Mateus A'ti pũrí a'tîro weéro ohâ no'opã niisé niî'
A'ti pũrí a'tîro weéro ohâ no'opã niisé niî'
Ã'rí romano masa wiôgɨre wapa seé basagɨ niîkɨ niîwĩ. Kɨ̃ɨ̂re Jesu Cafarnaupɨ niigɨ́re kɨ̃ɨ̂ bu'esére siru tuú dutigɨ pihîkɨ niîwĩ.
A'té ãyusé kitire ohâgɨ, kɨ̃ɨ̂ tɨ'ó yã'aro noho, kɨ̃ɨ̂ ohâ sĩ'riro noho ohâkɨ niîwĩ. Kɨ̃ɨ̂ keoró nɨ'ká'ke me'ra ohâ nɨ'ka, tɨ'otá basióro, keoró ohâ yapá da'reokɨ niîwĩ.
Õ'âkɨ̃hɨ dɨporókãharãpɨre “Ni'kɨ́ masaré yɨ'rɨoákɨhɨre o'ôo'gɨti”, niîkɨ niîwĩ. A'ti pũrí me'ra kɨ̃ɨ̂ tohô niî'kere diakɨ̃hɨ́ta weepĩ́, niî masî no'o'.
Tohô weégɨ Mateu a'tîro ohâpĩ. Neê waro dɨporókãharãpɨre ohâ nɨ'ka mɨhatipĩ. Be'ró Jesu kɨ̃ɨ̂ bahuá'kere ohâpĩ. Jesu trinta kɨ'mari kɨorí kura João wamê yeegɨ yeekãhásere uúkũpĩ. Jesu wamê yee no'osere, be'ró Galiléiapɨ werê kusia'kere, kɨ̃ɨ̂ masaré yɨ'rɨó mɨha'kere teê Jerusalẽ́pɨ wẽrîgɨ wa'â tɨo'kere ohâpĩ. Be'ró Jesu masáka be'ro kɨ̃ɨ̂ bu'erã́ kɨ̃ɨ̂re siru tuú'kãrãre “Niî pe'tiro a'ti ɨmɨ́kohopɨ bu'ê kusiarã wa'âya” kɨ̃ɨ̂ niî'kere ohâ yapatípĩ.
A'ti pũrí Jesu masaré bu'ê me'ri yɨ'rɨapĩ niisére, Õ'âkɨ̃hɨ kɨ̃ɨ̂ dutisé kũû'kere a'tîro niî sĩ'riro weé', niî werêpĩ. Tohô niikã́ Jesu wiôgɨ sãhaátehere werêpĩ, niî ohâ no'o'.
موجودہ انتخاب:
Mateus A'ti pũrí a'tîro weéro ohâ no'opã niisé niî': tuo
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2004, Wycliffe Bible Translators, Inc. All rights reserved.