Ịrịka 8
8
Eerọnị ộ kụ Ịrakotupa ịhịmba tụ aha anị
1 #
Kụra 25.31-40; 37.17-24 Ẹnẹyịmavara ộ kà Imosiisi ka, 2ọ ka yị Eerọnị o hù ịrakotupa ịhịmba gẹ ịnị ọchị anị agụvị dị ịra ọ sị ẹtẹ hweyi ọvịdị. 3Ịzẹyịza, dị Eerọnị mẹ̀ anka Imosiisi mẹẹ ka yị ọ nị. 4Avaba ọchị ịrakotupa ọnọnị vị ana a sị igooru tu hụrị uruvo na ngụ ịrẹsụ ịzị a sị ododo mẹ̀ ọvị. Ọchị ịrakotupa ọnọnị vị ana mẹ̀ anka Ẹnẹyịmavara mẹ jị uwe yị Imosiisi.
 sị Anireevi nịnị chire Ẹnẹyịmavara ụvọ
5Ẹnẹyịmavara ọ kà yị Imosiisi ka; 6ọ ha Anireevi nịnị hi hụụnị akakana Anisirẹrị, dị ọ mẹ wa aza anị. 7Imosiisi o che irenyi sẹ wa ẹngụ dị ọ nyịna ịvị ẹnịnị kwooze. Dị ọ̀ ka yị wa ka ẹ kụ avaba ẹyị ene hi ịnị ẹngụ ẹnịnị dị ẹ nyịna achị ẹnịnị. 8Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ. 9Ẹnẹyịmavara kà, Imosiisi ọ kụ Anireevi nịnị vẹ ọvịdị ịragụ avaba Anisirẹrị nịnị ọvịdị ajẹngụ anị. 10Avaba Anisirẹrị nịnị ẹ sị ụvọ tụra wa, 11dị Eerọnị sị wa chire Ẹnẹyịmavara ụvọ anka ẹyịza ọnị ẹ sị yọ agụvị ẹ mẹ̀ ụkọrọ anị. 12Ọ vavẹ ịrẹma ọnọọ, dị Anireevi nịnị ẹ kụ ụvọ tụra ụnọ ẹnẹẹ ịrẹsụ. Dị a sị ụnọ ọnya mẹ̀ ịsọvọ ẹvagu ịvị, dị a rị ụnọ ọsa ịra dị a sị hine Ẹnẹyịmavara ayị. 13Ịrẹma ọsọnị, dị Anireevi nịnị va jẹẹ ọvịdị ụta anị eyi Eerọnị ọnịrị ezi anị, dị Eerọnị sị wa chire Ẹnẹyịmavara ụvọ. 14Ịsa ana a mẹ aanị, vaa sị zụ ka Anireevi nịnị ẹ sị vara ọtirenyi agụvị ka ẹ sị vara aza Ẹnẹyịmavara. 15Ẹnịnị ẹ nyẹngụ kụkụ aa mẹ̀ ụkọrọ ịnị ajẹngụ anị agụvị ka a raa sị wa chire Ẹnẹyịmavara ụvọ, dị ọ dọ wa nị. 16Anireevi nịnị Ohomorihi sị yị ẹngụ anị. Ẹnị ẹ jẹẹ udi ezi ịpaapa anọrụ Anisirẹrị nịnị ana vị anị nị. 17#Kụra 13.2Ọ̀ọ mẹ wụ ezi ịpaapa Anijipiti nịnị, ọ kà a ka avaba ezi anọrụ ịpaapa Anisirẹrị ọnịrị ịsụpa ẹnịnị kụkụ vị anị nị. 18Ama booro aanị, ọnị ọ ra nyị Anireevi nịnị dọ wa ịrẹsụ. 19Ẹnẹyịmavara kà ọnị ọ raa sị wa yị Eerọnị ọnịrị ezi anị. Ẹnịnị vị ana vaa mẹ̀ ụkọrọ ịnị ajẹngụ anị, dị ẹ mẹ̀ ịsọvọ ịvị Anisirẹrị agụvị ẹ gụrị ajẹngụ anị asị Ohomorihi kụ akanya tu wa.
