Matalikilo 29
29
Jakobo mbwaakasika kuli-Labani. Mbwaakakwata Leya a-Rakele
1 #
My 23:7; Hos 12:12 Mpoonya awo Jakobo wakatola lweendo lwakwe, wasika kunyika yabana bakujwe. 2Lino naakali kulanga, wakabona cikala musokwe, nkabela kakuli matanga otatwe aambelele, zyakalilede kumbali aco, nkaambo kucikala eco nkobakali kunywisya imbelele. Ibbwe lyakujazya mulomo wacikala lyakali ipati. 3Matanga oonse naakabungene nkuko, bakali kukunkulisya ibbwe kuzwa kumulomo wacikala akunywisya imbelele. Bamane kuzinywisya, bakali kuboozya ibbwe kubusena bwalyo amulomo wacikala,
4Lino Jakobo wakababuzya kuti, Ino mwazwa kuli, bakwesu? Bakati, Twazwa ku-Harani. 5Wakababuzya kuti, Sa mulizi Labani mwana wa-Nahori? Bakavuwa kuti, Tulimuzi. 6#Matl 43:27Wakati, Sa uli kabotu? Bakati, Uli kabotu, Bona! Ngooyo mwanaakwe musimbi Rakele uleza ambelele. 7Lino wakabaambila kuti, Langa! Izuba mpolicili; talina kubbila, Ciindi cakubunganya imbelele tacina kusika. Amunywisye imbelele, mwiinke, mukazicezye. 8Bakati, Tatukonzyi, mane matanga oonse ataangune kuyoboloka; lino balakunkulisya ibbwe kuzwa kumulomo wacikala, aboobo tulanywisya imbelele.
9 #
Kul 2:16
Lino naakacili kwaambaula ambabo, wakasika Rakele, weza ambelele zyawisi, nkaambo nguwakali kuzyeembela. 10#Kul 2:17Mpoonya awo Jakobo, naakabona Rakele mwana musimbi wa-Labani mukulana wabanyina ambelele zya-Labani mukulana wabanyina, Jakobo wakaakukunkulisya ibbwe kuzwa kumulomo wacikala, wanywisya imbelele zya-Labani mukulana wabanyina. 11#Matl 33:4; 45:14; Rom 16:16; 1 Kor 16:20; 2 Kor 13:12; 1 Pet 5:14Elyo Jakobo wakamyonta Rakele, wakwiila ajwi lyakwe, walila. 12#Matl 13:8; 24:28Nkabela Jakobo wakalwiida Rakele kuti, Ndime mujwa wauso, mwana wa-Rebeka. Amvwe obo, wakazuzaana kuyoolwiida wisi.
13 #
Matl 24:29
Lino Labani, naakamvwa makani aa-Jakobo mwana wamucizi wakwe, wakazuzaana kuyooswanaana awe, wamukumbata, wamumyonta, wamuleta kuŋanda, Elyo Jakobo wakalwiida Labani makani aya oonse. 14#Matl 2:23; Bab 9:2; 2 Sam 5:1; 19:12,13Nkabela Labani wakamwaambila kuti, Ncobeni uli zifuwa zyangu anyama yangu. Lino wakakala kulinguwe mwezi woonse.
15Lino Labani wakaambila Jakobo kuti, Uli mukwesu, pele sa nkukwaamba kuti uleelede kundibelekela buyo cakutavola? Kondaambila mbunjeelede kukuvozya. 16Lino Labani kali abana basimbi bobile; izina lyamupati kali Leya, izina lyamwanike kali Rakele. 17Meso aa-Leya akalipuputide, pele Rakele kali aciwa cibotu, keebeka loko. 18#Matl 31:41; 2 Sam 3:14Nkabela Jakobo wakali kuyandisya Rakele. Lino wakaamba kuti, Njookubelekela milimo myaka iili musanu aibili kuti nkapegwe Rakele mwanaako muniini. 19Mpawo Labani wakavuwa kuti, Na ndamupa nduwe, ncibotu kwiinda kumupa muntu umbi. Mbubo, kala ambebo. 20#Matl 30:26; Lwi 8:7Aboobo Jakobo wakabelekela Rakele myaka iili musanu aibili, pele mumeso aakwe myaka eyi yakali mbuli mazuba mace buyo nkaambo kaluyando ndwaakamuyandisya.
21 #
Bab 15:1
Lino Jakobo wakaambila Labani kuti, Mazuba aangu amana. Kondipa banangu, mulete muŋanda. 22#Bab 14:10; Joh 2:1Mpawo Labani wakabunganya bantu boonse bakooko, wacita ipobwe. 23Lino kuciindi cagoko wakatola mwanaakwe Leya, wamusisya kulinguwe, nkabela wakamunjizya muŋanda. 24(Nkabela Labani wakapa mwanaakwe Leya mulanda wakwe musimbi Zilipa kuti abe mulanda wakwe.) 25Lino nibwakaca, wakabona kuti ngu-Leya. Mpawo wakaambila Labani kuti, Ninzi eci ncowandicitila? Sa teensi Rakele ngundakabelekela kulinduwe? Ino wandeenenanzi? 26Labani wakati, Okuno kulindiswe tacicitwi obo. Mwanike teelede kukwatwa na mupati katana kukwatwa. 27#Bab 14:12Manisya imviki yamweenzinyina alakwe. Tuyookupa alakwe na wandimanina milimo myaka aimwi iili musanu aibili. 28Elyo Jakobo wakacita obo, Wakamanisya imviki yamweenzinyina, nkabela Labani wakamupa mwanaakwe Rakele kuti amukwate alakwe. 29(Nkabela Labani wakapa mwanaakwe Rakele mulanda wakwe musimbi Biliha kuti abe mulanda wakwe.) 30#Matl 30:26; 31:41; Hos 12:12Lino Jakobo wakaleta Rakele alakwe muŋanda, nkabela wakali kuyandisya Rakele kwiinda Leya, Elyo wakacili kumubelekela milimo myaka aimwi iili musanu aibili.
Bana ba-Jakobo mbubakazyalwa
31 #
Int 127:3; Matl 30:1 Lino Jehova naakabona kuti Leya ulisulidwe, wakajula izyalilo lyakwe, pele Rakele kali musundi. 32#Kul 3:7; 4:31; Dt 26:7; Int 25:18; 106:44Nkabela Leya wakaminta, wazyala mwana mulombe, wamuulika izina lya-Rubeni, nkaambo wakati, Jehova ulibwene mapenzi aangu; ncobeni mulumaangu ulandiyanda lino. 33Elyo wakaminta alimwi, wazyala mwana mulombe, wati, Jehova ulimvwide kuti ndisulidwe, aboobo wandipa mwana oyu alakwe, Wakamuulika izina lyaSimeoni. 34Lino wakaminta alimwi, wazyala mwana mulombe, wati, Lino ncobeni mulumaangu ulandinamatila, nkaambo ndamuzyalila bana balombe botatwe. Aboobo wakamuulika izina lya-Levi. 35Lino wakaminta alimwi, wazyala mwana mulombe, wati, Lino ndatembaula Jehova. Aboobo wakamuulika izina lya-Juda. Elyo wakaleka kuzyala.
موجودہ انتخاب:
Matalikilo 29: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.