Lim Aŋgàa Ntum 4
4
Pita wùn Joon kér nsaʼ wùn à vé wòŋe
1Kù mo Pita wùn Joon súŋnin e wíri bey, atàá cù ámóʼó wìy, e tò fó wùn à kitú ke vé rər ve vé‑eè shiy lav cù, à wír veé mbìv *Sadusi ámóʼó. 2A vé‑eè shwiiy kilòŋ, bìʼ fo Pita wùn Joon‑eè yéʼey wíri jii, mo Jesus‑eè fəən fó kpu, wìr dzə̀m wo wù tatin wùn Jesus waà wíy fəə sa. 3Á nèn bàm áwune, a dù sho. Mo yì‑iì siìn e ŋkuùr, a ghán sí báŋrín ne, á nèn fìn e lav ji á bvəə́shi, a yen a kibvəə́shí. 4Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.
5Yì rán kibvəə́shí, vé saʼa wùn à vé wòŋe, à wír ve á yii duŋrì nsər Nyùyi tár é Jerusalem. 6Anar wo yì‑iì dzəə̀n taà cù wo kuʼùn wáa dzə fo wùn à Kayfar, à Joon, à Aleŋsanda, à wír ámóʼó adzə̀m ve dzəə̀n sá kfə́ə taà cù wo kuʼùn. 7Á nèn kòʼór Pita wùn Joon fó si, e dzə̀r aáwune jii, «Vèn sìíy ghàn é le, e bóo yiì kinyo kìy? Vitaáví vén ví lo fo feé? Vèn‑ee yii bèy, yoŋ yír a dzə̀ yé la?» 8Kiyoy ke Ranén kí rún e Pita shiliv, wù nèn bìnèr jii, «Ven vee vé saʼa wùn à vé wòŋe, 9kinyo ke vèr‑ii yiìn e ndzə́m və̀n ki dzə̀ kinyo ke juŋ ki. Yii bèy, a vèn lò, a dzətí ji á kiíy kinyo ke kí yiìn, bo wù wáa ghan, 10vèn à wír veé Israyi wàa kiíy adzə̀m jii, yiì vitaáví vé Jesus Kristu woó Naasarer, bo wìr və̀n wáa tiy lèn e věn si, a wù bónén ne, e tàv kijuŋ. A dzə̀ Jesus woo shó wo vèn‑eè taan é kintam, bo Nyùy fəə́r wun fo kpu. 11#Nsùyrì Nyùy 118.22. Dzə̀ wun tíy ye á yoŋ e Ŋwàʼ Nyùy jii:
« ‹Tíy ye ven vee aŋgàa kimbome leeyin ntéŋé sì yíwun ye yí loòn ne, e tòm kór lav.›
12A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»
13Vé saʼa yú, a Pita wùn Joon bínér vinyo tèéter, là fan, e kfə̀n yèn ji dzə̀ wíri fó tèr, a bó á yoʼ yèʼéy ŋwàʼ e ŋàŋ, sí yéví sə́n. Á nèn səə̀m ji kí dzə̀ bey, bì fo vé‑eè ghán a wùn à Jesus. 14A bó yòʼ‑oò dzə̀ áwune kfə̀n a meŋnín kinyo ke Pita wùn Joon yiìn, bìʼ fo vé‑eè yén, a tíy wùn à wìr wo áwune fèrìn və̀y. 15Vé wòŋe nèn lò, e fə̀ə́r Pita wùn Joon fó ndzə, e sìíy a kfə̀ynìn jii, 16«A dzə̀ vèsən yèe e wír vìne? Wír veé Jerusalem adzə̀me kìíy ne kiŋgaʼnìn ke kinyò ke áwune yiìn kin, a bó yòʼ dzə̀ sá vèsən wàa kìnèn. 17Yii bèy, fó sə̀r kinyo kee shoon fo kí kfə́n a sàmèr, vèsən ku kàntì wír vìn kántin ji lá á yòʼ dzəə mùm, e sùúy a kinyo e wìr kùm Jesus.»