 sị Anireevi nini chire Ohomorihi ụvọ
20Imosiisi ọnịrị Eerọnị ne beri Anisirẹrị nịnị ẹ mẹ̀ avaba ịsa ọnị Ẹnẹyịmavara kà yị Anireevi nịnị. 21Anireevi nịnị ẹ che enyi sẹ ẹngụ ẹnịnị, dị ẹ nyị ẹvagu hụụnị ịvị ẹnịnị, dị ẹ nyịna achị ẹnịnị. Dị Eerọnị sị wa vẹ ọvịdị ụta, dị ộ mẹ̀ ịsọvọ ịvị ẹnịnị agụvị dị Ẹnẹyịmavara ọ dọ wa. 22Eerọnị mẹ maanị sị ọ mẹ̀, dị Anireevi nịnị kụkụ aa mẹ̀ ụkọrọ ịnị ajẹngụ Ẹnẹyịmavara anka ọ mẹ mẹ̀ ọda yị wa nị. 23Ẹnẹyịmavara ộ kà yị Imosiisi ka; 24Anireevi nịnị ana sị gụ ẹhụ ịrayị ohurẹẹhị da va hịrẹ avọọ ẹ zụ mẹ̀ ụkọrọ ịnị ajẹngụ Ẹnẹyịmavara nị. 25Ama aza ana sị gụ ịrayị ẹvarẹwụ vị ana hụrẹ ụvọ ụkọrọ tịtẹ, dị ẹẹ tụ́ ụhwọ́, dị asị ẹ kụkụ mẹ̀ ụkọrọ vụrụ-vụrụ. 26Ẹngụ azọkụ ẹnẹẹ ẹ nyẹngụ gụ Anireevi nịnị ana a mẹ̀ ụkọrọ ụvọ kẹnẹ ama ẹnịnị ẹ yị nyị ụkọrọ ẹnẹ ẹ kụkụ aa mẹ.
Đang chọn:
Ịrịka 8: EBTP
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ebira First Bible © Bible Society of Nigeria, 2014.
Ịrịka 8
8
Eerọnị ộ kụ Ịrakotupa ịhịmba tụ aha anị
1 #
Kụra 25.31-40; 37.17-24 Ẹnẹyịmavara ộ kà Imosiisi ka, 2ọ ka yị Eerọnị o hù ịrakotupa ịhịmba gẹ ịnị ọchị anị agụvị dị ịra ọ sị ẹtẹ hweyi ọvịdị. 3Ịzẹyịza, dị Eerọnị mẹ̀ anka Imosiisi mẹẹ ka yị ọ nị. 4Avaba ọchị ịrakotupa ọnọnị vị ana a sị igooru tu hụrị uruvo na ngụ ịrẹsụ ịzị a sị ododo mẹ̀ ọvị. Ọchị ịrakotupa ọnọnị vị ana mẹ̀ anka Ẹnẹyịmavara mẹ jị uwe yị Imosiisi.
