ہر روز خُدا کی قربت میںنمونہ

خُداوند یسوع مسیح کے خون خریدے

ہم کو اُس میں اُس کے خون کے وسیلہ سے مخلصی (رہائی اور نجات) یعنی قصوروں (کمزوریوں اور غلطیوں) کی معافی (معافی) اُس کے اُس فضل کی دولت کے موافق حاصل ہے۔افسیوں 1 : 7

بُلند آواز سے اپنے آپ سے مخاطب ہوتے ہوئے یہ کہیں کہ "مجھے قیمت دے کر خریدا گیا ہے اور گناہ سے صاف کیا گیا ہے؛ عزیز سمجھ کر مول لیا گیا ہے؛ میری قیمت اَدا کی گئی ہے اور خُدا نے مجھے اپنا بنایا ہے۔"

آپ کو گناہ اور اس کے سبب سے پیدا ہونے والی ساری "موت" سے رہائی ملی ہے۔ فکر، پریشانی اور خوف موت کی صورتیں ہیں۔ جھگڑا، کڑواہٹ، کینہ اور نامعافی بھی موت کی صورتیں ہیں۔ خُداوند یسوع مسیح کا لہو ان کی واحد دوا ہے۔

باپ کے لئے خُداوند یسوع مسیح کا لہو بہت قیمتی ہے اور ہمارے لئے بھی بیش قیمت ہونا چاہیے۔ قیمتی چیز وہ ہوتی ہے جس کی ہم حفاظت کرتے ہیں، جس کےبارے میں ہم محتاط رہتے ہیں اور ایک ایسی چیز جس سے ہم جُدا ہونا نہیں چاہتے۔ خُداوند یسوع مسیح کا لہو قیمتی ہے اور ہمیں آسمانی باپ کی قربت بخشتا ہے۔ اُس کی قربانی نے خُدا اور انسان کے درمیانی پردے کو ہٹا دیا اور اب ہمارے پاس خُدا سے قربت اور نزدیکی اور اُس کے پاس مفت رسائی حاصل کرنے کا ایک موقع ہے (عبرانیوں 10: 18 – 22)۔

خُداوند یسوع مسیح کا لہو ہمیں گناہ سے صاف کرتا ہے اور مسلسل ہمیں صاف کرتا رہے گا(1 یوحنا 1 : 9)۔ اس کا لہو ایک طاقت ور صفائی کا ذریعہ ہے۔ جیسا کہ ہمارا خون ہمارے بدن کو تمام زہر سے صاف کرتا ہے، خُداوند یسوع میسح کا خون جس بھی صورت میں ظاہر ہو مسلسل ہمیں تمام گناہ سے پاک کرتا ہے۔

خُداوند یسوع مسیح کے خون کی قدرت پر بھروسہ کریں کیونکہ وہ آپ کو مسلسل ہر قسم کے گناہ سے پاک کرتا رہے گا۔