Lim Aŋgàa Ntum 9
9
Saul bínkír, e biìmé Jesus
1Wáa dzə e ghan see shooy, a Saul kù dzəə́ yoysìn, bémer wír Jesus e kinjuyrì ki. Wù nèn dù, e yèn taà cù wo kuʼùn, 2e lòn jii, «Ku sàŋ aŋwàʼa fo ŋgày se bùnrì se sí dzəə̀n é Damaskus si, é m fíʼ dù fo, yén, a wír ve á jumrì dzəə Jesus rə̀yi dzə̀ fó, kìn dzə̀ vikìy, kìn dzə̀ vilum, é m koórí, e kùr, e kfə̀n shó e Jerusalem fèn.»
3Saul nèn lò, a dù e Damaskus. Wù lòo meé fo, kifá ki lò, e njàʼàm fo yuv, a njàʼkìr, a kaarí wun, a tar. 4Wù gbù fo nsay, e yù, a jì wìr yoŋ wun jii, «Saul, Saul, à ron wúu yém ben bìʼ ká?» 5Wù dzə́r jii, «Dzə̀ wò lá, Tàr?» Jì yee shooy bìnèr jii, «Dzə̀ mo Jesus wo à rə́si ron wúu yém. 6Lò é yuv, e dù e mvə̀mlaʼ, aá suúy wò kinyo fo ke à kér fó a yiì.» 7Wír ve vé‑eè ghán wùn à Sauli wáa yu jí yee shooy, e làa yòʼ a yen wír, e tìím fo, shúu wóví yúm. 8Saul yiì nànèn fo nsay, e lòo mvə̀ʼ sí, e làa yòʼ dzə́ə yen kirə́ʼ. Á nèn ghàr é kiwo, a caàcà caàcàn, a dù sho e Damaskus. 9Wù dù, e dzə̀ʼə̀m fo vishiíy vitaár, a bó wù yòʼ sí yén virə́ʼ, a bó wù yòʼ yí kifá, e làa yòʼ a no ke noón kí.
10Ŋgaà biìmé wùmòʼ wáa dzə e Damaskus foo fèy, a yír rəə́ dzə̀ Ananiar. Wù lò, e yèn Jesus e njà kinjeenjèm, wù yòŋ jii, «Ananiar.» Wù biímé jii, «Tàr, mo və̀ne.» 11Jesus suúy shó jii, «Ku lò, a dù e dzəə ye á yoŋ ji Tìítiy. À mee e Judar lav, à dzə̀r wír woó Tasor wo á yoŋ ji Saul. Wù dzə́ fo, bunrì, 12a wù kì yèn ne wír wo á yoŋ ji Ananiar e njà kinjeenjèm, a wù wíy, e neèr kiwó e wùn kitu ji sí rəə́ mvəʼəm.» 13Ananiar nèn sùúy jii, «Tàr, mò‑oò sí yú léŋ wìr və̀n fo wíri anín mo wù‑uù nyavrì e wír vée é Jerusalem. 14A wù sə̀ ne vitaáví fo vitú ve atàá cù vi, a wìy fèn lèn ji wun koórí wír ve á bunrì e wò yir adzə̀m.» 15Taàtá Jesus bìnèr sho jii, «Ku dù fo. M shòʼ ne wír woo shooy ji ŋgaà wom lìm, é wù wáa fìʼtì kinyo kém e wír ve bó yòʼ dzəə̀n veé Israyi, e kfə̀n a fìʼtì aàfon véví, a fìʼtì sa e wír veé Israyi. 16A m wíy dìn sho mo wù kér fó wìy yen ŋgeʼ bìʼ mo.»
17Ananiar nèn dù, e nə̀ə́ e lav fèy, e neèr wó rə́ e Saul kitu, e yòŋ jii, «Fər wom Saul, tùm Taàtá Jesus mo. A dzə̀ Jesus woo shooy wo wò‑oò yenen é dzəə é ghan se wò‑oò wiy fèn. A wù tùm mo ben ji m mvə̀ʼ sí yé, é Kiyoy ke Ranén kí wiy, e rùn e wò shiliv.» 18Saul ku nèn yù mo tùm kifá fo wùn si moo ŋgaʼ sə. Wù kfən yèn virə́ʼ, e lò e yuv. Á nèn lì wun, e wày é ndzəv. 19Wù nèn kèʼ, a yikír, vitaáví və́ ví wáa kfən fo.
Saul fiʼtì kinyo ke Jesus e Damaskus
Saul dzə̀ʼə̀m e Damaskus wùn aàŋgàa biimée vishiíy vishàr, 20e kù nèn a ghan e ŋgày se bùnrì se wìr veé Juda see fó, a fìʼtì kinyo ke Jesus, a suúy feyì jii, «Jesus dzə̀ á Wan Nyùy.» 21Wíri wáa yu, a ghaynín jii, «Bó yòʼ dzə̀ wír və̀n wo wù‑uù ghán, yúyri wír ve á ghvə́m yír Jesus fo Jerusalem à? Wù yòʼ wìy fèn bèn ji wun koórí wír vee shooy, e kùr, e kfə̀n shó e Jerusalem, é vitú ve atàá cùu sáʼ a?»
22A Saul kù fiʼtì kfə́ a dzə̀ kinyo ke Jesus kitávín, du duùn fó mbìy, tóʼti feyì ji Jesus dzə̀ á *Mfə̀ə́r wo Nyùy‑iì kàʼàn. Á bèy, la wír veé Juda ve vé‑eè dzəə̀n é Damaskusi yòʼ dzə́ə a ker kinyo kée bìnèr gheéy.
23Vishiíy ví lòo tumsín, wír veé Juda vìyi dzə̀ʼə̀m, e tàŋ ji á yúyrí á Saul. 24Saul kiíy. Wír vìyi kú a rəsí, a teʼ e shùu kày yeé Damaskus ji wù yíi lòo shaà, kìn dzə̀ e shùy, kìn dzə̀ vitsə́ʼ, aá wàá yúyrí. 25Yii bèy, aŋgaà və́ ŋgoo lì wun vitsə́ʼ, e wày é ŋkaà, e sə̀ʼə́r fo kitu ke kày ye vé‑eè bomen, e kaàrí Damaskus sho, wù nyéŋ.
Saul dú é Jerusalem
26Saul kfə́n é Jerusalem, e lòo tatí wùn aàŋgàa biimé vee fóo, á nèn a fàn, a nyeŋ wun nyéŋén, bìʼ fo bó á yòʼ‑oò ló a biimé ji wù wày ne rú shilív e Jesus wùn. 27Banabar nèn dù, e yèn wun, e lì, wùn wun dù, e yèn aŋgàa ntum Jesus. Wù wáa fèr aáwune mo Saul‑iì yenen Tàr wov Jesus e dzəə, wùn wun súŋnín, e kfə̀n a fèr mo wù‑uù fiʼtì kinyo ke Jesus e Damaskus tèéter. 28Saul nèn a ghanén lèn wùn aàŋgàa biimé veé Jerusaleme adzə̀m, a fìʼtì kinyo ke Jesus tèéter. 29Wù lo, wù kfə̀n a fìʼtì sa e wír veé Juda ve á súŋnin Lám Griki, wùn áwune wàa bìʼ mbìʼ sho. Á nèn wìy lò, a tàʼ ji á yúyrí wun. 30Aŋgàa biimée kiíy, e lì wun, e sə̀y shó e mvə̀mlaʼ Sisaria, e tsə̀nsí, wù dù e Tasor.
31Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.
Pita dú é ntèʼ see Lida wùn Joppa
32Pita ku nèn a ghan kfə́, a ghan vintatì ve wìr Jesus virə́ʼ vidzə̀m. Wìy lòo dzə e ghan símóʼ sí, wù dù, e ghàn keé Lida. 33Wù yén ndzə́m wùmòʼ fó, a yírí dzə̀ Aniar, a wù gón ne kiyá waamé. 34Pita yòŋ wun jii, «Aniar, Jesus Kristu sí fer wò. Lò é yuv, e kaàrí gham yée.» Aniar ku nèn lò e yuv. 35Wír veé Lida wùn à veé Mboʼ Sharon foo fèy adzə̀me yén, a wìr və̀y bónén ne, á nèn wày shilív e Jesus wùn.
36Wiíy wùmòʼ wáa dzə e ntèʼ yee Joppa, a dzə̀ sá ŋgaà biìmé, a yír rəə́ dzə̀ Tabita, a dzə̀ é Lǎm Grik ji Dokar, a nsàv dzə̀ ji leeleé. Wù‑uù yii vinyo ve juŋ vi ghán sidzə̀m, sə́ vé ŋgeʼe. 37Wáa dzə e ghan see shooy, wiíy və̀n gbù yàsí, e nèn kpù. Á sù dzə́n, e kòʼ, e neèr e lav yìmòʼ fó yuv. 38A Joppa və̀n dzə̀ fó mentsə̀m me Lida. Aŋgàa biimée yú ji Pita dzə̀ é Lida, e nèn tùm wír fo abaà. Áwune dù, e lòn jii, «Kii wò, ku wìy cér.»
39Pita ku nèn lò, wùn áwune wáa dù. Wù meé fó, á lì wun, e kòʼ shó e lav yee fó yuv rə̀y. Vikǐy ŋkfə vee fóo báʼtí e wùn ghaŋ adzə̀m, a toŋ, a dìn ndzə̀y se Dokar‑iì tár, jav aáwune é ghan se wù‑uù dzə̀ə́ sho. 40Pita fəə́r áwune fó ndzə adzə̀m, e sìíy, e tsə̀m fó nsay, a bùnrì. Wù yiì lò, e bìnkìr, e lèéy dzə́n wiíy və̀y, e yòŋ jii, «Tabita, lò é yuv.» Wù ku nèn mvə̀ʼ sí, e yèn Pita, e nànèn, e dzə̀ʼə̀m e kikun. 41Pita ghár kiwó kfə́, wù lò e yuv. Wù jàŋ aŋgàa biimé wùn à vikǐy ŋkfə vìyi, e dìn sho, a wù sì e tin. 42Sáʼka woo shooy nèn sàmèr ntèʼ yee Joppa e dzə̀m. Wír aneéníne wáa way shilív e Jesus wùn. 43Pita nèn kfə̀n dzə̀ʼə̀m e Joppa ntàmda, a shiíy wùn Simon wo wù‑uù tám júv.
موجودہ انتخاب:
Lim Aŋgàa Ntum 9: LNB
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL
Lim Aŋgàa Ntum 9
9
Saul bínkír, e biìmé Jesus
1Wáa dzə e ghan see shooy, a Saul kù dzəə́ yoysìn, bémer wír Jesus e kinjuyrì ki. Wù nèn dù, e yèn taà cù wo kuʼùn, 2e lòn jii, «Ku sàŋ aŋwàʼa fo ŋgày se bùnrì se sí dzəə̀n é Damaskus si, é m fíʼ dù fo, yén, a wír ve á jumrì dzəə Jesus rə̀yi dzə̀ fó, kìn dzə̀ vikìy, kìn dzə̀ vilum, é m koórí, e kùr, e kfə̀n shó e Jerusalem fèn.»
3Saul nèn lò, a dù e Damaskus. Wù lòo meé fo, kifá ki lò, e njàʼàm fo yuv, a njàʼkìr, a kaarí wun, a tar. 4Wù gbù fo nsay, e yù, a jì wìr yoŋ wun jii, «Saul, Saul, à ron wúu yém ben bìʼ ká?» 5Wù dzə́r jii, «Dzə̀ wò lá, Tàr?» Jì yee shooy bìnèr jii, «Dzə̀ mo Jesus wo à rə́si ron wúu yém. 6Lò é yuv, e dù e mvə̀mlaʼ, aá suúy wò kinyo fo ke à kér fó a yiì.» 7Wír ve vé‑eè ghán wùn à Sauli wáa yu jí yee shooy, e làa yòʼ a yen wír, e tìím fo, shúu wóví yúm. 8Saul yiì nànèn fo nsay, e lòo mvə̀ʼ sí, e làa yòʼ dzə́ə yen kirə́ʼ. Á nèn ghàr é kiwo, a caàcà caàcàn, a dù sho e Damaskus. 9Wù dù, e dzə̀ʼə̀m fo vishiíy vitaár, a bó wù yòʼ sí yén virə́ʼ, a bó wù yòʼ yí kifá, e làa yòʼ a no ke noón kí.
10Ŋgaà biìmé wùmòʼ wáa dzə e Damaskus foo fèy, a yír rəə́ dzə̀ Ananiar. Wù lò, e yèn Jesus e njà kinjeenjèm, wù yòŋ jii, «Ananiar.» Wù biímé jii, «Tàr, mo və̀ne.» 11Jesus suúy shó jii, «Ku lò, a dù e dzəə ye á yoŋ ji Tìítiy. À mee e Judar lav, à dzə̀r wír woó Tasor wo á yoŋ ji Saul. Wù dzə́ fo, bunrì, 12a wù kì yèn ne wír wo á yoŋ ji Ananiar e njà kinjeenjèm, a wù wíy, e neèr kiwó e wùn kitu ji sí rəə́ mvəʼəm.» 13Ananiar nèn sùúy jii, «Tàr, mò‑oò sí yú léŋ wìr və̀n fo wíri anín mo wù‑uù nyavrì e wír vée é Jerusalem. 14A wù sə̀ ne vitaáví fo vitú ve atàá cù vi, a wìy fèn lèn ji wun koórí wír ve á bunrì e wò yir adzə̀m.» 15Taàtá Jesus bìnèr sho jii, «Ku dù fo. M shòʼ ne wír woo shooy ji ŋgaà wom lìm, é wù wáa fìʼtì kinyo kém e wír ve bó yòʼ dzəə̀n veé Israyi, e kfə̀n a fìʼtì aàfon véví, a fìʼtì sa e wír veé Israyi. 16A m wíy dìn sho mo wù kér fó wìy yen ŋgeʼ bìʼ mo.»
17Ananiar nèn dù, e nə̀ə́ e lav fèy, e neèr wó rə́ e Saul kitu, e yòŋ jii, «Fər wom Saul, tùm Taàtá Jesus mo. A dzə̀ Jesus woo shooy wo wò‑oò yenen é dzəə é ghan se wò‑oò wiy fèn. A wù tùm mo ben ji m mvə̀ʼ sí yé, é Kiyoy ke Ranén kí wiy, e rùn e wò shiliv.» 18Saul ku nèn yù mo tùm kifá fo wùn si moo ŋgaʼ sə. Wù kfən yèn virə́ʼ, e lò e yuv. Á nèn lì wun, e wày é ndzəv. 19Wù nèn kèʼ, a yikír, vitaáví və́ ví wáa kfən fo.
Saul fiʼtì kinyo ke Jesus e Damaskus
Saul dzə̀ʼə̀m e Damaskus wùn aàŋgàa biimée vishiíy vishàr, 20e kù nèn a ghan e ŋgày se bùnrì se wìr veé Juda see fó, a fìʼtì kinyo ke Jesus, a suúy feyì jii, «Jesus dzə̀ á Wan Nyùy.» 21Wíri wáa yu, a ghaynín jii, «Bó yòʼ dzə̀ wír və̀n wo wù‑uù ghán, yúyri wír ve á ghvə́m yír Jesus fo Jerusalem à? Wù yòʼ wìy fèn bèn ji wun koórí wír vee shooy, e kùr, e kfə̀n shó e Jerusalem, é vitú ve atàá cùu sáʼ a?»
22A Saul kù fiʼtì kfə́ a dzə̀ kinyo ke Jesus kitávín, du duùn fó mbìy, tóʼti feyì ji Jesus dzə̀ á *Mfə̀ə́r wo Nyùy‑iì kàʼàn. Á bèy, la wír veé Juda ve vé‑eè dzəə̀n é Damaskusi yòʼ dzə́ə a ker kinyo kée bìnèr gheéy.
23Vishiíy ví lòo tumsín, wír veé Juda vìyi dzə̀ʼə̀m, e tàŋ ji á yúyrí á Saul. 24Saul kiíy. Wír vìyi kú a rəsí, a teʼ e shùu kày yeé Damaskus ji wù yíi lòo shaà, kìn dzə̀ e shùy, kìn dzə̀ vitsə́ʼ, aá wàá yúyrí. 25Yii bèy, aŋgaà və́ ŋgoo lì wun vitsə́ʼ, e wày é ŋkaà, e sə̀ʼə́r fo kitu ke kày ye vé‑eè bomen, e kaàrí Damaskus sho, wù nyéŋ.
Saul dú é Jerusalem
26Saul kfə́n é Jerusalem, e lòo tatí wùn aàŋgàa biimé vee fóo, á nèn a fàn, a nyeŋ wun nyéŋén, bìʼ fo bó á yòʼ‑oò ló a biimé ji wù wày ne rú shilív e Jesus wùn. 27Banabar nèn dù, e yèn wun, e lì, wùn wun dù, e yèn aŋgàa ntum Jesus. Wù wáa fèr aáwune mo Saul‑iì yenen Tàr wov Jesus e dzəə, wùn wun súŋnín, e kfə̀n a fèr mo wù‑uù fiʼtì kinyo ke Jesus e Damaskus tèéter. 28Saul nèn a ghanén lèn wùn aàŋgàa biimé veé Jerusaleme adzə̀m, a fìʼtì kinyo ke Jesus tèéter. 29Wù lo, wù kfə̀n a fìʼtì sa e wír veé Juda ve á súŋnin Lám Griki, wùn áwune wàa bìʼ mbìʼ sho. Á nèn wìy lò, a tàʼ ji á yúyrí wun. 30Aŋgàa biimée kiíy, e lì wun, e sə̀y shó e mvə̀mlaʼ Sisaria, e tsə̀nsí, wù dù e Tasor.
31Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.
Pita dú é ntèʼ see Lida wùn Joppa
32Pita ku nèn a ghan kfə́, a ghan vintatì ve wìr Jesus virə́ʼ vidzə̀m. Wìy lòo dzə e ghan símóʼ sí, wù dù, e ghàn keé Lida. 33Wù yén ndzə́m wùmòʼ fó, a yírí dzə̀ Aniar, a wù gón ne kiyá waamé. 34Pita yòŋ wun jii, «Aniar, Jesus Kristu sí fer wò. Lò é yuv, e kaàrí gham yée.» Aniar ku nèn lò e yuv. 35Wír veé Lida wùn à veé Mboʼ Sharon foo fèy adzə̀me yén, a wìr və̀y bónén ne, á nèn wày shilív e Jesus wùn.
36Wiíy wùmòʼ wáa dzə e ntèʼ yee Joppa, a dzə̀ sá ŋgaà biìmé, a yír rəə́ dzə̀ Tabita, a dzə̀ é Lǎm Grik ji Dokar, a nsàv dzə̀ ji leeleé. Wù‑uù yii vinyo ve juŋ vi ghán sidzə̀m, sə́ vé ŋgeʼe. 37Wáa dzə e ghan see shooy, wiíy və̀n gbù yàsí, e nèn kpù. Á sù dzə́n, e kòʼ, e neèr e lav yìmòʼ fó yuv. 38A Joppa və̀n dzə̀ fó mentsə̀m me Lida. Aŋgàa biimée yú ji Pita dzə̀ é Lida, e nèn tùm wír fo abaà. Áwune dù, e lòn jii, «Kii wò, ku wìy cér.»
39Pita ku nèn lò, wùn áwune wáa dù. Wù meé fó, á lì wun, e kòʼ shó e lav yee fó yuv rə̀y. Vikǐy ŋkfə vee fóo báʼtí e wùn ghaŋ adzə̀m, a toŋ, a dìn ndzə̀y se Dokar‑iì tár, jav aáwune é ghan se wù‑uù dzə̀ə́ sho. 40Pita fəə́r áwune fó ndzə adzə̀m, e sìíy, e tsə̀m fó nsay, a bùnrì. Wù yiì lò, e bìnkìr, e lèéy dzə́n wiíy və̀y, e yòŋ jii, «Tabita, lò é yuv.» Wù ku nèn mvə̀ʼ sí, e yèn Pita, e nànèn, e dzə̀ʼə̀m e kikun. 41Pita ghár kiwó kfə́, wù lò e yuv. Wù jàŋ aŋgàa biimé wùn à vikǐy ŋkfə vìyi, e dìn sho, a wù sì e tin. 42Sáʼka woo shooy nèn sàmèr ntèʼ yee Joppa e dzə̀m. Wír aneéníne wáa way shilív e Jesus wùn. 43Pita nèn kfə̀n dzə̀ʼə̀m e Joppa ntàmda, a shiíy wùn Simon wo wù‑uù tám júv.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL