Lim Aŋgàa Ntum 18
18
Por dú é Korin
1Kee shooy ki shaà, Por lò fo Aten, e dù e mvə̀mlaʼ yee Korin. 2Wùn wìr woó Juda wùmòʼ tárnín fó, a yír rəə́ dzə̀ Akwila, a vé‑eè dzə̀ə́ wun e wòŋ Pontur. Wùn wiiy və kù‑uù dzəə́ wiy wìyìn fó wòŋ woo Itali, bìʼ fo Kiladiyur woo Fon woó Rom‑eè jùmèn wír veé Juda fo fo adzə̀m. Por yiì dù kiŋgàn aáwuné lav, 3e lòo yen, aáwune bá sa kfə́ə ndzə̀y se wù yii bá, wù nèn a shiíy fo, wùn áwune wáa lìm lim. 4Lóo dzə kishiíy ké bam ke wìr veé Juda kidzə̀m, wù kù dù aáwuné ŋgày bùnrì, a suŋnín wùn áwune, e kfə̀n a suŋnín wùn à wír veé Grik ve vé‑eè wiy foo, e fíʼ bìnèr áwune.
5Silar wùn Timoti wìy wìy fo wòŋ Masedonia, Por nèn màʼtì lim, a fìʼtì a dzə̀ kinyo ke Nyùy ghán sidzə̀m, a suúy e wír veé Judàa ji Jesus dzə̀ á *Mfə̀ə́r wo vé‑eè shiyì. 6Áwune nèn wìy lò, a tun kinyo kfə́, a kuùrì wun. Wù nèn dzə̀vtì viváy və́, e sùúy jii, «A vèn lày, bo dzə̀ nsaʼ yen, bo bó m yòʼ kì kinyo fo fo. Kèʼ fo lèn, m sí yiì a ghan a dzə̀ fo wír ve bó yòʼ dzəə̀n veé Judàa.» 7Wù nèn màʼtì áwune, e kfə̀n màʼtì fo wù‑uù shiiyì, e dù, a shiíy a dzə̀ wùn wìr wo bó yòʼ dzəə̀n woó Juda, a wù ghvə́m Nyùy. Yír ŋgaàŋe‑eè dzə̀ Titur Justur, a lav rə dzə̀ e wír veé Judàá ghaa ŋgày bùnrì. 8Kiripur woo taà ŋgày bùnrì nèn lò wày shilív e Jesus wùn, wír vee wùn lavi wáy sá adzə̀m. Por ku nèn a fìʼtì kinyo ke Jesus, wír veé Korine wáa yu, a biimé anín, á wáa way áwune é ndzəv.
9Wìy lòo dzə vitsə́ʼ vímóʼ ví, vinjeenjèm vi wìy fo Por, wù yú, a Taàtá Jesus suúy e wun jii, «Lá à yòʼ a fàn. Kú a fìʼtì a dzə̀ kinyo kém kí, lá à yòʼ màʼtì. 10M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.» 11Por ku nèn a dzə fo, e mèé kiyá kifur e kimbéʼ ki, a yeʼéy wíri kinyo ke Nyùy.
12Wáa dzə e ghan se wír veé Rome‑eè lèmèn Galio ji ŋgaà saʼ bàràʼ e wòŋ Akaya foo fèy, wír veé Judàa nèn bàʼtí, e gòvtì Por, e lì, e dù sho e lav nsaʼ, 13a toy jii, «Wìr və̀n binèr wíri ji á wáa ghvəm Nyùy e dzəə ye bó nsər yoʼ biìmé.» 14Por ku lò ji wun waà súŋninè, Galio nèn yòŋ wír veé Juda vìy jii, «Wír veé Juda vìn, a kinyo kìn ki kì dzə̀ jay wo wù shóʼor nsər wòŋ yìmòʼ, bo m ku lò kfə̀mén, e yuùrí kinyo ke vèn suuyì. 15Mo kù dzəə̀n mbìʼ woo kùm jí si wùn à yír sí, à nsər sén sí, bo kù kiiy ven mo dzə̀ á sìysì. Bó yòʼ dzə̀ m nə̀ə́ é mvə̀m kinyò kee ben.» 16Wù suúy bey, e nèn jùm áwune fó lav nsaʼ. 17Á fəə́ é shùu lav nsaʼ foo fèy, e nèn bàm Sostener wo yì‑iì dzəə̀n taà ŋgày bùnrì wov, a dzə̀v, la Galio yòʼ a ghay gheéy.
