Psalm 1:1-3

مُبارک ہے وہ آدمی جو شرِیروں کی صلاح پر نہیں چلتا
اور خطاکاروں کی راہ میں کھڑا نہیں ہوتا
اور ٹھٹّھابازوں کی مجلِس میں نہیں بَیٹھتا
بلکہ خُداوند کی شرِیعت میں اُس کی خُوشنُودی ہے
اور اُسی کی شرِیعت پر دِن رات اُس کا دِھیان رہتا ہے۔
وہ اُس درخت کی مانِند ہو گا جو پانی کی ندیوں کے پاس لگایا گیا ہے۔
جو اپنے وقت پر پھلتا ہے
اور جِس کا پتّا بھی نہیں مُرجھاتا۔
سو جو کُچھ وہ کرے باروَر ہو گا۔