SALMOS 129
129
1“Ben zí'gake' žo'o katen' wzoažo yiz kwide' chežo”,
wak nnagak benne' Israel ka'.
2“Ben zí'gake' žo'o katen' wzoažo yiz kwide' chežo,
san bi bžia yí'gake' žo'o.
3Béngake' we' x̱kóže'žo katen' bdínngake' žo'o yid,
na' gokgak x̱kóže'žo ka yežlyó da' ẕde ya.”
4Chawe' nak X̱anžo Dios.
Beslé' žo'o ḻo na'gak benne' ka' bsaka' zí'gake' žo'o.
5X̱ana' Dios, ben ga chejchégwgak, na' wẕonnjgak
yógo'te benne' ka' ẕdíḻ-ḻengake' benne' Sión ka'.
6Ben ga gákgake' ka yíx̱e'do' ka' žíagaken yichjo'o,
da' ka' ẕbížgaken kate' ne zej nže'nen,
7na' bi soa no benne' yeké'en, na' bi gak no benne' gonen' to chejx̱ónnj.
8Bi nnagak benne' ka' ẕdégake' gan zej žian:
“Ẕnnablto' X̱anto' Dios gon chawe'e ḻe'e.
Ḻo La la'y che X̱anto' Dios ẕnnablto' gak chawe' chele.”
موجودہ انتخاب:
SALMOS 129: zty
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2002, Wycliffe Bible Translators, Inc. All rights reserved.