Jenɨzɨzɨ 14
14
Evɨramɨ Lotɨmɨ padaihasamaa'na yaa'.
(14:1-16)
1-16Pɨgaa' a'mwe naanga kingɨya daraai daraalyarajɨ kumɨrerajɨ beva angeba Sothomɨ mwaalyarajɨ anga pɨbanyarajɨ saraavɨ baramakɨna. Baramakɨna kye' a'mwe kwalaalyara kabale' pwara mugunya pɨnɨngɨna lɨkaanya wɨna ye'. Lɨkaanya wɨna kye' a'mwe naangera “Nedaayadɨvɨsarera,” deva Lotɨjɨ pwarajɨ saraavɨ wɨla galyɨrakɨna ye'. Galyɨrakɨna yeva anga yuyabadaa'nyɨ gɨlyɨvɨta naanga yɨpalamaa'na. Yɨpalamaa'na kye' a'mwe pwai Evɨramɨmyawɨnna kaanyɨve'na wɨna yaka Evɨramɨmɨ wɨda' “Malyara anga Sothomɨ mwaalyaraavɨ baramakeva Lotɨmɨ wɨla yɨrakɨwaa'.” Sara kuda' Evɨramɨ gannya aawɨlasaraavɨ jaka wɨdaka malyaraavɨ mɨdɨnna ya'. Mɨdɨnna kya' sawɨta kujɨnna' malyaraavɨ tamɨna kye' pwara lɨka wɨna kye' pwaraavɨ tamɨna ye'. Tamɨna kye' Evɨramɨ Lotɨjɨ a'mwe pwarajɨ gɨlyɨvɨta naangejɨ ayawɨnna makabɨna ye'.
Melɨkɨzɨthekɨ Evɨramɨmɨ yagaala tewaanya' wɨjaa'.
(14:17-24)
17-20Sothomɨ maremwaalakelyɨ Melɨkɨzɨthekɨ anga Saalemɨ maremwaalakelyɨ saraai Evɨramɨmɨ wɨjɨmaa'nyɨna yagi. Melɨkɨzɨthekɨ Evɨramɨmɨ wapaaya wɨjaavɨna yaka Gotɨyarei yagaala wɨda' “Gotɨyai sɨgunyasɨ kwaakesɨ wakyaakei gɨmɨnyɨ tewaanya gyɨnɨkelyɨra. Gamɨzai gɨmɨjɨ yagɨla gɨmɨnyɨne yɨkamaangeraavɨ ye'mwannaramyawaaihɨ. Gotɨyai tewaanyalyɨra.” Kuda' Evɨramɨ gamɨre gɨlyɨvɨsa gazabazaba kwala marapɨgɨla'na kya' gɨlyɨvɨta naanga atɨraalya wa'dɨ'nyɨ Evɨramɨ gɨlyɨvɨta pɨrɨ' Melɨkɨzɨthekɨ sarɨna yanga wɨjaavɨna ya'.
21-24Sothomɨ maremwaalakei Evɨramɨmɨ wɨda' “Gɨmɨ ma'mwaanyangɨdaasɨ a'mweraavɨjɨ a'mwengɨjɨ yanga nyɨjaama! Gɨlyɨvɨsa gɨmɨrengɨra.” Kuda' Evɨramɨ wɨda' “Nemɨ wapaaya pɨnɨ nɨwo. Mi'na nɨwo'na warana! A'mwe daraai dalyarajɨ kumɨrerajɨ pwara nɨmɨnyɨ marɨgaidaa'na nyawaaihasaraavɨ gɨlyɨvɨta pɨnɨ dumaarya! Sa' Gotɨyai nyɨgaimwadelyɨra. Gɨmɨnyɨ gɨlyɨvɨsa mamaari yɨdeinyɨra. Nɨmɨ sara ya'mujɨ gɨmɨ nadɨthɨka ‘Nɨmɨ Evɨramɨmɨ a'mwe naangei wɨmwaaihe!’ dɨwa,” wɨda'.
موجودہ انتخاب:
Jenɨzɨzɨ 14: byr
سرخی
شئیر
کاپی
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.