Matɨyui 11
11
Jonɨmɨre mɨdɨdisaraarɨ Jizaazaryawɨnna maryaasake'nesɨ.
(Lukɨ 7:18-35)
1Jizaazai gannya sɨvɨlɨrɨdaa'nyɨ pwaraala saraavɨre wawɨnya'na kɨwɨnya daza' tɨvi'na jɨku'na yaka sabadaa'nyɨ kumɨre anga naanga sawɨnna kaanna wɨna yaka a'mweraavɨ wɨjɨwɨryada wɨjɨwaakɨna yɨna ya'.
2Jonɨ kalavuzavɨ mwaalɨna yada Kɨraazɨtɨyai yadaa'nyɨya yuya sanna Jonɨ kadɨka wɨ'nyɨna yaka gannya mɨdɨdisaraarɨ gamɨnyawɨnna maryaasɨna. 3Dara wɨdaasɨna “Nemɨ ‘Sɨgunyavɨdaa'nyɨ bathelyɨra,’ dadaanyaigɨ dahwaigɨ dɨngaka? Pwarɨna yemwalaadei dɨngaka?” 4Sara wɨdaasɨna yakeraai Jizaazarɨ yɨdaanganna kyagi yagaalyavɨ tɨvɨkɨ'na “Jonɨmyawɨnna kɨrɨmɨ yuya kadɨka wɨ'nagɨla tɨnna wangamanɨgɨla sannajɨ duthɨthaakwila! 5Tɨbɨnyara tɨnna yenyɨna, sɨvɨla kayaa'nanyara kaanya yamarina, samatanakera nawɨ'nya yɨma'nyɨna, a'mwe kadɨka mu'nyɨmu'nyara yagaalyangɨ kadɨka wɨ'nyɨna, bainɨkera ayɨna yɨdɨkaa'na, a'mwe nɨgwɨmaayaraavɨ yagaala tewaanya' wɨjɨwaakɨna yadɨnyainyɨ. 6Nabaai nɨmɨnyɨna pwai sɨmunya pɨrɨwaalyɨyai mamwaalyɨ yajai dɨragɨnya nyɨlɨmwagazai yɨ dazai yɨlaaya yada tewaanaanga yɨnɨkelyɨra.” Jizaazai Jonɨmɨna sara wɨda'.
7Jonɨmɨre saraai mena wɨna yadaakɨlyɨ sagaa' Jizaazai Jonɨmɨna kwala bwa'naanyavɨ dara wɨdɨna “A'mwera maayabanna sarɨmɨ kaanna wɨna yeva bewarɨ wanganaaweva? Suya pɨrɨkɨ yɨhusa' galalɨwihɨrakerɨ'bɨsarɨ dahawanganaawe'? 8Aawa. Sarɨmɨ tɨnna bewarɨ wanganaaweva? Baazɨ'ma'nya wolata baazɨ'ma'nɨkerɨ dahawanganaawe'? Aawa. Yɨthaanyi! Baazɨ'ma'nya wolata baazɨ'ma'nadɨvɨ' kingɨyaraavɨre angengɨ mwaaidɨvɨsare. 9Kɨrɨ' bewarɨna waweva? Pɨropetɨyarɨ Gotɨyarɨ wɨ'nawɨjɨwaakaderɨ wanganya'neihi dɨngaka? Yo, yɨhɨthɨvanɨge. Dazahwai pɨropetɨyai yaka kɨrɨ' pɨropetɨyaraavɨrebwi wavɨlavɨkelyɨ. 10Yune a'mwe sahwarɨna dɨnɨkerɨnesɨ. Gotɨyai dara wɨjaa'
‘Yɨthaa, nɨmɨre wɨjɨwaakya'nei maryasaabɨdelyɨ.
Gɨmɨnyɨna sɨnnawɨ waanyɨna yadelyɨ.
Gɨmɨnne tutaanya maryovɨrawakɨna yadelyɨ.’