Por kfə́n e Antiyok
18Mo kinyo kee shooy ki kooyin bey, Por nèn kfə̀n dzə̀ʼtì e Korin wùn aàŋgàa biimée, e bóo wìy lò, a dù ji wun nəə e kikoŋ, a dù e wòŋ woo Siiria. Wù lòo dù, Piisila wùn Akwila wáa dù sa wùn áwune. Áwune meé é Sencuri, Por kóm kitú kfə́, bìʼ fo wù‑uù yiìn kaʼ fo Nyùy. 19Wùn áwune nèn nə̀ə́ e kikoŋ, e dù, e mèé e Efesor, e jàvsìn. Piisila wùn Akwila gòʼ fo, Por dù kfə́ e wír veé Judàá ŋgày bùnrì, e bóo wìy a lò. Wù dù, e sùŋnín e wír vee shooyi, 20á wáa lon ji wù ku dzə̀ʼə̀m wùn áwune á ntàmda, la wù yòʼ biìmé. 21Wù lòo lò, a shàʼtì áwune jii, «A Nyùy ben biìmé, bo m kù dzəə́ wìy kfən e bàm, e yen ven.» Wù nèn kfə̀n dù, e nə̀ə́ e kikoŋ fo Efesor fèy, a dù.
22Kikóŋ ki meé é Sisaria, Por fəə́, e kòʼ é Jerusalem, e shàʼtì kintatì kee fó, e bóo tosín, a dù e Antiyok. 23Wù dzə̀ʼə̀m fo shintàm, e bóo kfə̀n lò, a ghan, a shaà dzə́ə fó wòŋ Galatia wùn à woó Firigia, a tavír aŋgàa biimé vee fó.
Apolor fíʼtí kinyo ke Nyùy e Efesor
24Wìr woó Juda wùmòʼ nèn wìy e Efesor, aá yoŋ ji Apolor, a vé‑eè dzə̀ə́ wun e Aleŋsandria. Wù‑uù dzə̀ wír jì ye juŋ, e kfə̀n kìíy sa Ŋwàʼ Nyùy e ŋàŋ. 25Vé‑eè yèʼéy ne wun dzə́ə yee kùm Mfə̀ə́r, wù nèn wày shilív, a fìʼtì kinyo kee shooy feyì, e naáy naáy, a wù kù‑uù kìíy a dzə̀ kinyo ke Joon‑eè fiʼtì, wáy wíri é ndzəv. 26Mo wù wìyìn é Efesor, e kù nèn a fìʼtì kinyo kee shooy tèéter e wír veé Judàá ŋgày bùnrì. Akwila wùn Piisila yú kinyo ke wù‑uù fiʼtì, e ghàr wun, e naàrì dzə́ə yee kùm Jesus sho lèn kijuŋ.
27Apolor nèn wìy lò, e kwàʼtì ji wun‑éè du á e wòŋ woo Akaya, kintatì keé Efesor ki sə́ wun, e sàŋ ŋwàʼ fo aŋgàa biimé vee fóo ji Apolor wíy wiyì, á kù keèrí wun a kijuŋ. Wù nèn dù fo, a sə aŋgàa biimé feyì kijuŋ, a dzə̀ wír adzə̀m ve Nyùy‑iì bùʼùn, á wáy shilív e Jesus wùn. 28Wùn à wír veé Judàa wáa bìʼ kinyo kee kùm Jesus e virə̀ʼ vé kitar. Wù wáa so áwune, a dìn fo Ŋwàʼ Nyùy kiránén ji Jesus dzə̀ á *Mfə̀ə́r wo Nyùy‑iì kàʼàn.