18Á nèn kfə̀n jàŋ Pita wùn Joon, a kàntì ji áwune wáa yen a fó kfə̀n a suúy kinyo e wìr kùm Jesus, a yeʼéy wír kinyo kfə́. 19Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a? 20A dzə̀ vèr kù a suúy kinyo ke vèr‑iì yenen, e kfə̀n yù.» 21Vé saʼa nèn kfə̀n kàntì áwune kitávín, e bóo màʼtì, aá wáa dù. A vé‑eè tàn a dzə̀ dzə́ə ye dzə̀ á wày áwune shó e ŋgeʼ, bìʼ fo wìr dzə̀m‑eè sí búrí Nyùy fo kiŋgaʼnìn ke kinyò ke kí‑iì kooyin kin. 22Bo taaka mo ndzə́m wo vé‑eè fèrìn və̀n‑eè shaàn ne kiyá mkweè.
Wír Jesuse lón vitaáví fo Nyùy
23Mo á màʼtìn Pita wùn Joon, áwune nèn dù, e yèn wír vee áwuné kintatì, e fìʼtì mo vitú ve atàá cù wùn à vé wòŋe suuyin. 24Áwune yú, e nèn tàtí, a lon a dzə̀ fo Nyùy, a bùnrì jii, «Nyùy woo Taà Vitu, yì‑iì bòm wò yúv wùn à nsay, à ndzə́ví, à vifá ve ví dzəə̀n shó vi vidzə̀m. 25#Nsùyrì Nyùy 2.1‑2 (Grik). Wò‑oò yiì, tàr wor Davir, wo yì‑iì dzəə̀n ŋgaà lìm wò, suúy fó vitaaví vé Kiyòy ke Ranén kí jii:
« ‹Vitúm vi shwiiy kilòŋ bìʼ ka?
Á bá antaŋ ve bó yòʼ dzə̀ á tìím ji ka?
26Afon veé nsayi báʼti rə́r,
aàtǎr wòŋe dzəʼə̀m, táŋ sáʼ Nyùy Tàr,
táŋ sáʼ ŋgaà wo wù yoʼon ji *Mfə̀ə́r.›
27Davir wáa yòŋ bèy, a kù dzə̀ kinyo ke kí‑iì kooyin é ntèʼ fen e ghan sin. Fòn Heror‑iì tàtí wùn à Poshur Payler, à wír ve bó yòʼ dzəə̀n veé Isray ámóʼó, à veé Israyi, a taŋ menàŋ e Jesus bàm. Jesus, wo dzəə̀n Ŋgaà wò Lìm wo juŋ wo wò‑oò yoʼon ji Mfə̀ə́r. 28A vé‑eè táŋ vinyo ve vé‑eè táŋé, a kù dzə̀ ve wò woo Nyùy‑iì sìysìn ne fo ŋgùʼ ji á mo ví wíy koóy. 29Tàr, ku yèn ri mo wír vìne bémer ver. Ku yiì, é ver vee aŋgàa lìm vée wáa fìʼtì kinyo ké là fan. 30Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»
31Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.
Wír Jesuse kér vifá vév vimòʼón
32Kintatì ke wìr Jesus ki wáa dzə, a ker shuu e mòʼón, e kfə̀n a ker shilív shimòʼón, la wìr yòʼ a yòŋ kifá kímóʼ kí ji kfə́. Kifá ke wìr ki kù‑uù dzə̀ ké wìr dzə̀m. 33Aŋgàa ntum Jesuse nèn a fìʼtì feyì mo Tàr wov Jesus‑eè fəən fó kpu e dzəə ye dzə̀ wíri yù. Wír veé kintatì adzə̀me kú a suusín kitávín, 34la wìr yòʼ a dzə sho aáwuné mvəm wo wù kfə̀n búŋ kifá gheéy. Wíri lo, á wàa fiìnè súm sév, kìn dzə̀ lav, 35a fo mbàm aàŋgàa ntum Jesuse, á wàa jàvtì e wìr dzə̀m mo kíghàʼ wìr dzəə̀n.
36Wìr wùmòʼ wáa dzə sa fo, aá yoŋ ji Joosev, a dzə̀ wír woó ram Levi, a vé‑eè dzə̀ə́ wun e wòŋ Saypur, aàŋgàa ntum Jesuse kfə̀n yoŋ wun ji Banabar, a dzə̀ ji ŋgaà tàvír. 37Wù nèn fiìnè sa súm və́ wúmóʼó, e lì mbàm, e dù, e fò áàŋgàa ntum Jesuse.
