1Dis book tell wat God wen show Jesus Christ fo him show his worka guys da stuff dat goin happen fo shua real quick. Az why Jesus Christ wen sen one angel messenja guy fo show all dat to me, John, cuz I one a his worka guys. 2Me, I stay telling wat I see an hear—da tings God tell, an da trut bout Jesus Christ.
3Whoeva read dis book to odda peopo, an erybody dat lissen da stuff dat God tell goin happen, an do wat da book tell um fo do, dey goin stay good inside, cuz az time awready fo dat happen.
John Give His Aloha To Da Seven Churches
(Rules Secon Time 7:13; Zekariah 2:10, 12)
Dis letta from me, John. I stay write um to you church peopo dat come togedda inside seven churches inside West Asia. I like God do plenny good tings fo you guys, an make you guys so notting bodda you. Az da One dat stay now, an stay from befo time, an goin stay foeva! An da seven spirits in front God throne, I like dem do good tings fo you guys too.
An Jesus Christ, da Spesho Guy God Wen Sen,
I like him do plenny good tings fo you guys.
Can trus him fo tell da trut bout wat God tell him.
He da firs One dat come back alive from mahke.
He da main leada ova all da kings inside da world.
He da One dat get love an aloha fo us guys.
He wen bleed an mahke,
An make us come clean
From all da bad kine stuff we do.
Outa 19:6; JShow 5:10 Christ wen come da king fo us guys,
An make us all come prieses
Fo work fo God, his Faddah.
We goin tell how awesome he stay.
He get powa foeva an eva!
Dan 7:13; Matt 24:30; Mark 13:26; Luke 21:27; 1Tess 4:17;
Zek 12:10; John 19:34, 37;
Zek 12:10; Matt 24:30 Try look! Look!
Jesus stay come inside da clouds!
Erybody goin see him,
Even da guys dat wen stab him wit dea spear.
All da diffren peopos all ova da world goin cry
An feel bad inside cuz wat wen happen to him.
Dass how goin be!
Da One In Charge, he tell, “I eryting, from firs to las, A to Z.” He da One dat stay now, dat stay from befo time, an dat goin stay foeva! Him da One dat get all da powa!
John See Christ
9Me, I you guys braddah John. I jalike you guys, cuz I stay tight wit Jesus too. Cuz a dat, I stay suffa plenny jalike you guys. I get Jesus fo king jalike you guys. An I stay hang in dea jalike you guys. Dey put me on top Patmos Islan cuz I stay tell wat God tell, az da trut dat Jesus Christ tell. 10One Sunday, da day fo Da One In Charge, God Spirit take ova me. An I wen hear one loud voice behind me, dat soun jalike one trumpet. 11He tell, “Write down inside one book da stuff you goin see, an sen um to da peopo inside da seven churches, da ones inside Efesus, Smyrna, Pergamum, Tyatira, Sardis, Philadelphia, an Laodicea.”
12I turn aroun fo see dat stay talk to me, an wen I turn, I see seven gold stans fo put lamps on top. 13#Dan 7:13; Dan 10:5An in da middo, had somebody dat look jalike us. He get one long robe dat hang down to his feet, an one gold cloth ova his shoulda an across his ches. 14#Dan 7:9#Dan 10:6His head an hair was all white, jalike da white wool an da snow, an his eyes stay shine jalike da fire. 15#Ezek 1:24; 43:2His feets look jalike brass metal dat shine wen dey put um inside da real hot fire, an his voice soun like da waves dat poun an make big noise. 16Inside his right hand, he hold seven stars! From outa his mout, come one sword dat get da two side sharp! His face stay shine, jalike wen da sun shine real strong!
Isa 44:6; 48:12; JShow 2:8; 22:13 Wen I see him, I go down by his feets jalike I mahke. Den he put his right hand on top me an tell, “Eh, no sked! I da One dass firs an las. 18I da One dat stay alive! I wen mahke, but look! Now I stay alive foeva! I get da powa fo open da door fo da place wea da mahke peopo stay, cuz I get da key an can make mahke peopo come alive!
19“So den, write down eryting you see—da tings dat stay happen now, an da tings dat goin happen bumbye. 20Da seven stars you see inside my right hand, an da seven gold stans fo put da lamps on top, dass one secret dat I goin tell you now. Da seven stars, dey da seven messenja guys fo da seven churches. An da seven gold stans fo put da lamps on top, dey da peopo inside da seven churches.”