Jenɨzɨzɨ 16
16
Saraayavɨre wɨdaayade' kaimɨraayai mɨlyaa'.
(16:1-6)
1-6Saraaya' Evɨramɨmɨre balaanga' kaimɨraavɨmaayasɨra. Gamɨre wɨdaayade' Yɨzɨpɨ kwaakebadaa'nyɨ mwaalake' Ehaasɨra. Mwaalɨna kya' Saraaya' Evɨramɨmɨ wɨda' “Gɨmɨ Ehaavɨ dɨmaaka! Kamaara'gɨzɨ gamɨ nɨmɨnyɨne kaimɨraayangɨ mɨladengɨra.” Sara kuda' Evɨramɨ Ehaavɨ maarɨna. Maarɨna kya' Ehaa' kaimɨraavɨmunya yaka “Nɨmɨ munya'nyɨ a'mwe naange'nyɨ Saraaya' kaimɨraavɨmaaya' maalɨkesɨ,” yawɨ'na. Sara yawɨ'na kya' Saraaya' Evɨramɨmɨ wɨda' “Ehaa' nɨmɨnyɨna ‘Saraaya' maalɨkesɨ,’ kunya yawɨ'na yɨwa'dɨ'.” Kuda' Evɨramɨ wɨdɨna “Gɨmɨresɨra. Gɨnnya kunya yawɨra'gɨzɨ sara ja!” Mi'na kuda' Saraaya' Ehaavɨna sɨmɨlɨka wɨlɨna yaka “Wawɨnya naanga ja!” dade' kya' Ehaa' “Saraaya' kayaa'na nyɨvanɨ'. Nɨmɨ kaanna wɨma!” daka wɨna ya'.
7-16Kaanna wɨna yaka a'mwera mamwaalya kuneba aalɨyɨmɨnyavɨ sabanna Ehaa' mwalaawɨna ya'. Kamwalaawa' Gotɨyare mamaayai ejelɨyai wanganaka “Ehaa' aaga' kamwaalɨka,” daka wɨda' “Ehaa', gazɨne'gɨnaka?” Sara kuda' Ehaa' wɨdɨna “Saraayavɨna lɨka bena bamwaaihena.” Wɨdɨna kya' wɨda' “Saraayayawɨnna jahalaawa! Yagalaawa'gɨzɨ gamɨ savɨ du'nadera. Kale gyɨwake'gɨnyɨ gwangamanɨkelyɨra Gotɨyai. Nabaai kaimɨraayai Yɨzɨmelɨ dɨmide'gɨnyɨ. Gamɨzai kavɨdaayai malakayaawaryaibɨsai yuyaraavɨ mala tamɨna yadelyɨra. Gɨmɨre kaimɨraayara kwala naanga yɨma'nɨpɨ'derera.” Sara kuda' Ehaa' dɨna ya' “Gotɨyai nyangadelyɨra.” Dɨvidaa'nyɨ Evɨramɨ kwarame 86 kwavɨlava' sagaa' Ehaa' Yɨzɨmelɨmɨ mɨla'.
موجودہ انتخاب:
Jenɨzɨzɨ 16: byr
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2013, Wycliffe Bible Translators, Inc. All rights reserved.