Jenɨzɨzɨ 30
30
Jaikopɨmɨre a'mwewaai kaimɨraaya mɨlyei.
(29:31–30:24)
1-13 Lɨyaa' kaimɨraayai sɨraangei Ruvanɨ mɨlaka kaimɨraayai Sɨmɨyanɨ mɨlaka kaimɨraayai Livaai mɨlaka kaimɨraayai Juthai mɨla'. Rasala' kaimɨraavɨmaaya' mwaalake' Jaikopɨmɨne wɨdaayadevɨ Bilaavɨ wɨjaava'. Mi'na kujaava' Bilaa' kaimɨraayaraai mɨla'. Kamɨla' Rasala' “Nɨmɨrelyɨ,” daka sɨraangere yaya Denɨ, dɨviyai Napɨtalaai wɨda'. Dɨvidaasɨ Lɨyaa' dara wanganake' “Nɨmɨ kaimɨraaya pɨnɨ mɨlɨde'nyɨ daaka!” Daka wɨdaayadevɨ Sɨlɨpaavɨ Jaikopɨmɨnevɨ wɨjaava'. Mi'na kujaava' Sɨlɨpaa' kaimɨraayaraai mɨla'. Kamɨla' Lɨyaa' kɨrɨmɨre yaya' pwai Gethɨ, pwai Azai wɨda'.
14-24Pɨgaa' Ruvanɨ yɨsɨla maaraka ganaanga Lɨyaavɨ wɨjaava'. Kujaava' Rasala' wɨda' “Yɨsɨla pɨrɨ' nyɨjaama!” Mi'na kuda' Lɨyaa' wɨda' “ ‘Ganɨmaangerɨ maa'dɨnya'gɨ yɨsɨla' maarɨma!’ dathɨwaana?” “Yɨsɨla mi'na nyɨjaava'gɨzɨ sawɨsavɨ nɨmɨre a'mwerɨ dɨmaa'dera,” wɨda' Rasala'. Nyɨla kwalaka' Jaikopɨ gannya angevɨna kulaaba' Lɨyaa' wɨda' “Nɨmɨre angevɨna wɨlaabɨza'na nɨmɨ gɨmɨnyɨ yɨsɨlanna mi'na gɨmubɨwa. Naarɨmɨ mwaalaka!” Sara kamwaalagi Lɨyaa' kaimɨraayai Yɨzakaai mɨla'. Dɨvidaasɨ kaimɨraaya pwai Sevulanɨ mɨla'. Aayagaasa' taaya Daaina' mɨla'. Lɨyaa' yuya mi'na kamɨla' Gotɨyai Rasalavɨna tewaanna kya' Rasala' kaimɨraayai Jozepɨyai mɨla'.
Jaikopɨmɨre jɨlɨkyaawarya kwala naanga yɨma'nyaa'.
(30:25-43)
25-36Rasala' Jozepɨyai kamɨla' Jaikopɨ “Nemɨ sanɨdakana wɨna yawaajɨ nɨnnya angevɨ mwalaana!” kada' Laivanɨ wɨdɨna “Gɨmɨ dava mwaala'gi wawɨnya ja!” Mi'na wɨdɨna kya' Jaikopɨ wɨda' “Gɨmɨnyɨna gyɨdeigɨnyɨ. Mi'na gya'mujɨ jɨlɨkyaawarya jaane yuya maarɨdeinyɨ.” Laivanɨ wɨ'naka wɨda' “Tewaanyasɨra.”
37-43Dɨvi Jaikopɨ yɨsarɨkaavɨ dapaina, kɨlaaka woipɨra'na ya'. Sara yaka dara wanganake' “Jɨlɨkyaawarya tewaanya yawakɨmanɨga',” daka jɨlɨkyaawarya wanganya'ne yɨsarɨkaavɨ marakɨna ya'. Dɨvidaasɨ jɨlɨkyaawarya tewaanya bwaranya jaane mɨle'. Jɨlɨkyaawarya tewaanya jaane yɨma'nyɨna kye' Jaikopɨ maarɨna ya'. Jɨlɨkyaawarya wabe Laivanɨmɨre mwaale'. Jaikopɨ gɨlyɨvɨta naangejɨyai mwaalɨna. Gamɨre wɨdaayadɨvɨta naangejɨ jɨlɨkyaawarya naangejɨ mwaalɨna ya'.
موجودہ انتخاب:
Jenɨzɨzɨ 30: byr
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2013, Wycliffe Bible Translators, Inc. All rights reserved.