना कहिक पर्थना करल्के, “हे सभेक मनक बात जान्लाहार प्रभु, तुइं यि दुइ जनाम कक्रा चुन्ल स्या हमर्सिका देखा, 25ताकि उ पेरेरित भइक सेबा कर सकुस, जुन काम छोरिक यहुदा आप्न जाइ पर्लाहार ठावम गेलो।” 26तब ओकर्स्या उ दुइ जनाक नामम चिट्ठा घालल्के त मतियासक नामम पर्ले। अनि उ एघार जना पेरेरितसिसङ थपाइले।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.