प्रेरितान कामे 16

पौलुसान तीमुथियुसाह हाती लेणु

1पौलुस दिरबे एने लुस्रा माय पुण आवा. तान जागापूर तीमुथियुस नावान एक चेलो एतो, तोकून विश्वासी यहूदी बायकून सोरो एतो पुण तान आबुक यूनानी एतो 2लुस्रा एने इकुनियुमतल्या बायहोम तान हाजी बोलचाल एती. 3पौलुस तीमुथियुसाहहा प्रिनासाम आपणेहेर्यो लीन जाहू एतो एने तान ताह आपणेहेर्यो लीईल एने ता जागीपोर रेणार यहूदान मोदेतसे तान खतना केरील काहाकाय ताह पुण मालूम एता कि तान आबुक एक यूनानी एतो. 4सेहेरा मायरीन प्रिनास केरतीन एतालून तास ता जागापूर रेणारा माणहाह एक नियमान विषयाम कियील, जे यरूशलेम माय प्रेरित एने डाय डाया ज्यान निश्चित किरील एता. 5ज्यानहोस ता जागापूर रेणारा कलीसियान विश्वास सद्रुड एता गीयो एने दिह दाडीनदीही तान संख्या वोदनेन गीयी.

त्रोवासमाय पौलुसाह दर्शन

6ओवतो फ्रुगीया एने गलतीमान भागाफायरीन निकेलना काहाकाय पवित्र आत्मा माय ताह आशिया माय वचन केणेन मोनाई किरील एता. 7ओवतो ते ताहे-या मसियान सिमापोर पोचेल तेवी तास बितुनिया जाणेन निर्णय केल पुण यीशुन आत्मा ने ताह ताजागेन पुण जाहू आपील नाहं. 8तेवी मसियाफायरीन त्रोआस पोचेल. 9रातीन पौलुसुसाने होपनामाय देखील कि मासेदोनियान एक माणहे प्रार्थना केरीन किथी हि मासेदोनिया माय आव एने आमूह मदत केर. 10हे होपना देखनेओवतो चालूच हि ज्याह परिणामी निकलील कि बोगवानान ता माणहामाय सुवार्ता पोरचार केरणेन आमूह हादाडील हि, आमु मासेदोनिया जाणेन ठेरायेल.

फिलीप्पीमाय लुदियान ह्रदय परिवर्तन

11ज्यानहोस आमु त्रोआसांला पाण्यामार्गान जाणेन केरता आमरी नाव सुडील एने हेल्लीच संमोथ्रोक जाइन पोचेल ओवतो ओंगाल्यो एक दिह नियापुलीस निकलीन गीया. 12तारीन आमु एक रोमी उपनिवेश फिलीप्पी ला पुचनु जे मासेदोनियाच्या भागाम प्रमुख नगर हि ज्याह नगरामाय आमु काही दिह रेणा. 13ओवतो शब्बाथ एक दिह आमु हा विचार केरतीन कि प्रार्थना केरणेन केरता ताजागेन एखादी जागो रेंय एने आमु नगर फाटकान बाहेर नदीहे-या जाईल ताजागेन आमु बोहीन एने एक्ठाच बायकू हे-यो चर्चा केरूह लागिल. 14एने लुदिया नावान थूआथीरान हेयरामाय जांमण्या रेंगान फाडका वेचणार एक भक्त बायकू होमेलताली, एने प्रभु बोगवान तीन मोन खोल देणु, का पौलुस ने वातीपूर ध्यान देय 15आपणो योग्य गीरिनालाहे-या बाप्तिस्मा मांगनेपोर तिने आमूह विनंती केरील कि, “जर तुमूह माहु प्रभुन विश्वासिनी मोनाम हि तर आवो एने मार घेर रीवू” तेवी तास आमुहू तान गिर जाणेन तियार केरीन आपील.

पौलुस एने सिलास जेलीमाय

16ओवतो इही एय गीयो कि ताहेरया आमु प्रार्थना जागापूर जात एता तेवी आमूह एक दासी मीलनी, तिमाय हेकीन ची आत्मा एती; ती बोगवानान्य प्रश्न केयीन आपणो मालदार मोक्तास धन मेलावीन आपतेन एती. 17ती आमरा ते पौलुसुसान पासाण हे बोलीह आवी कि, “हे माणहे परम बोगवानान दास हेते, हे तुमूह उद्धारान मार्गान संदेश किथी हि.” 18ती जुलुम दिहावोर ओहलो केरते रेणी, तेवी पौलुस दुखी इनू एने वोलीन ती आत्माह कियील, मी यीशु मसीहान नावामाय आज्ञा आपथु का सोरीमारीन बाहेर निकेल तेवी तो दुष्ट आत्मा तिमायरीन चालूच बाहेर निकली गीयी.

19ओवतो तीन मालक्यान ताहेरया हे देखील, कि तान आखीच कमाई आशा जात रेनीह तेवी पौलुस एने सिलास ला दिरील एने जोमनि पोर खेचतेन बाजारामारीन अधिकारी फाय लीन गीया. 20ओवतो दण्ड आपणारा अधिका-याफाय लीन गीया एने केया, हे माणहे यहूदी हेते एने आमरा नगरात गडबड केरतीन हि. 21हे ओहला रीत रिवाजानविषयाम बोलीह हि कि जे ग्रहण केरणेन एने तापोर चालणु आमु रोमीन केरता न्यायपूर्ण नाहं. 22गेर्दी पुण विरोधामाय माणहाहे-यो तां पोर चेडिन आवा दण्ड अधिका-याने तान फाडका फाडीन उतारील एने आज्ञा केरील कि ताह शेड्यू मार्नेन. 23ताह जुलुम शेड्यू देणेबादमाय तास ताह बोन्दिखाणामाय टाकील एने कैदखाणान अधिकाऱ्याराह आज्ञा केरील कि तां पोर केठीन जागतालो मेल. 24ओहलो आज्ञा इयील ताबाद ताह कैदखाणान माय वाला कोठडीत मिलना तास तान पाय खोड्यात थेडकानणे.

पौलुस एने सिलास जेलीम रीन मुक्ती

25ओवतो लेगभोग माय रात एनी रेंय एने पौलुस एने सिलास बोगवानान भजन गावीन प्रार्थना केरीन एता एने दिहरा बोन्दि ते होंबलेह एता. 26तेवी ताजागेन एक ओहलो भयानक भूकंप एनो कि बोन्दिखाणान पाया डगमगना एने चालूच बोन्दिखाणान बायणा उघाडील गीया तेवी प्रत्येकान बेड्या ढिल्लो एय गेलीन पोडणा. 27कैदखाणान अधिका-याने जागेएय देखील कि बोन्दिखाणान बायणा उगाडना हि तेवी तान आपणी तलवार काडील एने स्वता: उपेर वार केरीन लेहु एतो, तेवी. 28तेवी पौलुसुसाने उचो स्वराने आयेड आपील कियील, “स्वता: ची हानी केरीन केरीन लेहु मां, कारण आमु आखा न्याहीरीज हि.” 29ह्यापूर कैदखाणान अधिका-याने बुल्यो मागडील एने जेल्दी जेल्दी तान आहने गीयो एने बियान काटीन काटीन पौलुस एने सिलास ज्यांन सुमोर पाया पोडील. 30ओवतो तो ताह बाहेर लीन गीयो एने बोल्णु, “महाराज, मारा उद्धार एने जुवी केरीन काय केरणू लागी?” 31तास उत्तर आपील, प्रभु यीशु उपेर विश्वास केर तान तारो उद्धार एय एने तारो परिवारान पुण. 32ओवतो तान परिवाराह-या तास ताह प्रभुन वचन कियील. 33ओवतो कैदखाणान अधिका-याने तान राती एने तान टाइम ताह लीन गीयो एने तास तान जखेम धुवील एने आपणो आखा गीरिनालाहे-या बाप्तिस्मा लियेल. 34ओवतो ते पौलुस एने सिलास ला आपणो गिर लीन आवा एने ताह तास जेवण खाहू पेरेल बोगवानापोर विश्वास ग्रहण किरीनकेरिन तास आपणो आखा कुटुंबांहे-यो आनंद किरील. 35ओवतो ताहे-या दिह उगनो तेवी दण्ड अधिका-याने आपणो शिपायांना मोकलीन कियील कि ताह सोडीन आपज्यू. 36ओवतो कैदखाणान अधिका-याने हि खुबेर पौलुसाह केयी कि, “दण्ड अधिका-याने तुमूह सोडीन आपणेन कियील हि तान केरता तुमूह बाहेर आवो एने शान्ति से निकलीन जा.” 37पुण पौलुसुसाने शिपायांना कियील, जर आमु रोमी नागरिक हि पुण आमु अपराधी नाह सोतो आखान ओगाण मारील पिठले एने बोन्दिखाणामाय मिलना, एने लिकाईन ते आमूह बाहेर मोकेलतेन हि निश्चय इही एय नाहं इही एणेन जुवी कि ते स्वता: आवीन आमूह बाहेर लीन जाणे. 38शिपायांन दण्ड अधिका-याहबी शब्द कियील, दण्ड अधिकाऱ्याराह हे ताहे-या मालूम एय गीयो कि पौलुस एने सिलास रोमी हि तेवी ते जादा बिईल. 39तेवी दण्ड अधिकारी ताहरी आवा एने तान ताफायरीन क्षमा मागीन बाहेर लीन गीयो एने तान ते नगर निकलीन जाणेन कियील. 40पौलुस एने सिलास बाहेर जाइन लुदियान गिर गीया एने आखा बाहाक मिलिन तास तानकेरीन उत्साह वाढवील, एने ओवतो पोशो ते तारीन निकलीन गीया.

موجودہ انتخاب:

प्रेरितान कामे 16: NLXNT

سرخی

کاپی

موازنہ

شئیر