11Nebulya'na yɨhɨthɨvanɨge. Jonɨ Bavɨtaazɨya Yadei a'mweraavɨdaa'nyara Kwaakevakɨ yɨma'nɨgata yuyaraavɨ wavɨlavɨkelyɨ. Kɨrɨ' Sɨgunyavɨya Gotɨyai maremwaaidevɨne a'mwe yune maalɨkei yɨ sahwai Jonɨmɨ wavɨlavɨkelyɨ. 12Jonɨ Bavɨtaazɨya Yaderegaa' dahaa' kuna yɨvanɨga'. A'mwera Sɨgunyavɨya Gotɨyai maremwaaide' dɨragɨnna yawɨramaa'manɨgasa'nanyɨ. Yɨ a'mwe dɨragɨnaangera dɨragɨnna lɨmwaga'manɨgasa'nanyɨ. 13Sare' dare'nesɨ. Pɨropetɨya yuyara dɨnɨkejɨ Kɨwɨnya kɨnɨjɨ dara dɨnɨ' ‘Naangei yuyaraavɨ maremwaaladelyɨ.’ Sara dɨnɨke' nabaai aayaangei Jonɨ nɨmɨnyɨna sara wɨdakelyɨ. Sagaa'nanyɨra. 14Nabaai ‘Maremwaalade' myɨma'nyɨ kyojɨ sɨnnawɨ pwai bathelyɨ. Sahwai Yɨlaajare wawɨnya' yaake' makabathelyɨ.’ Sara dɨnɨkesɨ. Sarɨmɨ ‘Kadɨka wɨ'naajaina,’ yawɨrapɨjɨyaihi du'nyɨla! Jonɨ Yɨlaajalyɨ. 15A'mwe kadɨ'nakei yagaala daza' nayaa wɨ'nana!
16A'mwe dahaasaraavɨna benɨbɨtaraavaka! Darebaaibɨsarera. Angwaasabanna avaannya'ne kaimɨraayara mwaaleva kaimɨraaya pwaraavɨna jaka wɨdangamanɨga' 17(Jonɨmɨne'na)
‘Avaannya'na mudɨkangengɨne gware maku'manɨgo
Kɨrɨ' “Kwarame aala!” dɨvanɨgave!’
(Nɨmɨnyɨne'na wɨdangamanɨga')
‘Nemɨ baryangɨne kɨdaata dɨvanɨgo
Kɨrɨ' “Kaladaata aala!” dɨvanɨgave!’
18Sare aaya kaavɨlya' da'daresɨ. Jonɨ bakegaa' wapaaya ge gejɨ waainɨyasɨ ‘Aala!’ dada mwaalake'na dara dɨna yɨvanɨga', ‘Yɨmakei kɨnɨnnakelyɨ.’ 19A'mweraavɨne Kaimɨraayai bɨwa'dɨkegaa' wapaaya ge gejɨ waainɨyasɨ nada mwaalɨke'na dɨna ‘Yɨthaanyi! A'mwe sahwai munaanga naangesɨyai nɨvanɨkelyɨra. Nabaai waainɨya kwalaalya nɨvanɨkelyɨra. Taakɨzɨya maa'dɨvɨsaraavɨjɨ kɨwɨnya galazekɨvaidɨvɨsaraavɨjɨ kwɨya'mwelyɨra.’ Jonɨjɨ sainaai Gotɨyare sɨdusabwina maarola wawɨnya nawɨ'nya yɨvanɨgolyainaalyɨ. Wawɨnya sa sɨdu'nakera dara yawɨranganna ‘Gotɨyare sɨduta tewaanyabwina sara yɨvanɨgi. Yɨda'maraangesɨra.’ ”
Anga pɨbanyara malɨmwagyaraavɨnesɨ.
(Lukɨ 10:13-15)
20Sagaa' anga pɨbanyaavɨ Jizaazai gamɨre dɨragɨnya kwalaalya yaka kɨrɨ' sɨmunya mudɨkebwi myawɨryeva. Sare'na dazagaa' sahwai maanga gaai dara wɨdɨna 21“We'! Korazinɨ mwaalyaihɨle! Betɨzaaitha mwaalyaihɨle! We'! We'! Kayaa'na yɨhyadeihɨlyɨ. Menyaraavɨreba Taayaa mwaalyarajɨ Saaithonɨ mwaalyarajɨ nɨmɨ dɨragɨnaanga sa sarɨmɨre angeba yɨwa'dengɨ tɨnna wangabɨzɨ kwajɨ yɨ kɨgaakuna sɨmunya mudɨkebwi yarai kyawɨramaapɨdɨka! Kumɨrebwina kale wiadaa'nyɨ baazɨ'ma'nya kɨrɨkɨrɨnakera mwaaidɨvɨ' kwaagɨsasɨ kavu'nɨpɨdɨka! Sare'na kayaa'na yɨhyadeihɨlyɨra. 22Sare kɨrɨ' yɨhɨthɨvanɨge. Kotɨya marya'ne yɨrɨkerɨkɨ Taayaa mwaalyarajɨ Saaithonɨ mwaalyarajɨ saraavɨre taanginya' naanga sabɨta mɨ'. Taanga yɨhɨvɨramaarade sa' wavɨlavadesɨ. 23Nabaai Kaapanɨyamɨ mwaalyaihi Sɨgunyavɨna yɨhɨmakɨladeihi dɨngaka? Aawa. Dɨkevɨ dalaawideihɨlyɨra. Anga Sothomɨ nɨmɨ dɨragɨnya da sarɨmɨre angeba yɨwa'dengɨ yɨwɨjɨ kwajɨ dahaasagaa' kuna kamannadɨka! 24Kɨrɨ' yɨhɨthɨvanɨge. Kotɨya marya'ne yɨrɨkerɨkɨ Sothomɨ mwaalyaraavɨre taanginya maalɨka yaka sabaaibɨ' yɨhyade'na mɨ'. Taanga sarɨmɨnyɨ yɨhyade' wavɨlavadesɨ.”