موجودہ انتخاب:
Lim Aŋgàa Ntum 4: LNB
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL
Lim Aŋgàa Ntum 4
4
Pita wùn Joon kér nsaʼ wùn à vé wòŋe
1Kù mo Pita wùn Joon súŋnin e wíri bey, atàá cù ámóʼó wìy, e tò fó wùn à kitú ke vé rər ve vé‑eè shiy lav cù, à wír veé mbìv *Sadusi ámóʼó. 2A vé‑eè shwiiy kilòŋ, bìʼ fo Pita wùn Joon‑eè yéʼey wíri jii, mo Jesus‑eè fəən fó kpu, wìr dzə̀m wo wù tatin wùn Jesus waà wíy fəə sa. 3Á nèn bàm áwune, a dù sho. Mo yì‑iì siìn e ŋkuùr, a ghán sí báŋrín ne, á nèn fìn e lav ji á bvəə́shi, a yen a kibvəə́shí. 4Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.
5Yì rán kibvəə́shí, vé saʼa wùn à vé wòŋe, à wír ve á yii duŋrì nsər Nyùyi tár é Jerusalem. 6Anar wo yì‑iì dzəə̀n taà cù wo kuʼùn wáa dzə fo wùn à Kayfar, à Joon, à Aleŋsanda, à wír ámóʼó adzə̀m ve dzəə̀n sá kfə́ə taà cù wo kuʼùn. 7Á nèn kòʼór Pita wùn Joon fó si, e dzə̀r aáwune jii, «Vèn sìíy ghàn é le, e bóo yiì kinyo kìy? Vitaáví vén ví lo fo feé? Vèn‑ee yii bèy, yoŋ yír a dzə̀ yé la?» 8Kiyoy ke Ranén kí rún e Pita shiliv, wù nèn bìnèr jii, «Ven vee vé saʼa wùn à vé wòŋe, 9kinyo ke vèr‑ii yiìn e ndzə́m və̀n ki dzə̀ kinyo ke juŋ ki. Yii bèy, a vèn lò, a dzətí ji á kiíy kinyo ke kí yiìn, bo wù wáa ghan, 10vèn à wír veé Israyi wàa kiíy adzə̀m jii, yiì vitaáví vé Jesus Kristu woó Naasarer, bo wìr və̀n wáa tiy lèn e věn si, a wù bónén ne, e tàv kijuŋ. A dzə̀ Jesus woo shó wo vèn‑eè taan é kintam, bo Nyùy fəə́r wun fo kpu. 11#Nsùyrì Nyùy 118.22. Dzə̀ wun tíy ye á yoŋ e Ŋwàʼ Nyùy jii:
« ‹Tíy ye ven vee aŋgàa kimbome leeyin ntéŋé sì yíwun ye yí loòn ne, e tòm kór lav.›
12A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»
13Vé saʼa yú, a Pita wùn Joon bínér vinyo tèéter, là fan, e kfə̀n yèn ji dzə̀ wíri fó tèr, a bó á yoʼ yèʼéy ŋwàʼ e ŋàŋ, sí yéví sə́n. Á nèn səə̀m ji kí dzə̀ bey, bì fo vé‑eè ghán a wùn à Jesus. 14A bó yòʼ‑oò dzə̀ áwune kfə̀n a meŋnín kinyo ke Pita wùn Joon yiìn, bìʼ fo vé‑eè yén, a tíy wùn à wìr wo áwune fèrìn və̀y. 15Vé wòŋe nèn lò, e fə̀ə́r Pita wùn Joon fó ndzə, e sìíy a kfə̀ynìn jii, 16«A dzə̀ vèsən yèe e wír vìne? Wír veé Jerusalem adzə̀me kìíy ne kiŋgaʼnìn ke kinyò ke áwune yiìn kin, a bó yòʼ dzə̀ sá vèsən wàa kìnèn. 17Yii bèy, fó sə̀r kinyo kee shoon fo kí kfə́n a sàmèr, vèsən ku kàntì wír vìn kántin ji lá á yòʼ dzəə mùm, e sùúy a kinyo e wìr kùm Jesus.»
