SALMOS 61
61
1X̱ana' Dios, benle da' žḻiža' Le'.
Bze nag da' ẕcháḻjḻena' Le'.
2Zi'to' gan zoa laža' žḻiža' Le', dan' žedó ḻaža'a.
Bche' neda' gan zoa Bennen' nake' ka to ya'a yej, Bennen' nakže' waḻe ka neda'.
3Nako' Le' Benne' nox̱e' neda',
na' nako' ka to ze'e yej da' žape chi'in neda'
ḻawgak benne' ka' bi ẕḻé'egekle' neda' chawe'.
4Sóateza' ḻo yo'o la'y chio'.
Kwe' chawa'a kwito' Le' kan zej že' chawe' bríse'do' ka' ẕan x̱il ẕkoko'.
5Dan' benlo' Le', Dios, da' wchebe ḻaža'a ḻawo',
beno' ga napa' da' žápegak benne' ka' ẕžébegake' Le'.
6Gono' ga soa' nbana', na' ga nna bi'a ža zante.
Yiz chia' ka' gákgaken ka da' zej naken chegak chope kwe' benne' ka'.
7Sóateza' ḻawo' Le', Dios.
Bkwez yeḻa' žeyache' ḻaže' chio', na' da' li
nich wká'n cháwe'gaken neda', benne' wnná bia'.
8Goḻkza' che La la'y chio' Le' to chi'ize,
na' gonkza' tža tža da' bchebe ḻaža'a gona'.
موجودہ انتخاب:
SALMOS 61: zty
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2002, Wycliffe Bible Translators, Inc. All rights reserved.