“Nɨmɨnyawɨnna bapɨjɨ kwazaaka dɨmwaalyɨla!” dɨnɨke'nesɨ.
(Lukɨ 10:21-22)
25Dazagaa' Jizaazai dara dɨna “Nɨmwai! Sɨgunyavɨnajɨ Kwaaka davakɨnajɨ Naangeigɨnyɨra. Su! Su! Yuya dazanna ‘A'mwe sɨmunya nayaa yawɨ'daanyaina sɨdu'nakeinera. Gotɨyarɨ myawɨraanna!’ yawɨ'dɨvɨta saraavɨna lɨka yulyakɨvanɨgɨ. Sara yagɨna ‘Nemɨ yune kaimɨraaya maalɨkeina. Sɨdu'maayaina,’ yawɨ'dɨvɨsaraavɨna wibwarɨdaakuvanɨgɨnya'na ‘Su! Su!’ gɨthɨvanɨge. 26Yo, Nɨmwai, gɨmɨre sabwi sasarebulyɨ. Gɨmɨre yawɨta ‘Sare' wabahɨlaaka nawɨ'nya' nyɨwa',’ dahɨna sara yɨvanɨgɨnya'nanyɨ. 27Nɨmaamaangei yuyajɨ yuyaburajɨ nyɨmarɨmwangakeinyɨ saza maremwaaidɨnyainyɨ. Gawaalɨkɨ nayaa yuna yawɨrangadei aane pwai kwai mɨ'. Aawa. Nɨmwai gave sahwaina Gawaalɨkɨ nayaa yawɨrangadelyɨ. Nabaai Nɨmwarɨ gazaizai nayaa yawɨrangadei pwai mɨ'. Aawa. Gawaalɨ' gave sahwaina Nɨmwarɨ nayaa yawɨrangadelyɨ. Yɨ Gawaalɨ' pwai kwarɨna dara yawɨ'na ‘A'mwe sahwarɨna Nɨmwarɨ yawɨranganya'na wibwarɨdaakuma!’ Yɨ sara yawɨraja' sahwara Nɨmwarɨ yawɨrangabɨ'derera.
28A'mweihi yagɨyagɨ yadɨvɨ' taanga naanga maa'manɨgasaihi yuyaihi nɨmɨnyawɨnna dɨvila! Nɨmɨ sarɨmɨnyɨne kuryaraavɨ kwazaake'neihɨrɨ yɨhɨmwaaihɨdeinyɨra. 29Kwaamu'nanyainyɨ sɨmɨlɨka yarai manyulyade'najɨ nɨmɨre sɨmunyavɨ nɨmɨ sainyɨ walamarakɨdɨnya'najɨ nɨmɨrebwi maa'dɨvɨ' nɨmɨreihi yɨma'nadɨvɨ' nɨmɨre yagaala jawɨramaarila! Sara yapɨjɨ sarɨmɨre kuryara kwazaake' bɨramaa'dɨvɨ' kwaamu'nanyaihi dɨmwaalyideihɨlyɨ. 30Sare' dare'nesɨ. Nɨmɨrebwi tewaanyabulyɨ. Taange'na mɨ'. Sare' yɨhɨhaimwagɨdeihɨlyɨ. Nɨmɨre taange' naange' mɨ'. Sare' nɨmɨre dɨragɨnya' yɨhɨzaavɨdeihɨlyɨ.”
موجودہ انتخاب:
Matɨyui 11: byr
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2013, Wycliffe Bible Translators, Inc. All rights reserved.
