SAN MATEO 10
10
Jesús jemimondo reta iyeparavo
(Mc 3.13-19; Lc 6.12-16)
1Jesús oenɨi jókuae doce jemimboe reta, jare omee chupe reta mbaepuere ombosɨrɨ vaerä aña reta, oya jese vae reta güi jare ombogüera vaerä imbaerasɨ vae reta oipotagüe mbaerasɨ güi. 2Jae kuae jókuae doce Jesús jemimondo reta jee: Simón (Pedro jee vae), jare tɨvɨ Andrés, jare Zebedeo taɨ reta: Jacobo jee vae jare tɨvɨ Juan; 3Felipe, Bartolomé, Tomás, Mateo mburuvicha peguarä okovara vae, Alfeo taɨ Jacobo jee vae, Lebeo (Tadeo jee vae), 4Simón cananita, jare Judas Iscariote (jae ko omee Jesús jovaicho reta ipo pe vae).
Jesús omondo jókuae doce jemimboe reta
(Mc 6.7-13; Lc 9.1-6)
5Ërei ndei omondo mbove kuae doce jemimboe reta, Jesús oyókuai jei reve: “Agüɨye pekua judiombae vae reta ñogüɨnoia pe. Samariaɨgua reta jëta guasu pe ave agüɨye peike. 6Ërei pekua Israel pegua reta ñogüɨnoia pe. Echa jae reta vecha okañɨ vae reta rami ko. 7Jare peo peiko ramboeve, pemombeu ïru vae reta pe körai: ‘Araɨgua mborookuaía ou ma oväe.’ 8Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re. 9Agüɨye peraja oro ani korepoti, ani reare ave yepe. 10Agüɨye vi peraja peaporoka ave, jare agüɨye peraja mókoi temimonde. Pekua perete regua ndiveño. Echa jupi ko oparavɨkɨ vae pe oyemboepɨ vaerä.#1 Co 9.14; 1 Ti 5.18.
11Jare peo metei tëta guasu pe ani metei tëta raɨ pe yave, peparandu kia ra ipɨakavi joko pe vae. Jayave pepɨta joko pe peo ye regua. 12Jare peike metei o pe yave, peyapo maraetei. 13Jare ipɨakatu joko pe yogüɨreko vae reta peve yave, oimeta mbɨakatu chupe reta. Ërei mbaetɨ ipɨakatu reta peve yave, pe retaño penoita mbɨakatu. 14Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.#Hch 13.51. 15Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.#Lc 10.4-12. #Gn 19.24-28; Mt 11.24.
Tembiporara guasu oikota vae
(Mc 13.9-13; Lc 21.12-19)
16Mase, ko che pomondo vecha reta rami aguarayaɨmba reta ipɨte rupi.#Lc 10.3. Jáeramo, peyeandu avei mboi rami. Jaeramiño vi, pɨkasu rami peñeraä. 17Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe. 18Jare peyererajaukata mburuvicha reta jare mburuvicha guasu reta jóvai chereko pegua, pepuere vaerä chemombeu chupe reta jare judiombae vae reta pe. 19Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä. 20Echa peRu iEspíritu pemborɨta pemiari vaerä,#Mc 13.9-11; Lc 12.11-12; 21.12-15. mbaetɨ ko pe aeño pemiari.
21Jare metei kuimbae omeeta tɨvɨ oyeyukauka vaerä. Jaeramiño vi metei kuimbae omeeta taɨ oyeyukauka vaerä. Jare taɨ reta oyovaichota tu jare ichɨ ndive, jare oyukaukata.#Mc 13.12; Lc 21.16. 22Chereko pegua,#Mt 24.9; Mc 13.13; Lc 21.17. peñemotareɨukata opaete vae pe, ërei ikueraimbae vae, oyemboasaukata ko.#Mt 24.13; Mc 13.13. 23Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.
24Metei oyemboe vae mbaetɨi ko oyapɨraa imboea.#Lc 6.40. Ani metei tembiokuai mbaetɨi ko ma yae iya güi.#Jn 13.16; 15.20. 25Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave,#Mt 9.34; 12.24; Mc 3.22; Lc 11.15. vɨtei pa taɨ reta pe.
Pekɨɨye Tumpa güiño
(Lc 12.2-7)
26Jáeramo, agüɨye pekɨɨye chugüi reta. Echa, oyekuaa ñotai ko oñeomi vae. Jare yaikuaa ñotai ko oyekuaambae.#Mc 4.22; Lc 8.17. 27Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi. 28Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe. 29Peikuaa ko mókoi güɨra raɨ jepɨä etei oñemee vae. Ërei mbaetɨ metei ave yepe omano peRu oikuaambae reve. 30Echa pea reta ave ko Tumpa oikuaa, mbovɨ ko penoi peäka re vae. 31Jáeramo agüɨye pekɨɨye. Echa Tumpa peraɨu yae ko jeta güɨra raɨ reta vae güi.
