Matalikilo 15
15
Cizuminano Leza ncakatangana a-Abramu
1 #
Matl 46:2; Is 41:10; Int 58:11; 84:11; Heb 11:6 Amane makani ayo, ijwi lya-Jehova lyakasika kuli-Abramu mucilengano, liti, Utayoowi, Abramu; ndime intobo yako, bulumbu bwako buyooba bupati loko. 2Pele Abramu wakati, O Mwami Jehova, uyoondipanzi? Nsijisi mwana, asikulya izina lyaŋanda yangu ngooyu Eliezere wakuDamasko. 3Alimwi Abramu wakati, Bona! Tondipede lunyungu, aboobo muzike wamuŋanda yangu nguuyoondilida izina. 4#Matl 17:16; 2 Sam 7:12Mpawo ijwi lya-Jehova lyakamusikila, liti, Oyu muntu takooyoolya izina lyako pe, mwanaako uuzyalwa mumaala aako nguuyoolya izina lyako. 5#Rom 4:18; Heb 11:12; Int 147:4; Kul 32:13Lino wakamutola anze, wati, Langa kujulu, ubale tunyenyeezi, na ulakonzya kutubala. Nkabela wakamwaambila kuti, Mbubonya obo mbuluyooba lunyungu lwako. 6#Rom 4:3-6,20-25; Int 106:31; Gal 3:6; Jak 2:23Mpawo wakasyoma Jehova, nkabela lusyomo lwakwe lwakeelezegwa mbuli bululami.
7 #
Inc 7:2
Lino wakamwaambila kuti, Ndime Jehova iwakakugwisya ku-Uri wamucisi caba-Kasidi, kuti nkupe nyika eyi, uivube. 8#Bab 6:36-40; 1 Sam 14:9,10; 2 Bam 20:8; Lk 1:18Pele wakati, O Mwami Jehova, ndaziba buti kuti njooivuba. 9Wakamuvwiila kuti, Undiletele impwizi iili amyaka yotatwe, impongo iili amyaka yotatwe, mugutu uuli amyaka yotatwe, inziba ankwilimba. 10Elyo wakamuletela ezi zyoonse, wazyaandula akati, wabika cipanzi cimwi acimwi kucipanzinyina, pele bayuni takwakabaandula pe. 11Lino makubi naakaseluka kuzoolya nyama, Abramu wakaatanda.
12 #
Job 4:13,14; Matl 2:21 Lino nekwakaba kumabbililo aazuba, ŋonzi zyakamujaya Abramu, alimwi wakawidwa mudima uusia mbi uuyoosya. 13#Kul 1:1-14; 12:40; Inc 7:6Elyo wakaambila Abramu kuti, Koziba calusinizyo kuti, basilunyungu lwako bayooba beenzu mucisi cimbi. Oko bayooba bazike, nkabela bayoobapenzya myaka iili myanda yone. 14#Kul 6:6; 7:14; Kul 12:40-41; Inc 7:7Pele oyo musyobo uubanjizya mubuzike njooubeteka, lino kusule lyaceeci bayoopola ambono zinji. 15#Matl 25:8; Job 5:26; Heb 11:13Ayebo, uyoosika kulibamauso caluumuno, uyoozikwa muboongozi bubotu. 16#Mt 23:32; 1 Tes 2:16; 2 Pet 3:8,9Nkabela bayooboola okuno mumusela wane, nkaambo milandu yaba-Amori tiina kuzula,
17Lino izuba nelyakamana kubbila, kwakasia mbi, nkabela kwakaboneka mulilo uusuka alampi lyamulilo, zyakainda akatikati kazipanzi. 18#Inc 7:5; Matl 17:8; Dt 1:7; My 34:3; 2 Mak 9:26; Neh 9:8; Int 105:11Mubuzuba obo Jehova wakatanga cizuminano a-Abramu, wati, Lunyungu lwako ndalupa nyika eyi, nkokuti nyika yoonse kuzwa kumulonga wa-Egepita kusikila kumulonga mupati, mulonga Firate, 19nyika yaba-Keni ayabaKenizi ayaba-Kadimoni, 20ayaba-Hiti, ayaba-Perizi, ayaba-Refaimu, 21ayaba-Amori, ayaba-Kanana, ayaba-Girigasi ayaba-Jebusi.
موجودہ انتخاب:
Matalikilo 15: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.