Matɨyui 11
11
Jonɨmɨre mɨdɨdisaraarɨ Jizaazaryawɨnna maryaasake'nesɨ.
(Lukɨ 7:18-35)
1Jizaazai gannya sɨvɨlɨrɨdaa'nyɨ pwaraala saraavɨre wawɨnya'na kɨwɨnya daza' tɨvi'na jɨku'na yaka sabadaa'nyɨ kumɨre anga naanga sawɨnna kaanna wɨna yaka a'mweraavɨ wɨjɨwɨryada wɨjɨwaakɨna yɨna ya'.
2Jonɨ kalavuzavɨ mwaalɨna yada Kɨraazɨtɨyai yadaa'nyɨya yuya sanna Jonɨ kadɨka wɨ'nyɨna yaka gannya mɨdɨdisaraarɨ gamɨnyawɨnna maryaasɨna. 3Dara wɨdaasɨna “Nemɨ ‘Sɨgunyavɨdaa'nyɨ bathelyɨra,’ dadaanyaigɨ dahwaigɨ dɨngaka? Pwarɨna yemwalaadei dɨngaka?” 4Sara wɨdaasɨna yakeraai Jizaazarɨ yɨdaanganna kyagi yagaalyavɨ tɨvɨkɨ'na “Jonɨmyawɨnna kɨrɨmɨ yuya kadɨka wɨ'nagɨla tɨnna wangamanɨgɨla sannajɨ duthɨthaakwila! 5Tɨbɨnyara tɨnna yenyɨna, sɨvɨla kayaa'nanyara kaanya yamarina, samatanakera nawɨ'nya yɨma'nyɨna, a'mwe kadɨka mu'nyɨmu'nyara yagaalyangɨ kadɨka wɨ'nyɨna, bainɨkera ayɨna yɨdɨkaa'na, a'mwe nɨgwɨmaayaraavɨ yagaala tewaanya' wɨjɨwaakɨna yadɨnyainyɨ. 6Nabaai nɨmɨnyɨna pwai sɨmunya pɨrɨwaalyɨyai mamwaalyɨ yajai dɨragɨnya nyɨlɨmwagazai yɨ dazai yɨlaaya yada tewaanaanga yɨnɨkelyɨra.” Jizaazai Jonɨmɨna sara wɨda'.
7Jonɨmɨre saraai mena wɨna yadaakɨlyɨ sagaa' Jizaazai Jonɨmɨna kwala bwa'naanyavɨ dara wɨdɨna “A'mwera maayabanna sarɨmɨ kaanna wɨna yeva bewarɨ wanganaaweva? Suya pɨrɨkɨ yɨhusa' galalɨwihɨrakerɨ'bɨsarɨ dahawanganaawe'? 8Aawa. Sarɨmɨ tɨnna bewarɨ wanganaaweva? Baazɨ'ma'nya wolata baazɨ'ma'nɨkerɨ dahawanganaawe'? Aawa. Yɨthaanyi! Baazɨ'ma'nya wolata baazɨ'ma'nadɨvɨ' kingɨyaraavɨre angengɨ mwaaidɨvɨsare. 9Kɨrɨ' bewarɨna waweva? Pɨropetɨyarɨ Gotɨyarɨ wɨ'nawɨjɨwaakaderɨ wanganya'neihi dɨngaka? Yo, yɨhɨthɨvanɨge. Dazahwai pɨropetɨyai yaka kɨrɨ' pɨropetɨyaraavɨrebwi wavɨlavɨkelyɨ. 10Yune a'mwe sahwarɨna dɨnɨkerɨnesɨ. Gotɨyai dara wɨjaa'
‘Yɨthaa, nɨmɨre wɨjɨwaakya'nei maryasaabɨdelyɨ.
Gɨmɨnyɨna sɨnnawɨ waanyɨna yadelyɨ.
Gɨmɨnne tutaanya maryovɨrawakɨna yadelyɨ.’