Ïru vae reta jovake oyekuaauka vae
(Lc 12.8-9)
32Kia nunga vae chemoërakua ïru vae reta jóvai yave, che amoërakuata vi cheRu ara pe oï vae jóvai. 33Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.#2 Ti 2.12.
Jesús jeko pegua oime yemboyao
(Lc 12.51-53; 14.26-27)
34Agüɨye pepɨa pe peyemongeta che aru ko mbɨakatu ɨvɨ pegua reta pe vae. Ërei jökoraiä ko. Aru ko ñeraro. 35Ayu ko, kuimbae oyovaicho vaerä tu re, jare kuñatai oyovaicho vaerä ichɨ re, jare kuña oyovaicho vaerä imesɨ re. 36Jare kuimbae jo pegua retaño ko jovaichorä.#Miq 7.6. 37Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä; 38jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.#Mt 16.24; Mc 8.34; Lc 9.23; Jn 12.24. 39Jekoveño oaɨu vae, okañɨteita ko. Ërei omee jekove chereko pegua vae, oikoveta ko.#Mt 16.25; Mc 8.35; Lc 9.24; 17.33; Jn 12.25.
Oyeapogüe jekovia
(Mc 9.41)
40Kia pemboresive kavi yave, che etei ko chemboresive.#Lc 10.16; Jn 13.20. Jare chemboresive kavi vae, omboresive ko chembou vae.#Mc 9.37; Lc 9.48. 41Kia omboresive kavi yave metei ñeemombeúa, ñeemombeúa jeko pegua, ñeemombeúa pe oñemee mbota vae, omboresiveta. Jare kia omboresive kavi yave jupi vae, jupi jeko pegua, jupi vae pe oñemee mbota vae omboresiveta. 42Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”
موجودہ انتخاب:
SAN MATEO 10: GUABD
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Biblia DC Guaraní Bolivia © Bolivian Bible Society, 2001.
SAN MATEO 10
10
Jesús jemimondo reta iyeparavo
(Mc 3.13-19; Lc 6.12-16)
1Jesús oenɨi jókuae doce jemimboe reta, jare omee chupe reta mbaepuere ombosɨrɨ vaerä aña reta, oya jese vae reta güi jare ombogüera vaerä imbaerasɨ vae reta oipotagüe mbaerasɨ güi. 2Jae kuae jókuae doce Jesús jemimondo reta jee: Simón (Pedro jee vae), jare tɨvɨ Andrés, jare Zebedeo taɨ reta: Jacobo jee vae jare tɨvɨ Juan; 3Felipe, Bartolomé, Tomás, Mateo mburuvicha peguarä okovara vae, Alfeo taɨ Jacobo jee vae, Lebeo (Tadeo jee vae), 4Simón cananita, jare Judas Iscariote (jae ko omee Jesús jovaicho reta ipo pe vae).
Jesús omondo jókuae doce jemimboe reta
(Mc 6.7-13; Lc 9.1-6)
5Ërei ndei omondo mbove kuae doce jemimboe reta, Jesús oyókuai jei reve: “Agüɨye pekua judiombae vae reta ñogüɨnoia pe. Samariaɨgua reta jëta guasu pe ave agüɨye peike. 6Ërei pekua Israel pegua reta ñogüɨnoia pe. Echa jae reta vecha okañɨ vae reta rami ko. 7Jare peo peiko ramboeve, pemombeu ïru vae reta pe körai: ‘Araɨgua mborookuaía ou ma oväe.’ 8Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re. 9Agüɨye peraja oro ani korepoti, ani reare ave yepe. 10Agüɨye vi peraja peaporoka ave, jare agüɨye peraja mókoi temimonde. Pekua perete regua ndiveño. Echa jupi ko oparavɨkɨ vae pe oyemboepɨ vaerä.#1 Co 9.14; 1 Ti 5.18.
11Jare peo metei tëta guasu pe ani metei tëta raɨ pe yave, peparandu kia ra ipɨakavi joko pe vae. Jayave pepɨta joko pe peo ye regua. 12Jare peike metei o pe yave, peyapo maraetei. 13Jare ipɨakatu joko pe yogüɨreko vae reta peve yave, oimeta mbɨakatu chupe reta. Ërei mbaetɨ ipɨakatu reta peve yave, pe retaño penoita mbɨakatu. 14Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.#Hch 13.51. 15Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.#Lc 10.4-12. #Gn 19.24-28; Mt 11.24.
Tembiporara guasu oikota vae
(Mc 13.9-13; Lc 21.12-19)
16Mase, ko che pomondo vecha reta rami aguarayaɨmba reta ipɨte rupi.#Lc 10.3. Jáeramo, peyeandu avei mboi rami. Jaeramiño vi, pɨkasu rami peñeraä. 17Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe. 18Jare peyererajaukata mburuvicha reta jare mburuvicha guasu reta jóvai chereko pegua, pepuere vaerä chemombeu chupe reta jare judiombae vae reta pe. 19Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä. 20Echa peRu iEspíritu pemborɨta pemiari vaerä,#Mc 13.9-11; Lc 12.11-12; 21.12-15. mbaetɨ ko pe aeño pemiari.
21Jare metei kuimbae omeeta tɨvɨ oyeyukauka vaerä. Jaeramiño vi metei kuimbae omeeta taɨ oyeyukauka vaerä. Jare taɨ reta oyovaichota tu jare ichɨ ndive, jare oyukaukata.#Mc 13.12; Lc 21.16. 22Chereko pegua,#Mt 24.9; Mc 13.13; Lc 21.17. peñemotareɨukata opaete vae pe, ërei ikueraimbae vae, oyemboasaukata ko.#Mt 24.13; Mc 13.13. 23Ërei metei tëta guasu pe oiporarauka peve yave, petekuarai ïru tëta guasu kotɨ. Añete che jae peve, ndei opa pemboapɨ Israel pegua jëta guasu reta mbove che Kuimbaerä ayeapo vae ayu yeta.
24Metei oyemboe vae mbaetɨi ko oyapɨraa imboea.#Lc 6.40. Ani metei tembiokuai mbaetɨi ko ma yae iya güi.#Jn 13.16; 15.20. 25Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave,#Mt 9.34; 12.24; Mc 3.22; Lc 11.15. vɨtei pa taɨ reta pe.
Pekɨɨye Tumpa güiño
(Lc 12.2-7)
26Jáeramo, agüɨye pekɨɨye chugüi reta. Echa, oyekuaa ñotai ko oñeomi vae. Jare yaikuaa ñotai ko oyekuaambae.#Mc 4.22; Lc 8.17. 27Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi. 28Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe. 29Peikuaa ko mókoi güɨra raɨ jepɨä etei oñemee vae. Ërei mbaetɨ metei ave yepe omano peRu oikuaambae reve. 30Echa pea reta ave ko Tumpa oikuaa, mbovɨ ko penoi peäka re vae. 31Jáeramo agüɨye pekɨɨye. Echa Tumpa peraɨu yae ko jeta güɨra raɨ reta vae güi.
Ïru vae reta jovake oyekuaauka vae
(Lc 12.8-9)
32Kia nunga vae chemoërakua ïru vae reta jóvai yave, che amoërakuata vi cheRu ara pe oï vae jóvai. 33Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.#2 Ti 2.12.
Jesús jeko pegua oime yemboyao
(Lc 12.51-53; 14.26-27)
34Agüɨye pepɨa pe peyemongeta che aru ko mbɨakatu ɨvɨ pegua reta pe vae. Ërei jökoraiä ko. Aru ko ñeraro. 35Ayu ko, kuimbae oyovaicho vaerä tu re, jare kuñatai oyovaicho vaerä ichɨ re, jare kuña oyovaicho vaerä imesɨ re. 36Jare kuimbae jo pegua retaño ko jovaichorä.#Miq 7.6. 37Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä; 38jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.#Mt 16.24; Mc 8.34; Lc 9.23; Jn 12.24. 39Jekoveño oaɨu vae, okañɨteita ko. Ërei omee jekove chereko pegua vae, oikoveta ko.#Mt 16.25; Mc 8.35; Lc 9.24; 17.33; Jn 12.25.
Oyeapogüe jekovia
(Mc 9.41)
40Kia pemboresive kavi yave, che etei ko chemboresive.#Lc 10.16; Jn 13.20. Jare chemboresive kavi vae, omboresive ko chembou vae.#Mc 9.37; Lc 9.48. 41Kia omboresive kavi yave metei ñeemombeúa, ñeemombeúa jeko pegua, ñeemombeúa pe oñemee mbota vae, omboresiveta. Jare kia omboresive kavi yave jupi vae, jupi jeko pegua, jupi vae pe oñemee mbota vae omboresiveta. 42Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Biblia DC Guaraní Bolivia © Bolivian Bible Society, 2001.