Matalikilo 16
16
Makani aa-Sarai a-Hagare
1 #
Bab 13:2; Lk 1:7; Gal 4:24 Lino Sarai muka-Abramu katazyede mwana, nkabela kajisi mulanda musimbi mu-Egepita, izina lyakwe kali Hagare, 2#Matl 30:2Lino Sarai wakaa mbila Abramu kuti, Bona! Jehova wandikasya kuzyala bana, Wence swanana amulanda wangu; ambweni kulinguwe nkonjoopegwa bana. Mpawo Abramu wakaswiilila ijwi lya-Sarai. 3Aboobo Sarai muka-Abramu wakabweza Hagare mu-Egepita, mulanda wakwe musimbi, Abramu naakamana kukala myaka iili ikumi munyika ya-Kanana, wamupa Abramu mulumaakwe kuti amukwate. 4#Tus 30:23Elyo wakaswanana a-Hagare, nkabela wakaminta, Abone buyo kuti waminta, bamalelo aakwe bakasampaulwa mumeso aakwe. 5#Kul 5:21Lino Sarai wakaambila Abramu kuti, Ma! Wandibisizya, Ndakakupa mulanda wangu musimbi kuti mukumbatane, lino naakabona kuti waminta, ndakasampaulwa mumeso aakwe. Jehova abeteke makani esu, yebo ambebe. 6Abramu wakavwiila Sarai kuti, Musimbi wako uli mumaanza aako. Komucitila kufumbwa cibotu mumeso aako, Lino Sarai wakamufwabya, mane lumwi wakacija kuzwa kulinguwe,
7 #
Matl 25:18
Lino angelo wa-Jehova wakamujana kumbali akasensa kamaanzi munkanda, kasensa kali munzila yakuya ku-Suri. 8Wakati, Hagare, mulanda musimbi wa-Sarai, wazwida kuli? Uya kuli? Wakavuwa kuti, Ndacija kuzwa kuli-Sarai namalelo wangu. 9#Ef 6:5-9Mpoonya awo angelo wa-Jehova wakamwaambila kuti, Pilu ka kulinamalelo aako, ukalibombye mumaanza aakwe. 10#Matl 22:15-18; Mal 3:1; Matl 25:12Alimwi angelo wa-Jehova wakamwaambila kuti, Ncobeni njoovuzya lunyungu lwako; luyoovula cakutabalika. 11#Kul 2:23,24Alimwi angelo waJehova wakamwaambila kuti, Bona! Ulimisi. Uyoozyala mwana mulombe. Lino uleelede kumuulika izina lya-Ismayeli, nkaambo Jehova ulimvwide mapenzi aako. 12#Matl 25:18Uyooba bwizu bwesaka. Uyooba intimbwamisako uulwanisigwa kubantu boonse. Uyookala cabusinkazi akati kabeenzinyina boonse.
13 #
Int 139:1-12
Elyo Hagare wakaulika izina lya-Jehova iwakali kwaambaula awe kuti Nduwe-Leza-oondibwene, nkaambo wakaamba kuti, Sa ncobeni ndibwene Leza, nekubaboobo ncipona? 14Nciceeco cikala eco ncecaambilwa kuti Cikala ca-Lahai-roi, Cili akatikati ka-Kadesi a-Beredi.
15 #
Gal 4:22
Lino Hagare wakazyalila Abramu mwana mulombe, nkabela Abramu wakaulika eyo mwana Hagare ngwaakazyala izina lya-Ismayeli. 16Abramu kajisi myaka iili makumi aali musanu aatatu amusanu aumwi kuciindi eco Hagare naakazyala Ismayeli.
موجودہ انتخاب:
Matalikilo 16: Ibbaib63
سرخی
شئیر
کاپی
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.