Jenɨzɨzɨ 39
39
Potipaare a'mwe' Jozepɨyarɨ yaamɨjɨ wiaa'.
(39:1-23)
1-5Kwaaka Yɨzɨpɨna Mithɨyanɨ mwaalyara Jozepɨyarɨ makuna yeva A'mwe Potipaarɨna mubye'. Kwaaka Yɨzɨpɨ saba maremwaalakei Peroyalyɨra. Potipaai Peroyare a'mwe naangelyɨra. Gotɨyai Jozepɨyarɨ wɨgaimwanna yada Jozepɨyai gannya wawɨnya nayaa yɨna ya'. Nayaa yɨna yadaasɨ Potipaai dara wanganake' “Gamɨre wawɨnya tewaanya jɨvanɨka!” Sara daka gannya angasɨ gannya gɨlyɨvɨsajɨ maremwaaiderɨ wɨmwaaiha'. Wɨmwaaihɨna kya' Gotɨyai Potipaarɨna tewaanna ya'.
6-9Jozepɨyai tewaanyai angevɨ wɨla'dɨsɨ Potipaare a'mwe' “Tewaanyarɨna maarɨma!” daka wɨda' “A'mwaagaigɨ, avaanna wɨlakade'nanyɨ.” Sara kuda' Jozepɨyai “Aala,” wɨdɨna ya'. “Potipaai gannya gɨlyɨvɨsa maremwaaina yadɨnyainyɨ nyɨmwaaihɨna ya'. Gamɨre'gɨnyɨra. Nɨmɨre'gɨ daaka! Sara nɨmɨ myɨwɨnera! Sabwi kya'mujɨ Gotɨyai nɨmɨnyɨna sɨmunya kayaa'na nanyawɨradɨka!” wɨdɨna ya'.
10-23Gazagaasagaa' Potipaare a'mwe' sana sana wɨdade' Jozepɨyai “Aala,” sara wɨda'. Pɨgaa' sara wɨdakei “Nɨmɨre wawɨnya yɨma!” daka angevɨ wɨla'na ya'. Wɨla'na yadɨsɨ Potipaare a'mwe gave' mwaalaka gamɨre baazɨ'ma'nyavɨ lɨmwanna yaka “Kwala nyɨmaa'!” wɨda'. Sara yaka sara wɨdɨna kya' Jozepɨyai yɨraipɨvalakɨna yaka lɨkaanya wɨna ya'. Lɨkaanya wɨna kya' Potipaare a'mwe' sɨnna tɨka kudava' wawɨnya wɨdaayadɨvɨsaraavɨ jaka wɨdɨna ya'. “Yɨvɨruyarajɨyai sai kwayagaala nyɨdɨvanɨ'. Nɨmɨ ‘Aaka, aaka,’ dɨwe'nyɨ gamɨ lɨkaanya wɨna yɨwa'. Danganyɨla! Gamɨre baazɨ'ma'nya' warɨkaagavaakana!” wɨda'. Sara wɨdaka navɨka mwaala'. Potipaai gannya angevɨ wɨlaabaka gannya a'mwe' wɨdake' kwɨ'na' sɨnna tɨka davɨna wia'. Davɨna kwia' Jozepɨyarɨ kalavuzavɨ wɨmwaaihɨna ya'. Wɨmwaaihɨna kya' Jozepɨyai wɨla'dɨsɨ Gotɨyai baihana'dɨsɨ kalavuzavɨ damei Jozepɨyarɨ tewaanya ya'. “Kalavuza mwaaidɨvɨsara pwaraavɨ dɨmaremwaaideigɨnyɨ,” Jozepɨyarɨ wɨda'.
موجودہ انتخاب:
Jenɨzɨzɨ 39: byr
سرخی
شئیر
کاپی
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.