SALMOS 54
54
1Beslá neda', Dios, ḻen yeḻa' wak chio'.
Gokḻen neda', Dios, ḻen yeḻa' waḻe chio'.
2Benle da' ẕnnabla' Le', Dios, na' bechebe chia'.
Bze nag da' wcháḻjḻena' Le'.
3Za'gak benne' snia ka' nich tíḻ-ḻengake' neda'.
Benne' yichj ža'a ka' žénegekle' gótgake' neda',
benne' ka' bi žápegake' Le' ba la'ne, Dios.
4X̱anžo Dios nake' Bennen' žákḻene' neda'.
Dios zóaḻene' benne' ka' žape chí'igake' neda'.
5Dios yebi'e chegak benne' ka' bi ẕḻé'egekle' neda' chawe' ka nak da' bi nak chawe' da' žóngake'.
Wžía yi'e benne' ka' dan' nake' Ḻe' ḻi ḻaže'.
6Dot ḻaža'a wneẕjwa' da' ko'a ḻawo' Le', X̱ana' Dios.
Wká'n ẕenkza' La la'y chio' dan' nakḻe'en chawe'.
7Besló' neda' ḻo yógo'te da' goken chia'.
Bḻe'ela' wžía yi'gak benne' ka' bžá'agake' neda'.
موجودہ انتخاب:
SALMOS 54: zty
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2002, Wycliffe Bible Translators, Inc. All rights reserved.