11Nebulya'na yɨhɨthɨvanɨge. Jonɨ Bavɨtaazɨya Yadei a'mweraavɨdaa'nyara Kwaakevakɨ yɨma'nɨgata yuyaraavɨ wavɨlavɨkelyɨ. Kɨrɨ' Sɨgunyavɨya Gotɨyai maremwaaidevɨne a'mwe yune maalɨkei yɨ sahwai Jonɨmɨ wavɨlavɨkelyɨ. 12Jonɨ Bavɨtaazɨya Yaderegaa' dahaa' kuna yɨvanɨga'. A'mwera Sɨgunyavɨya Gotɨyai maremwaaide' dɨragɨnna yawɨramaa'manɨgasa'nanyɨ. Yɨ a'mwe dɨragɨnaangera dɨragɨnna lɨmwaga'manɨgasa'nanyɨ. 13Sare' dare'nesɨ. Pɨropetɨya yuyara dɨnɨkejɨ Kɨwɨnya kɨnɨjɨ dara dɨnɨ' ‘Naangei yuyaraavɨ maremwaaladelyɨ.’ Sara dɨnɨke' nabaai aayaangei Jonɨ nɨmɨnyɨna sara wɨdakelyɨ. Sagaa'nanyɨra. 14Nabaai ‘Maremwaalade' myɨma'nyɨ kyojɨ sɨnnawɨ pwai bathelyɨ. Sahwai Yɨlaajare wawɨnya' yaake' makabathelyɨ.’ Sara dɨnɨkesɨ. Sarɨmɨ ‘Kadɨka wɨ'naajaina,’ yawɨrapɨjɨyaihi du'nyɨla! Jonɨ Yɨlaajalyɨ. 15A'mwe kadɨ'nakei yagaala daza' nayaa wɨ'nana!
16A'mwe dahaasaraavɨna benɨbɨtaraavaka! Darebaaibɨsarera. Angwaasabanna avaannya'ne kaimɨraayara mwaaleva kaimɨraaya pwaraavɨna jaka wɨdangamanɨga' 17(Jonɨmɨne'na)
‘Avaannya'na mudɨkangengɨne gware maku'manɨgo
Kɨrɨ' “Kwarame aala!” dɨvanɨgave!’
(Nɨmɨnyɨne'na wɨdangamanɨga')
‘Nemɨ baryangɨne kɨdaata dɨvanɨgo
Kɨrɨ' “Kaladaata aala!” dɨvanɨgave!’
18Sare aaya kaavɨlya' da'daresɨ. Jonɨ bakegaa' wapaaya ge gejɨ waainɨyasɨ ‘Aala!’ dada mwaalake'na dara dɨna yɨvanɨga', ‘Yɨmakei kɨnɨnnakelyɨ.’ 19A'mweraavɨne Kaimɨraayai bɨwa'dɨkegaa' wapaaya ge gejɨ waainɨyasɨ nada mwaalɨke'na dɨna ‘Yɨthaanyi! A'mwe sahwai munaanga naangesɨyai nɨvanɨkelyɨra. Nabaai waainɨya kwalaalya nɨvanɨkelyɨra. Taakɨzɨya maa'dɨvɨsaraavɨjɨ kɨwɨnya galazekɨvaidɨvɨsaraavɨjɨ kwɨya'mwelyɨra.’ Jonɨjɨ sainaai Gotɨyare sɨdusabwina maarola wawɨnya nawɨ'nya yɨvanɨgolyainaalyɨ. Wawɨnya sa sɨdu'nakera dara yawɨranganna ‘Gotɨyare sɨduta tewaanyabwina sara yɨvanɨgi. Yɨda'maraangesɨra.’ ”
Anga pɨbanyara malɨmwagyaraavɨnesɨ.
(Lukɨ 10:13-15)
20Sagaa' anga pɨbanyaavɨ Jizaazai gamɨre dɨragɨnya kwalaalya yaka kɨrɨ' sɨmunya mudɨkebwi myawɨryeva. Sare'na dazagaa' sahwai maanga gaai dara wɨdɨna 21“We'! Korazinɨ mwaalyaihɨle! Betɨzaaitha mwaalyaihɨle! We'! We'! Kayaa'na yɨhyadeihɨlyɨ. Menyaraavɨreba Taayaa mwaalyarajɨ Saaithonɨ mwaalyarajɨ nɨmɨ dɨragɨnaanga sa sarɨmɨre angeba yɨwa'dengɨ tɨnna wangabɨzɨ kwajɨ yɨ kɨgaakuna sɨmunya mudɨkebwi yarai kyawɨramaapɨdɨka! Kumɨrebwina kale wiadaa'nyɨ baazɨ'ma'nya kɨrɨkɨrɨnakera mwaaidɨvɨ' kwaagɨsasɨ kavu'nɨpɨdɨka! Sare'na kayaa'na yɨhyadeihɨlyɨra. 22Sare kɨrɨ' yɨhɨthɨvanɨge. Kotɨya marya'ne yɨrɨkerɨkɨ Taayaa mwaalyarajɨ Saaithonɨ mwaalyarajɨ saraavɨre taanginya' naanga sabɨta mɨ'. Taanga yɨhɨvɨramaarade sa' wavɨlavadesɨ. 23Nabaai Kaapanɨyamɨ mwaalyaihi Sɨgunyavɨna yɨhɨmakɨladeihi dɨngaka? Aawa. Dɨkevɨ dalaawideihɨlyɨra. Anga Sothomɨ nɨmɨ dɨragɨnya da sarɨmɨre angeba yɨwa'dengɨ yɨwɨjɨ kwajɨ dahaasagaa' kuna kamannadɨka! 24Kɨrɨ' yɨhɨthɨvanɨge. Kotɨya marya'ne yɨrɨkerɨkɨ Sothomɨ mwaalyaraavɨre taanginya maalɨka yaka sabaaibɨ' yɨhyade'na mɨ'. Taanga sarɨmɨnyɨ yɨhyade' wavɨlavadesɨ.”
