Matio Kāoŋ nu pa thɔ nu

Kāoŋ nu pa thɔ nu

Matio ni nāʼaŋ ŋwaʼaŋlɨ yei mfɛ pi ni pa ŋgwa Juu. Matio nōoŋ Jishɔ ŋa a ŋoŋ ŋa mishweishwei ŋgwa Juu ni nthɔ nchrā nu nthɛ vi, pugu pa ŋa a Ju yɛ ŋa Minnwi ni Nchuʼɔ Ntaoŋ nɔ Ŋkwe nɛ.

A pɨnɨ nuʼuŋ mfɨ̄ʼɨ ŋa Jishɔ ni nshwiʼi choŋkhi Jodaŋ ŋkwe ŋkhǐ fɔ, ntɔgɔ moŋ mōoŋ nu moŋ ŋkǔnu njó. Matio pɨnɨ nuʼuŋ nōoŋ ŋa Jishɔ ni ntɛrɛ paanchrɔ ghaŋ ntaoŋ nɔ nōoŋ nu paanchrɔ laʼataoŋ Ishrae. A pɨnɨ nuʼuŋ nōoŋ Jishɔ ŋa a Mushi fhi ŋa a thɔ nthɛ ŋa a kɨrɨ pa yaoŋ yɛʼi ŋa Jishɔ ni njɛʼi nɛ moŋ tiɛŋ kwíe. Wuʼɔ nɔ haʼaŋ Mushi ni nāʼaŋ tiɛŋ ŋwaʼaŋlɨ nɛ, a wuʼɔ ŋkwaŋ haʼaŋ Matio nūʼɔŋ chrà Jishɔ moŋ tiɛŋ mɛmmɛ kwíe nɛ.

Ŋwaʼaŋlɨ yei gha ndwigi nu, nōoŋ ŋkwaŋ haʼaŋ Jishɔ thɔ ni ŋkwaŋ lūgu nu fhi ni ŋgwa pi nɛ. Jishɔ thɔ ni lūgu nu yei ntɔgɔ pi ŋkuoŋ khu nu mi mbɨnɨ ŋkuʼɔ moŋ gu.

Đang chọn:

Matio Kāoŋ nu pa thɔ nu: bmo

Tô màu

Chia sẻ

Sao chép

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Tìm hiểu thêm về Ŋwaʼaŋlɨ Kɨǹ a Fhi

Matio Kāoŋ nu pa thɔ nu

Những câu Kinh Thánh phổ biến từ
Matio Kāoŋ nu pa thɔ nu

Kinh Thánh:

Bambalang

Bản dịch: Ŋwaʼaŋlɨ Kɨǹ a Fhi - bmo