Những câu Kinh Thánh phổ biến từ Ịrịka 14

Chia sẻ

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ẹnẹyịmavara ọ mā hụra kụ́ ayị. Oo sì ịrẹyị ọza ẹtẹẹtẹrẹ, dị ọọ̄ vagu avaba ebira ọnịrị akamawụ aza. Ama ọọ̄ sị ụya rị ọza anaa mị ebira odivi nị. Ụya ebira odivi ẹnịnị ọ yị hụrị ịrẹsụ ẹnịnị paa.

Ayị Ẹnẹyịmavara òo hine tu ẹnị, ọ va sị ẹnị na ngụ ịzọọ ẹngwọọrọ, dị ọ sị ẹtẹ ọnọọ yị ẹnị. Ịzọọ vị ẹtẹ ozoza, ẹtẹ ize.

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Dị Ẹnẹyịmavara kà Imosiisi ọ̀ ka yị wa ka ọnị o hị́ eku ka ọnị aa mẹ ịsị e yee họ̀ use anị aanị.

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị. Dị ẹ ka yị ịragụ Anisirẹrị nịnị ka ẹtẹ ọnị ẹnị ne ree vị aha ọyịza.

Ama anka ọnị mẹ yara dị ụbanyị dọ avaba ẹhẹ, ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị. Ẹnịnị ẹ yị vee re ẹtẹ ọnị ọnị hị́ eku anị yị ohiku ẹnịnị. Ẹ yị vaa nyị ọza ana sị eyi wụ ọnị ana vaa ngụ ịzọọ.