Zenezi 2
2
1Ãne 'Re ihâimana u'âsi mono, ma tô te te apoto 'rãsutu, hâiwa duré ti'a hã, duré uburé marĩ iwab zahuré si'uiwa na 're ihâimana za'ra mono da hã. 27 bâtâ ãma hã ma tô tinhimipodo hã te te apoto 'rãsutu. Tawamhã ma tô oto wa'udu, taha bâtâ na. 3Tawamhã bâdâ 7 ãma, ma tô iwẽ na hã pisutu, aimawi wazéb zahi na dama 're hâimana mono da hã. E marĩ wa. Taha bâtâ na wa'utu wa, uburé te te aropoto mono pari. 4Ãne ma tô hâiwa duré uburé iwa 're isimasa mono da hã ti'ai me hã poto za'ra.
Édẽ na rob're nhisi wasu'u
— Uburé Danhib'apito 'Re ihâimana u'âsi mono, hâiwa duré uburé iwa 're isimasa mono da hã ti'ai me hã, te te poto za'ra wamhã, 5ti'ai 'remhã zahadu ro'wanhipré hã duré rob're mono hã hâimana za'ra õ di. E marĩ wa. Zahadu Uburé Danhib'apito, tã 're ta'a mono da hã te te tãma rob'rui mono õ wa, duré zahadu ti'ai 'remhã, ni'wa hã te te 're irob're mono da hã, hâimana õ wa. 6Tane nherẽ, te ti'ai hawimhã ub're hã 're praba za'ra, te te 're iti'a ti'i mono da hã. 7Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na#2.7 Hebreu norĩ mreme na damreme “terra” (adama), “a'uwẽ” (adam) aiwa prã na ne iwapari na hã. . Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.
8Taha pari Uburé Danhib'apito 'Re ihâimana u'âsi mono, ma tô rob're hã 'manha, Édẽ na romnhisi bâtâ pusizém niwĩ ro 're ihâimana mono ãma. Tame ma tô aibâ te te ipodo hã iwap tisã. 9Tawamhã tame Uburé Danhib'apito, rowede i'madâ'â ze iwẽ uptabi sipu'u pese na i'rãi mono bâ iwẽ, isi da hã, ma tô 're prédub za'ra mono da hã ab'manha. Tane nherẽ, te rob're wa'wamhã rowede 're idahâimana u'âsi za'ra mono zém nhomri'wa da hã 're sa. Te duré ihâiba amo rowede hã 're sa, iwẽ hã, iwasédé hã da te ãma 're iwaihu'u za'ra mono zéb da hã.
10Tawamhã Édẽ hawi rob're te te 're di'i mono da, pa nho'u 're ipraba mono hã ma tô ta hawi maparane si'uiwa na sima 're sipé. 11Imorĩ'rata nhisi hã Pisõ na, Havira na romnhisi ãma tipraba na te te 're isa'oto mono hã, ẽtẽ waipo pré oru 're ihâimana za'ra mono zéb ãma hã. 12Taha ti'ai ãma oru uptabi si hã te 're hâimana za'ra, aimawi na wazari ãna. Duré wedewa'u to isadazei wẽ hã, duré ẽtẽ'ubuzi ĩwa'âbâ za'ẽtẽ uptabi zama hã, te tamemhã 're hâimana za'ra. 13Tawamhã duré maparane ãma pa nho'õmo nhisi hã, Ziõ na. Ta hã Cuxe na romnhisi ãma hã tipraba na te te 're isa'oto mono. 14Duré si'ubdatõ ãma pa nho'õmo nhisi Tigre hã, te Asiria na romnhisi bâtâ pusizém niwĩmhã 're praba. Duré maparane si'uiwa na ãma pa nho'õmo nhisi hã Eufrati na.
15Tawamhã Uburé Danhib'apito 'Re ihâimana u'âsi mono, ma tô Édẽ na rob're nhisi ãma aibâ hã tisã, te te 're 'madâ'â mono da, duré te te iwa 're rob're mono da oto. 16Tahawa ma tô ãne tãma waihu'u:
— Rob're ãma rowede 're isimasa mono 'rã, te za siwa'ru uburé 're i'a'masi u'âsi mo. 17Iwẽ hã iwasété me, za da te ãma 're iwaihu'u za'ra mono wede 'rã si hã 're 'mai'rẽne mono õ di za. E marĩ wa. Nimahã bâtâ na 'mai'rẽne wamhã, õne haré za atâ'â na dâ'âsina.
18Taha pari te duré Uburé Danhib'apito hã tinha ãne:
— Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.
19Tawamhã uburé abaze norĩ hã duré si norĩ hã ti'a na te te apoto mono pari, ma tô aibâ tẽmemhã te te anhimro, te te anhisi da. Tahawa, aibâ te te i'anhisi mono zéb zarina, te oto isisi mono bâ ãma 're hâimana za'ra. 20Si norĩ hã, uburé abaze da te 're itébré za'ra mono norĩ hã duré rom na 're ihâimana za'ra mono norĩ hã ma tô te te anhisi, imono bâ. Tane nherẽ, zahadu ihâiba a'âri'wa ipawapto'wa da hã tãma 'maihâimana õ di.
21Tahawa Uburé Danhib'apito 'Re ihâimana u'âsi mono, ma tô aibâ ma aptâ'â uptabi hã tãma tisõ, ãma sõtõ pese da. Tahawa sõtõ pese ré, ma tô iwaihi zati hã misi tiwi waze. Duré te te iwazerezéb ãma hã ma tô apâ inhi na ãma ato. 22Tawamhã taha waihi na ma tô pi'õ 'manha. Taha pari, te aibâ tẽmemhã oto saprõ. 23Tawamhã te aibâ tinha, ãne te te 'madâ'â wa:
“Ãhãta tô, pi'õ nhi hã, ĩnhi uptabi 'manharĩ, duré ihi hã, tô ĩhi uptabi 'manharĩ.
Tahawa, isisi hã za, pi'õ na.
E marĩ wa. 'Re ihâimana u'âsi mono, aibâ hâiba hawi te te iwazere na dâ'âsina.”
24Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.
25Tawamhã aibâ norĩ, timro me hã ai'uréiwi 're nem nherẽ, sima 're siséb zahuré mono õ di.
موجودہ انتخاب:
Zenezi 2: xavBP
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2011, Wycliffe Bible Translators, Inc.All rights reserved.