Những câu Kinh Thánh phổ biến từ Joaancha Laenai 16

Chia sẻ

Coitucuhichene jerena caunne caa aitoon, quesenetaain raotojoeein rachoojoeein neeichene coina. Chaaen inara netonai, caa chauratane que necairichanaa coaraa curiquicheeine jaunna, raotojoeein rachoojoeein necairichanaa abaantaichene coinana aitoon. Caa chauratane curuaanaa Moconajaaera amuritohanune jaun, inara netonai laraajiin caa chauratane curuaanaa Moconajaaera amuritohichene coinana, coitucuhichene jerena caaun aitoon”, nae Cana Coaunera Calaohi Jesoso, aina nerelanaa nichaanune rai.

Inae turuha Cana Coaunera Suujuenete, rauhijiriin inara relaa cureein. Coatiha suujua caje rocohin aitorinaain. Aitoha Cana Coaunera najaan quete aitoha cureein, nitohaneein situsihane ajiniha coitucuhin neeichene coina.

Nihei caniha neeichene caje coaauneein, cacoreniha chaaelai bajaheeiche. Bajaaiche cacorenihanete, tiha cureein Cana Inaca, raotojoeein rachoojoeein neeichene coina.

Inara rai tejian caohachare cuhanune. Jana cuenihanune, urihei inara corihaneein inara suujua lararajiaain, inara coroatajaneraanu. Acate inara suujua lararajiaain, inara corihaneein inara coroatajanereein. Inae cuhanunena, canu letoareeunni. Aca inae turuhanete, cacha relaa cureein, osaaocuruhane coitucuuruha cachaaurune coina. Chaaen techu, caohati ichaonaa que cacha relaa aicheein. Jana ichaonaa caohacha sacunaa jeriheichurute, casetecaa cureein Cana Coaunera

Nii rijijieeinte nererojoecaaiche niqui ena. Nete, turuhin inara coaraa uhanune, aitohi rijitojoeein rachoojoenaa neein niha cureein inara suujua cuhanai. Nihei chunei inara caje nii rulunaa nainera. Nii bana inae cacaje, ‘Chatohaneein icharihacaanu’, naain cacaje cha bajariheicheein, inara netonai coitucuriquicheeine jaun. Chaaelai inaraacha latei bajaaiche cacorenihanete, tiha cureein Cana Inaca.

Esinaena rauhijiriin aitoreeunni. Inaderanaa caaunte chanaa curiquicheein. Nii janate inara coraaeca cuurureein caa chauratane que nenacaauru cachaauru. Nete rachoojoenaaneein necoriha cureein inara suujua.