موجودہ انتخاب:
Lim Aŋgàa Ntum 18: LNB
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL
Lim Aŋgàa Ntum 18
18
Por dú é Korin
1Kee shooy ki shaà, Por lò fo Aten, e dù e mvə̀mlaʼ yee Korin. 2Wùn wìr woó Juda wùmòʼ tárnín fó, a yír rəə́ dzə̀ Akwila, a vé‑eè dzə̀ə́ wun e wòŋ Pontur. Wùn wiiy və kù‑uù dzəə́ wiy wìyìn fó wòŋ woo Itali, bìʼ fo Kiladiyur woo Fon woó Rom‑eè jùmèn wír veé Juda fo fo adzə̀m. Por yiì dù kiŋgàn aáwuné lav, 3e lòo yen, aáwune bá sa kfə́ə ndzə̀y se wù yii bá, wù nèn a shiíy fo, wùn áwune wáa lìm lim. 4Lóo dzə kishiíy ké bam ke wìr veé Juda kidzə̀m, wù kù dù aáwuné ŋgày bùnrì, a suŋnín wùn áwune, e kfə̀n a suŋnín wùn à wír veé Grik ve vé‑eè wiy foo, e fíʼ bìnèr áwune.
5Silar wùn Timoti wìy wìy fo wòŋ Masedonia, Por nèn màʼtì lim, a fìʼtì a dzə̀ kinyo ke Nyùy ghán sidzə̀m, a suúy e wír veé Judàa ji Jesus dzə̀ á *Mfə̀ə́r wo vé‑eè shiyì. 6Áwune nèn wìy lò, a tun kinyo kfə́, a kuùrì wun. Wù nèn dzə̀vtì viváy və́, e sùúy jii, «A vèn lày, bo dzə̀ nsaʼ yen, bo bó m yòʼ kì kinyo fo fo. Kèʼ fo lèn, m sí yiì a ghan a dzə̀ fo wír ve bó yòʼ dzəə̀n veé Judàa.» 7Wù nèn màʼtì áwune, e kfə̀n màʼtì fo wù‑uù shiiyì, e dù, a shiíy a dzə̀ wùn wìr wo bó yòʼ dzəə̀n woó Juda, a wù ghvə́m Nyùy. Yír ŋgaàŋe‑eè dzə̀ Titur Justur, a lav rə dzə̀ e wír veé Judàá ghaa ŋgày bùnrì. 8Kiripur woo taà ŋgày bùnrì nèn lò wày shilív e Jesus wùn, wír vee wùn lavi wáy sá adzə̀m. Por ku nèn a fìʼtì kinyo ke Jesus, wír veé Korine wáa yu, a biimé anín, á wáa way áwune é ndzəv.
9Wìy lòo dzə vitsə́ʼ vímóʼ ví, vinjeenjèm vi wìy fo Por, wù yú, a Taàtá Jesus suúy e wun jii, «Lá à yòʼ a fàn. Kú a fìʼtì a dzə̀ kinyo kém kí, lá à yòʼ màʼtì. 10M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.» 11Por ku nèn a dzə fo, e mèé kiyá kifur e kimbéʼ ki, a yeʼéy wíri kinyo ke Nyùy.
12Wáa dzə e ghan se wír veé Rome‑eè lèmèn Galio ji ŋgaà saʼ bàràʼ e wòŋ Akaya foo fèy, wír veé Judàa nèn bàʼtí, e gòvtì Por, e lì, e dù sho e lav nsaʼ, 13a toy jii, «Wìr və̀n binèr wíri ji á wáa ghvəm Nyùy e dzəə ye bó nsər yoʼ biìmé.» 14Por ku lò ji wun waà súŋninè, Galio nèn yòŋ wír veé Juda vìy jii, «Wír veé Juda vìn, a kinyo kìn ki kì dzə̀ jay wo wù shóʼor nsər wòŋ yìmòʼ, bo m ku lò kfə̀mén, e yuùrí kinyo ke vèn suuyì. 15Mo kù dzəə̀n mbìʼ woo kùm jí si wùn à yír sí, à nsər sén sí, bo kù kiiy ven mo dzə̀ á sìysì. Bó yòʼ dzə̀ m nə̀ə́ é mvə̀m kinyò kee ben.» 16Wù suúy bey, e nèn jùm áwune fó lav nsaʼ. 17Á fəə́ é shùu lav nsaʼ foo fèy, e nèn bàm Sostener wo yì‑iì dzəə̀n taà ŋgày bùnrì wov, a dzə̀v, la Galio yòʼ a ghay gheéy.
Por kfə́n e Antiyok
18Mo kinyo kee shooy ki kooyin bey, Por nèn kfə̀n dzə̀ʼtì e Korin wùn aàŋgàa biimée, e bóo wìy lò, a dù ji wun nəə e kikoŋ, a dù e wòŋ woo Siiria. Wù lòo dù, Piisila wùn Akwila wáa dù sa wùn áwune. Áwune meé é Sencuri, Por kóm kitú kfə́, bìʼ fo wù‑uù yiìn kaʼ fo Nyùy. 19Wùn áwune nèn nə̀ə́ e kikoŋ, e dù, e mèé e Efesor, e jàvsìn. Piisila wùn Akwila gòʼ fo, Por dù kfə́ e wír veé Judàá ŋgày bùnrì, e bóo wìy a lò. Wù dù, e sùŋnín e wír vee shooyi, 20á wáa lon ji wù ku dzə̀ʼə̀m wùn áwune á ntàmda, la wù yòʼ biìmé. 21Wù lòo lò, a shàʼtì áwune jii, «A Nyùy ben biìmé, bo m kù dzəə́ wìy kfən e bàm, e yen ven.» Wù nèn kfə̀n dù, e nə̀ə́ e kikoŋ fo Efesor fèy, a dù.
22Kikóŋ ki meé é Sisaria, Por fəə́, e kòʼ é Jerusalem, e shàʼtì kintatì kee fó, e bóo tosín, a dù e Antiyok. 23Wù dzə̀ʼə̀m fo shintàm, e bóo kfə̀n lò, a ghan, a shaà dzə́ə fó wòŋ Galatia wùn à woó Firigia, a tavír aŋgàa biimé vee fó.
Apolor fíʼtí kinyo ke Nyùy e Efesor
24Wìr woó Juda wùmòʼ nèn wìy e Efesor, aá yoŋ ji Apolor, a vé‑eè dzə̀ə́ wun e Aleŋsandria. Wù‑uù dzə̀ wír jì ye juŋ, e kfə̀n kìíy sa Ŋwàʼ Nyùy e ŋàŋ. 25Vé‑eè yèʼéy ne wun dzə́ə yee kùm Mfə̀ə́r, wù nèn wày shilív, a fìʼtì kinyo kee shooy feyì, e naáy naáy, a wù kù‑uù kìíy a dzə̀ kinyo ke Joon‑eè fiʼtì, wáy wíri é ndzəv. 26Mo wù wìyìn é Efesor, e kù nèn a fìʼtì kinyo kee shooy tèéter e wír veé Judàá ŋgày bùnrì. Akwila wùn Piisila yú kinyo ke wù‑uù fiʼtì, e ghàr wun, e naàrì dzə́ə yee kùm Jesus sho lèn kijuŋ.
27Apolor nèn wìy lò, e kwàʼtì ji wun‑éè du á e wòŋ woo Akaya, kintatì keé Efesor ki sə́ wun, e sàŋ ŋwàʼ fo aŋgàa biimé vee fóo ji Apolor wíy wiyì, á kù keèrí wun a kijuŋ. Wù nèn dù fo, a sə aŋgàa biimé feyì kijuŋ, a dzə̀ wír adzə̀m ve Nyùy‑iì bùʼùn, á wáy shilív e Jesus wùn. 28Wùn à wír veé Judàa wáa bìʼ kinyo kee kùm Jesus e virə̀ʼ vé kitar. Wù wáa so áwune, a dìn fo Ŋwàʼ Nyùy kiránén ji Jesus dzə̀ á *Mfə̀ə́r wo Nyùy‑iì kàʼàn.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL