Marcu 16
16
Nyearea al Isus
1Cum tricu Sãmbãta, Maria Magdalena sh-Maria, muma al Iacov, sh-Salomea, acumpãrarã njurizmati s-njidzea s-aundzea Isusul. 2Dimineatsa tu prota dzuã a stãmãnãljei, tahina dimineatsa, eali vinirã la murmintu cãndu ma isha soarili. 3Sh-dzãtsea namisa di nãsi: “Cai va nã-u arucuteascã cheatra di la intrata a murmintului?” 4Ma cãndu scularã ocljilji, vidzurã cã cheatra eara arucutitã cu tutã cã eara multu mari. 5Intrarã la murmintu sh-vidzurã un tinir tsi eara apunat di nandreapta, nviscut cu albi, sh-armasirã aspãrati. 6Ma elu lã dzãsi a lor: “Nu vã aspãrats! Voi cãftats Isus Nazareanlu tsi eara crutsisit, elu s-nyie, nu easti aoa. Ia, loclu iu eara bãgatã. 7Tora imnats s-lã-dzãtsets a ucenitsilor a lui sh-a Petrului cã elu ma s-dutsi dininti di voi tu Galilea, aclo va lu videts ashã cum vã dzãsi.” 8Sh-eali ishirã trãoarã sh-fudzirã dit murmintu cã li acãtsã cutremburlu sh-ciudia, sh-nu lji-dzãsirã tsiva a vãrui cã avea fricã.
Isusul Nyeat Vidzut di Niscãntsã
9[Tora Isusul dupã tsi eara nyeat dimineatsa tu prota dzuã a stãmãnãljei, s-fãnirusi prota ali Marii Magdalena, di la cai avea aĝunit shapti demonji. 10Ea s-dusi sh-aspusi a lor tsi eara deadun cu nãsã tsi vãita sh-plãndzea. 11Ma aeshti cãndu avdzãrã cã eara yiu shi s-vidzu di ea nu lu pistipsirã. 12Dupã aesti lucri, s-fãnirusi tu unã altã formã a doilor di nãshi, tsi ma njidzea tu hoarã. 13Sh-elji s-dusirã sh-aspusirã la alantsã, ma nitsi aeshti nu lu pistipsirã.
Isusul Nyeat cu Ucenitsilji
14Tu soni s-fãnirusi a unsprãdzatsilor cãndu eara la measã sh-lji vãrghi trã nipistipsirea a lor sh-trã nchitrirea a inimãljei, cã nu avea pistipsitã la nãshi cã lu avea vidzutã nyeat. 15Deapoea lã dzãsi a lor: “Njidzets la tutã lumea sh-predicats evanghelu a tutulor. 16Atsel tsi pistipseashti shi s-pãteadzi, va hibã ascãpat. Ma atsel tsi nu ari pistipsit va hibã giudicat. 17Aesti suntu seamnili tsi va s-urmeadzã atselji tsi va pistipseascã: tu numa a mea elji va li aĝuneascã demonjlji sh-va greascã limbi nali, 18va acatsã cu mãna nãpãrtitsli, sh-macã va s-bea tsiva ti muriri, nu va s-facã tsiva arãu, va s-bagã mãnjili pi lãndzitslji sh-aeshti va s-vindicã.”
Scularea al Isus tu Tser
19Domnul Isus, dupã tsi lã gãri a lor, si anãltsã tu tser shi s-apunã tu nandreapta a Dumnidzãlui. 20Deapoea elji fudzirã sh-predicarã iutsido, iarã Domnul lucra deadun cu nãshi sh-alihipsea zborlu cu seamnili tsi lu urma. Amin.]#16:9-20 Aesti stihuri nu s-aflã tu alti manuscrisi
Đang chọn:
Marcu 16: BLRR
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
