Matalikilo 35
35
Jakobo mbwaakayaka cipaililo caku-Beteli
1 #
Matl 28:11-17,19; 27:43; 28:13 Lino Leza wakaambila Jakobo kuti, Nyampuka, uye ku-Beteli, ukale nkuko, uyake cipaililo ca-Leza oyo nguwenya iwakalibonya kulinduwe ciindi eciya nowakacija kubusyu bwa-Esau mukulana wako. 2#Matl 31:19; Jos 24:15; 1 Sam 7:3; Kul 19:10Mpawo Jakobo wakaambila luzubo lwakwe aboonse mbaakali abo kuti, Amusowe baleza beenzu bali akati kanu, alimwi amulisalazye akuvundununa zyakusama zyanu. 3#Matl 32:7,24; Int 107:6; Matl 28:20; 31:3,42Atunyamuke, tuye ku-Beteli, nkayake cipaililo, cibe ca-Leza oyo iwakandivuwa mubuzuba bwamafwabi aangu, iwakandisindikila mukweenda kwangu koonse. 4#Hos 2:13; Jos 24:26Mpawo bakapa Jakobo baleza beenzu boonse ibakali mumaanza aabo amacoco aamumatwi aabo, nkabela Jakobo wakazisisa kunsi lyamubanga waku-Sekemu.
5 #
Kul 15:16; Dt 11:25; Jos 2:9; 5:1; 2 Mak 14:14 Elyo mukweenda kwabo, buyoofu buzwa kuli-Leza bwakajata minzi iyakeengelede, aboobo teebakatobela bana ba-Jakobo. 6#Matl 28:22Lino Jakobo wakasika ku-Luzi (ngonguwo Beteli) munyika ya-Kanana, walo abantu boonse mbaakali abo. 7#Muk 5:4; Matl 28:13Nkabela wakayaka cipaililo mpoonya awo, waulika kuntu oko izina lya-El Beteli, nkaambo kakuti nkukonya oko Leza nkwaakamubonekela ciindi eco naakacija kubusyu bwamukulana wakwe. 8#Matl 24:59Lino Debora muleli wa-Rebeka wakafwa, nkabela wakazikwa kunsi lyamubanga oko ku-Beteli, aboobo oyo musamu wakaulikwa izina lya-Aloni-Bakuti.
9 #
Hos 12:4
Lino Leza wakabonekela Jakobo alimwi naakamana kuzwa ku-Padanaramu, wamulongezya. 10#Matl 17:5; 32:28Nkabela Leza wakamwaambila kuti, Izina lyako nduwe Jakobo, pele tokooyooambwa limbi kuti nduwe Jakobo pe, izina lyako liyooba Israyeli. Mbuboobo mbwaakaulikwa izina lya-Israyeli. 11#Matl 17:4-8; 48:3,4; Kul 6:3Alimwi Leza wakamwaambila kuti, Ndime Leza Singuzuzyoonse, Zyalisya, ukavule; mulinduwe mulazwa musyobo ankamu yamisyobo, amucikungu cako muyoozwa bami. 12#Matl 12:7; 13:15; 28:13; Kul 32:13Alimwi nyika eyo njindakapa Abrahamu a-Izaka, ndaipa nduwe, alwalo lunyungu lwako luciza njoolupa nyika eyo. 13#Matl 17:22Mpawo Leza wakapiluka kujulu, wamusia nkukonya oko nkwaakaambaula awe. 14#Matl 28:18-19Nkabela Jakobo wakaimika malende, nkokuti malende aamabwe, nkukonya oko nkwaakaambaula awe, Nkabela wakatila cipaizyo cakunywa alingawo, alimwi wakatila insazi yamafuta. 15Mbuboobo Jakobo mbwaakaulika oko kuntu Leza nkwaakaambaula awe izina lya-Beteli.
Rakele mbwaakafwa naakazyala Benjamini
16Elyo bakalonga kuzwa ku-Beteli, nkabela nekwakacisyeede kasinzo kusika ku-Efrata, Rakele wakatumbuka, pele wakapenga mukutumbuka kwakwe. 17#Matl 30:24Lino naakacili kusunda mukutumbuka kwakwe, sikumutumbusya wakamwambila kuti, Utayoowi, nkaambo sunu ulazyala mwana mulombe aumwi. 18Nkabela muuya wakwe nowakaamba kumusia (nkaambo wakafwa) wakamuulika izina lya-Benoni, pele wisi wakamuulika izina lya-Benjamini. 19#Matl 48:7; Rut 1:2; 4:11; Mik 5:2; Mt 2:6Aboobo Rakele wakafwa, nkabela wakazikwa munzila yaku-Efrata (ngonguwo Betelehemu). 20#1 Sam 10:2Lino Jakobo wakaimikizya malende atala lyakabanda kakwe. Ngengao malende aakabanda ka-Rakele mbwaacibede asunu.
Amwi makani aa-Jakobo abana bakwe, Izaka mbwaakafwa
21 #
Mik 4:8
Lino Israyeli wakalonga, waakuyaka cilao cakwe kunembo lyaŋanda indamfu ya-Ederi. 22#Matl 49:4; 1 Mak 5:1Nkabela Israyeli naakacikede mucisi eco, Rubeni wakalala a-Biliha simamambe wawisi, nkabela Israyeli wakamvwa makani.
Lino bana ba-Jakobo bakali ikumi ababili. 23#Matl 46:8; Kul 1:2Bana ba-Leya mbaaba: Rubeni (mwana mutaanzi wa-Jakobo), a-Simeoni, a-Levi, a-Juda, a-Isakara a-Zebuloni. 24Bana ba-Rakele mbaaba: Josefa a-Benjamini. 25Abana ba-Biliha mulanda musimbi wa-Rakele mbaaba: Dani a-Nafitali. 26Abana ba-Zilipa mulanda musimbi wa-Leya mbaaba: Gadi a-Aseri, Mbaabo bana ba-Jakobo mbaakazyala ku-Padanaramu.
27 #
Matl 13:18; Jos 14:15 Mpawo Jakobo wakasika kuli-Izaka wisi ku-Mamre, ku-Kiriyati-ariba (ngonguwo Hebroni), Abrahamu a-Izaka nkubakali kukala-kala. 28Nkabela mazuba aabuumi bwa-Izaka akasika kumwanda amakumi aali musanu aatatu. 29#Muk 12:7; Matl 15:15; 25:8,9; 49:31Elyo Izaka wakazanga, wafwa, wainka kulibasinsiku bakwe naakacembaala Bucembele buzwide, nkabela Esau a-Jakobo bana bakwe bakamuzika.
موجودہ انتخاب:
Matalikilo 35: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.