 sị Anireevi nịnị chire Ẹnẹyịmavara ụvọ
5Ẹnẹyịmavara ọ kà yị Imosiisi ka; 6ọ ha Anireevi nịnị hi hụụnị akakana Anisirẹrị, dị ọ mẹ wa aza anị. 7Imosiisi o che irenyi sẹ wa ẹngụ dị ọ nyịna ịvị ẹnịnị kwooze. Dị ọ̀ ka yị wa ka ẹ kụ avaba ẹyị ene hi ịnị ẹngụ ẹnịnị dị ẹ nyịna achị ẹnịnị. 8Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ. 9Ẹnẹyịmavara kà, Imosiisi ọ kụ Anireevi nịnị vẹ ọvịdị ịragụ avaba Anisirẹrị nịnị ọvịdị ajẹngụ anị. 10Avaba Anisirẹrị nịnị ẹ sị ụvọ tụra wa, 11dị Eerọnị sị wa chire Ẹnẹyịmavara ụvọ anka ẹyịza ọnị ẹ sị yọ agụvị ẹ mẹ̀ ụkọrọ anị. 12Ọ vavẹ ịrẹma ọnọọ, dị Anireevi nịnị ẹ kụ ụvọ tụra ụnọ ẹnẹẹ ịrẹsụ. Dị a sị ụnọ ọnya mẹ̀ ịsọvọ ẹvagu ịvị, dị a rị ụnọ ọsa ịra dị a sị hine Ẹnẹyịmavara ayị. 13Ịrẹma ọsọnị, dị Anireevi nịnị va jẹẹ ọvịdị ụta anị eyi Eerọnị ọnịrị ezi anị, dị Eerọnị sị wa chire Ẹnẹyịmavara ụvọ. 14Ịsa ana a mẹ aanị, vaa sị zụ ka Anireevi nịnị ẹ sị vara ọtirenyi agụvị ka ẹ sị vara aza Ẹnẹyịmavara. 15Ẹnịnị ẹ nyẹngụ kụkụ aa mẹ̀ ụkọrọ ịnị ajẹngụ anị agụvị ka a raa sị wa chire Ẹnẹyịmavara ụvọ, dị ọ dọ wa nị. 16Anireevi nịnị Ohomorihi sị yị ẹngụ anị. Ẹnị ẹ jẹẹ udi ezi ịpaapa anọrụ Anisirẹrị nịnị ana vị anị nị. 17#Kụra 13.2Ọ̀ọ mẹ wụ ezi ịpaapa Anijipiti nịnị, ọ kà a ka avaba ezi anọrụ ịpaapa Anisirẹrị ọnịrị ịsụpa ẹnịnị kụkụ vị anị nị. 18Ama booro aanị, ọnị ọ ra nyị Anireevi nịnị dọ wa ịrẹsụ. 19Ẹnẹyịmavara kà ọnị ọ raa sị wa yị Eerọnị ọnịrị ezi anị. Ẹnịnị vị ana vaa mẹ̀ ụkọrọ ịnị ajẹngụ anị, dị ẹ mẹ̀ ịsọvọ ịvị Anisirẹrị agụvị ẹ gụrị ajẹngụ anị asị Ohomorihi kụ akanya tu wa.
 sị Anireevi nini chire Ohomorihi ụvọ
20Imosiisi ọnịrị Eerọnị ne beri Anisirẹrị nịnị ẹ mẹ̀ avaba ịsa ọnị Ẹnẹyịmavara kà yị Anireevi nịnị. 21Anireevi nịnị ẹ che enyi sẹ ẹngụ ẹnịnị, dị ẹ nyị ẹvagu hụụnị ịvị ẹnịnị, dị ẹ nyịna achị ẹnịnị. Dị Eerọnị sị wa vẹ ọvịdị ụta, dị ộ mẹ̀ ịsọvọ ịvị ẹnịnị agụvị dị Ẹnẹyịmavara ọ dọ wa. 22Eerọnị mẹ maanị sị ọ mẹ̀, dị Anireevi nịnị kụkụ aa mẹ̀ ụkọrọ ịnị ajẹngụ Ẹnẹyịmavara anka ọ mẹ mẹ̀ ọda yị wa nị. 23Ẹnẹyịmavara ộ kà yị Imosiisi ka; 24Anireevi nịnị ana sị gụ ẹhụ ịrayị ohurẹẹhị da va hịrẹ avọọ ẹ zụ mẹ̀ ụkọrọ ịnị ajẹngụ Ẹnẹyịmavara nị. 25Ama aza ana sị gụ ịrayị ẹvarẹwụ vị ana hụrẹ ụvọ ụkọrọ tịtẹ, dị ẹẹ tụ́ ụhwọ́, dị asị ẹ kụkụ mẹ̀ ụkọrọ vụrụ-vụrụ. 26Ẹngụ azọkụ ẹnẹẹ ẹ nyẹngụ gụ Anireevi nịnị ana a mẹ̀ ụkọrọ ụvọ kẹnẹ ama ẹnịnị ẹ yị nyị ụkọrọ ẹnẹ ẹ kụkụ aa mẹ.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ebira First Bible © Bible Society of Nigeria, 2014.