“Nɨmɨnyawɨnna bapɨjɨ kwazaaka dɨmwaalyɨla!” dɨnɨke'nesɨ.
(Lukɨ 10:21-22)
25Dazagaa' Jizaazai dara dɨna “Nɨmwai! Sɨgunyavɨnajɨ Kwaaka davakɨnajɨ Naangeigɨnyɨra. Su! Su! Yuya dazanna ‘A'mwe sɨmunya nayaa yawɨ'daanyaina sɨdu'nakeinera. Gotɨyarɨ myawɨraanna!’ yawɨ'dɨvɨta saraavɨna lɨka yulyakɨvanɨgɨ. Sara yagɨna ‘Nemɨ yune kaimɨraaya maalɨkeina. Sɨdu'maayaina,’ yawɨ'dɨvɨsaraavɨna wibwarɨdaakuvanɨgɨnya'na ‘Su! Su!’ gɨthɨvanɨge. 26Yo, Nɨmwai, gɨmɨre sabwi sasarebulyɨ. Gɨmɨre yawɨta ‘Sare' wabahɨlaaka nawɨ'nya' nyɨwa',’ dahɨna sara yɨvanɨgɨnya'nanyɨ. 27Nɨmaamaangei yuyajɨ yuyaburajɨ nyɨmarɨmwangakeinyɨ saza maremwaaidɨnyainyɨ. Gawaalɨkɨ nayaa yuna yawɨrangadei aane pwai kwai mɨ'. Aawa. Nɨmwai gave sahwaina Gawaalɨkɨ nayaa yawɨrangadelyɨ. Nabaai Nɨmwarɨ gazaizai nayaa yawɨrangadei pwai mɨ'. Aawa. Gawaalɨ' gave sahwaina Nɨmwarɨ nayaa yawɨrangadelyɨ. Yɨ Gawaalɨ' pwai kwarɨna dara yawɨ'na ‘A'mwe sahwarɨna Nɨmwarɨ yawɨranganya'na wibwarɨdaakuma!’ Yɨ sara yawɨraja' sahwara Nɨmwarɨ yawɨrangabɨ'derera.
28A'mweihi yagɨyagɨ yadɨvɨ' taanga naanga maa'manɨgasaihi yuyaihi nɨmɨnyawɨnna dɨvila! Nɨmɨ sarɨmɨnyɨne kuryaraavɨ kwazaake'neihɨrɨ yɨhɨmwaaihɨdeinyɨra. 29Kwaamu'nanyainyɨ sɨmɨlɨka yarai manyulyade'najɨ nɨmɨre sɨmunyavɨ nɨmɨ sainyɨ walamarakɨdɨnya'najɨ nɨmɨrebwi maa'dɨvɨ' nɨmɨreihi yɨma'nadɨvɨ' nɨmɨre yagaala jawɨramaarila! Sara yapɨjɨ sarɨmɨre kuryara kwazaake' bɨramaa'dɨvɨ' kwaamu'nanyaihi dɨmwaalyideihɨlyɨ. 30Sare' dare'nesɨ. Nɨmɨrebwi tewaanyabulyɨ. Taange'na mɨ'. Sare' yɨhɨhaimwagɨdeihɨlyɨ. Nɨmɨre taange' naange' mɨ'. Sare' nɨmɨre dɨragɨnya' yɨhɨzaavɨdeihɨlyɨ.”
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2013, Wycliffe Bible Translators, Inc. All rights reserved.