18Á nèn kfə̀n jàŋ Pita wùn Joon, a kàntì ji áwune wáa yen a fó kfə̀n a suúy kinyo e wìr kùm Jesus, a yeʼéy wír kinyo kfə́. 19Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a? 20A dzə̀ vèr kù a suúy kinyo ke vèr‑iì yenen, e kfə̀n yù.» 21Vé saʼa nèn kfə̀n kàntì áwune kitávín, e bóo màʼtì, aá wáa dù. A vé‑eè tàn a dzə̀ dzə́ə ye dzə̀ á wày áwune shó e ŋgeʼ, bìʼ fo wìr dzə̀m‑eè sí búrí Nyùy fo kiŋgaʼnìn ke kinyò ke kí‑iì kooyin kin. 22Bo taaka mo ndzə́m wo vé‑eè fèrìn və̀n‑eè shaàn ne kiyá mkweè.
Wír Jesuse lón vitaáví fo Nyùy
23Mo á màʼtìn Pita wùn Joon, áwune nèn dù, e yèn wír vee áwuné kintatì, e fìʼtì mo vitú ve atàá cù wùn à vé wòŋe suuyin. 24Áwune yú, e nèn tàtí, a lon a dzə̀ fo Nyùy, a bùnrì jii, «Nyùy woo Taà Vitu, yì‑iì bòm wò yúv wùn à nsay, à ndzə́ví, à vifá ve ví dzəə̀n shó vi vidzə̀m. 25#Nsùyrì Nyùy 2.1‑2 (Grik). Wò‑oò yiì, tàr wor Davir, wo yì‑iì dzəə̀n ŋgaà lìm wò, suúy fó vitaaví vé Kiyòy ke Ranén kí jii:
« ‹Vitúm vi shwiiy kilòŋ bìʼ ka?
Á bá antaŋ ve bó yòʼ dzə̀ á tìím ji ka?
26Afon veé nsayi báʼti rə́r,
aàtǎr wòŋe dzəʼə̀m, táŋ sáʼ Nyùy Tàr,
táŋ sáʼ ŋgaà wo wù yoʼon ji *Mfə̀ə́r.›
27Davir wáa yòŋ bèy, a kù dzə̀ kinyo ke kí‑iì kooyin é ntèʼ fen e ghan sin. Fòn Heror‑iì tàtí wùn à Poshur Payler, à wír ve bó yòʼ dzəə̀n veé Isray ámóʼó, à veé Israyi, a taŋ menàŋ e Jesus bàm. Jesus, wo dzəə̀n Ŋgaà wò Lìm wo juŋ wo wò‑oò yoʼon ji Mfə̀ə́r. 28A vé‑eè táŋ vinyo ve vé‑eè táŋé, a kù dzə̀ ve wò woo Nyùy‑iì sìysìn ne fo ŋgùʼ ji á mo ví wíy koóy. 29Tàr, ku yèn ri mo wír vìne bémer ver. Ku yiì, é ver vee aŋgàa lìm vée wáa fìʼtì kinyo ké là fan. 30Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»
31Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.
Wír Jesuse kér vifá vév vimòʼón
32Kintatì ke wìr Jesus ki wáa dzə, a ker shuu e mòʼón, e kfə̀n a ker shilív shimòʼón, la wìr yòʼ a yòŋ kifá kímóʼ kí ji kfə́. Kifá ke wìr ki kù‑uù dzə̀ ké wìr dzə̀m. 33Aŋgàa ntum Jesuse nèn a fìʼtì feyì mo Tàr wov Jesus‑eè fəən fó kpu e dzəə ye dzə̀ wíri yù. Wír veé kintatì adzə̀me kú a suusín kitávín, 34la wìr yòʼ a dzə sho aáwuné mvəm wo wù kfə̀n búŋ kifá gheéy. Wíri lo, á wàa fiìnè súm sév, kìn dzə̀ lav, 35a fo mbàm aàŋgàa ntum Jesuse, á wàa jàvtì e wìr dzə̀m mo kíghàʼ wìr dzəə̀n.
36Wìr wùmòʼ wáa dzə sa fo, aá yoŋ ji Joosev, a dzə̀ wír woó ram Levi, a vé‑eè dzə̀ə́ wun e wòŋ Saypur, aàŋgàa ntum Jesuse kfə̀n yoŋ wun ji Banabar, a dzə̀ ji ŋgaà tàvír. 37Wù nèn fiìnè sa súm və́ wúmóʼó, e lì mbàm, e dù, e fò áàŋgàa ntum Jesuse.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL